॥ Sri Rama Krishna Ashtottara Shatanama Stotram Telugu Lyrics ॥
॥ శ్రీ రామకృష్ణ అష్టోత్తర శతనామ స్తోత్రం ॥
శ్రీరామచంద్రశ్రీకృష్ణ సూర్యచంద్రకులోద్భవౌ ।
కౌసల్యాదేవకీపుత్రౌ రామకృష్ణౌ గతిర్మమ ॥ ౧ ॥
దివ్యరూపౌ దశరథవసుదేవాత్మసంభవౌ ।
జానకీరుక్మిణీకాంతౌ రామకృష్ణౌ గతిర్మమ ॥ ౨ ॥
ఆయోధ్యాద్వారకాధీశౌ శ్రీమద్రాఘవయాదవౌ ।
శ్రీకాకుత్స్థేంద్రరాజేంద్రౌ రామకృష్ణౌ గతిర్మమ ॥ ౩ ॥
శాంతాసుభద్రాసోదర్యౌ సౌమిత్రీగదపూర్వజౌ ।
త్రేతాద్వాపరసంభూతౌ రామకృష్ణౌ గతిర్మమ ॥ ౪ ॥
విళంబివిశ్వావసుజౌ సౌమ్యదక్షాయణోద్భవౌ ।
వసంతవర్షఋతుజౌ రామకృష్ణౌ గతిర్మమ ॥ ౫ ॥
చైత్రశ్రావణసంభూతౌ మేషసింహాఖ్యమాసజౌ ।
సితాసితదళోద్భూతౌ రామకృష్ణౌ గతిర్మమ ॥ ౬ ॥
నవమీస్వష్టమీజాతౌ సౌమ్యవాసరసంభవౌ ।
అదితిబ్రహ్మతారాజౌ రామకృష్ణౌ గతిర్మమ ॥ ౭ ॥
మధ్యాహ్నార్ధనిశోత్పన్నౌ కుళీరవృషలగ్నజౌ ।
ద్వాత్రింశల్లక్షణోపేతౌ రామకృష్ణౌ గతిర్మమ ॥ ౮ ॥
దూర్వాదళఘనశ్యామౌ ద్విచతుర్బాహుసంభవౌ ।
కోదండచక్రహస్తాబ్జౌ రామకృష్ణౌ గతిర్మమ ॥ ౯ ॥
వశిష్ఠగార్గ్యసచివౌ సిద్ధార్థోద్ధవమంత్రిణౌ ।
గాధేయసాందీపిశిష్యౌ రామకృష్ణౌ గతిర్మమ ॥ ౧౦ ॥
లవప్రద్యుమ్నజనకౌ కుశసాంబసితాన్వితౌ ।
హనుమద్గరుడారూఢౌ రామకృష్ణౌ గతిర్మమ ॥ ౧౧ ॥
తాటకాపూతనారాతి ఖరకంసశిరోహరౌ ।
కాకకాళీయదర్పఘ్నౌ రామకృష్ణౌ గతిర్మమ ॥ ౧౨ ॥
కబంధనరకారాతీ విరాధమురమర్దనౌ ।
దశాస్యశిశుపాలఘ్నౌ రామకృష్ణౌ గతిర్మమ ॥ ౧౩ ॥
అహల్యానృపశాపఘ్నౌ శివకంసధనుర్భిదౌ ।
లీలామానుషరూపాఢ్యౌ రామకృష్ణౌ గతిర్మమ ॥ ౧౪ ॥
దండకారణ్యసంచారీ బృందావనవిహారిణౌ ।
ఏకాఽనేకకళత్రాఢ్యౌ రామకృష్ణౌ గతిర్మమ ॥ ౧౫ ॥
శబరీ ద్రౌపదీపూజ్యౌ జటాయుర్భీష్మముక్తిదౌ ।
మునిపాండవసంరక్షౌ రామకృష్ణౌ గతిర్మమ ॥ ౧౬ ॥
జామదగ్న్యాహంకృతిఘ్న బాణాసురమదాపహౌ ।
జయాన్వితౌ జగత్పూజ్యౌ రామకృష్ణౌ గతిర్మమ ॥ ౧౭ ॥
పితృవాక్యైకనిరతౌ పితృబంధవిమోచకౌ ।
చీరపీతాంబరధరౌ రామకృష్ణౌ గతిర్మమ ॥ ౧౮ ॥
సుమంత్రదారుకాభిఖ్యౌ సారథీజగదీశ్వరౌ ।
గుహపార్థప్రియసఖౌ రామకృష్ణౌ గతిర్మమ ॥ ౧౯ ॥
పరంతపౌ శూర్పణఖారుక్మివైరూప్యకారిణౌ ।
జంబూకశంఖచూడఘ్నౌ రామకృష్ణౌ గతిర్మమ ॥ ౨౦ ॥
సముద్రసేతునిర్మాతృ సముద్రకృతపత్తనౌ ।
మహాసత్వమహామాయౌ రామకృష్ణౌ గతిర్మమ ॥ ౨౧ ॥
వీరౌ విశ్వామిత్రధర్మయజ్ఞరక్షణతత్పరౌ ।
దృఢవ్రతౌ సుచరితౌ రామకృష్ణౌ గతిర్మమ ॥ ౨౨ ॥
త్రిజటాఖ్య కుచేలాఖ్య ద్విజదారిద్ర్యహారిణౌ ।
యోగిధ్యేయపదాంభోజౌ రామకృష్ణౌ గతిర్మమ ॥ ౨౩ ॥
మహాత్మానౌ సప్తతాళయమళార్జునభంజనౌ ।
మారుతాక్రూరవరదౌ రామకృష్ణౌ గతిర్మమ ॥ ౨౪ ॥
శివోపదిష్టగీతార్థ పార్థగీతోపదేశకౌ ।
వార్ధీశ శక్రమానఘ్నౌ రామకృష్ణౌ గతిర్మమ ॥ ౨౫ ॥
దేవదేవౌ కుంభకర్ణ దంతవక్త్రనిషూదనౌ ।
వాలిపౌండ్రకహంతారౌ రామకృష్ణౌ గతిర్మమ ॥ ౨౬ ॥
దూషణత్రిశిరోహంతృ సాల్వాఘాసురసూదనౌ ।
మారీచ శకటధ్వంసౌ రామకృష్ణౌ గతిర్మమ ॥ ౨౭ ॥
సుగ్రీవేష్ట జరాసంధ తనయేప్సితరాజ్యదౌ ।
సత్యవాక్ సత్యసంకల్పౌ రామకృష్ణౌ గతిర్మమ ॥ ౨౮ ॥
విభీషణాభయశ్రీద భగదత్తాఽభయప్రదౌ ।
జటాజూటకిరీటాద్యౌ రామకృష్ణౌ గతిర్మమ ॥ ౨౯ ॥
చిత్రకూటాచలావాసి రైవతాచలలోలుపౌ ।
సర్వభూతహృదావాసౌ రామకృష్ణౌ గతిర్మమ ॥ ౩౦ ॥
శరభంగోత్తమపద ముచుకుందవరప్రదౌ ।
సచ్చిదానందరూపాఢ్యౌ రామకృష్ణౌ గతిర్మమ ॥ ౩౧ ॥
ఋక్షవానరసేనాఢ్య వృష్టియాదవసైనికౌ ।
పరాత్పరౌ జితామిత్రౌ రామకృష్ణౌ గతిర్మమ ॥ ౩౨ ॥
ఋషిసంఘకృతాతిథ్య మునిపత్న్యర్పితోదనౌ ।
నిరమయౌ నిరాతంకౌ రామకృష్ణౌ గతిర్మమ ॥ ౩౩ ॥
ధరాధరవినిర్భేత్తృ గోవర్ధనధరోద్ధరౌ ।
సుబాహు శతధన్వఘ్నౌ రామకృష్ణౌ గతిర్మమ ॥ ౩౪ ॥
దశాస్యాన్వయసంహర్తృ దుర్యోధనకులాంతకౌ ।
సర్వభూతహితోద్యుక్తౌ రామకృష్ణౌ గతిర్మమ ॥ ౩౫ ॥
మృతశాఖామృగోజ్జీవి మృతగోగోపజీవకౌ ।
బ్రహ్మేంద్రాదిస్తుతిప్రీతౌ రామకృష్ణౌ గతిర్మమ ॥ ౩౬ ॥
శివలింగప్రతిష్ఠాతృ కృతకైలాసయాత్రకౌ ।
నిరంజనౌ నిష్కళంకౌ రామకృష్ణౌ గతిర్మమ ॥ ౩౭ ॥
మృతద్విజసుతోజ్జీవి వినష్ట గురుపుత్రదౌ ।
నిర్మమౌ నిరహంకారౌ రామకృష్ణౌ గతిర్మమ ॥ ౩౮ ॥
సరయూ యమునాతీర విహారాసక్తమానసౌ ।
వాల్మీకివ్యాససంస్తుత్యౌ రామకృష్ణౌ గతిర్మమ ॥ ౩౯ ॥
భూమీశార్చితపాదాబ్జ భూభారపరిహారకౌ ।
ధర్మసంస్థాపనోద్యుక్తౌ రామకృష్ణౌ గతిర్మమ ॥ ౪౦ ॥
రాజరాజప్రీతికర రాజేంద్రాన్వయపాలకౌ ।
సర్వాభీష్టప్రదాతారౌ రామకృష్ణౌ గతిర్మమ ॥ ౪౧ ॥
ఇతి శ్రీ రామకృష్ణ అష్టోత్తరశతనామ స్తోత్రమ్ ।