॥ Ranganatha Ashtottara Shatanama Stotram Malayalam Lyrics ॥
॥ ശ്രീരങ്ഗനാഥാഷ്ടോത്തരശതനാമസ്തോത്രം ॥
അസ്യ ശ്രീരങ്ഗനാഥാഷ്ടോത്തരശതനാമസ്തോത്രമഹാമന്ത്രസ്യ,വേദവ്യാസോ
ഭഗവാനൃഷിഃ, അനുഷ്ടുപ്ഛന്ദഃ, ഭഗവാന്‍ ശ്രീമഹാവിഷ്ണുര്‍ദേവതാ ।
ശ്രീരങ്ഗശായീതി ബീജം, ശ്രീകാന്ത ഇതി ശക്തിഃ, ശ്രീപ്രദ ഇതി കീലകം,
മമ സമസ്തപാപനാശാര്‍ഥേ ജപേ വിനിയോഗഃ ।
ധൌംയ ഉവാച –
ശ്രീരങ്ഗശായീ ശ്രീകാന്തഃ ശ്രീപ്രദഃ ശ്രിതവത്സലഃ ।
അനന്തോ മാധവോ ജേതാ ജഗന്നാഥോ ജഗദ്ഗുരുഃ ॥ 1॥
സുരവര്യഃ സുരാരാധ്യഃ സുരരാജാനുജഃ പ്രഭുഃ ।
ഹരിര്‍ഹതാരിര്‍വിശ്വേശഃ ശാശ്വതഃ ശംഭുരവ്യയഃ ॥ 2॥
ഭക്താര്‍തിഭഞ്ജനോ വാഗ്മീ വീരോ വിഖ്യാതകീര്‍തിമാന്‍ ।
ഭാസ്കരഃ ശാസ്ത്രതത്ത്വജ്ഞോ ദൈത്യശാസ്താഽമരേശ്വരഃ ॥ 3॥
നാരായണോ നരഹരിര്‍നീരജാക്ഷോ നരപ്രിയഃ ।
ബ്രഹ്മണ്യോ ബ്രഹ്മകൃദ്ബ്രഹ്മാ ബ്രഹ്മാങ്ഗോ ബ്രഹ്മപൂജിതഃ ॥ 4॥
കൃഷ്ണഃ കൃതജ്ഞോ ഗോവിന്ദോ ഹൃഷീകേശോഽഘനാശനഃ ।
വിഷ്ണുര്‍ജിഷ്ണുര്‍ജിതാരാതിഃ സജ്ജനപ്രിയ ഈശ്വരഃ ॥ 5॥
ത്രിവിക്രമസ്ത്രിലോകേശസ്ത്രയ്യര്‍ഥസ്ത്രിഗുണാത്മകഃ ।
കാകുത്സ്ഥഃ കമലാകാന്തഃ കാലിയോരഗമര്‍ദനഃ ॥ 6॥
കാലാംബുദശ്യാമലാങ്ഗഃ കേശവഃ ക്ലേശനാശനഃ ।
കേശിപ്രഭഞ്ജനഃ കാന്തോ നന്ദസൂനുരരിന്ദമഃ ॥ 7॥
രുക്മിണീവല്ലഭഃ ശൌരിര്‍ബലഭദ്രോ ബലാനുജഃ ।
ദാമോദരോ ഹൃഷീകേശോ വാമനോ മധുസൂദനഃ ॥ 8॥
പൂതഃ പുണ്യജനധ്വംസീ പുണ്യശ്ലോകശിഖാമണിഃ ।
ആദിമൂര്‍തിര്‍ദയാമൂര്‍തിഃ ശാന്തമൂര്‍തിരമൂര്‍തിമാന്‍ ॥ 9॥
പരം ബ്രഹ്മ പരം ധാമ പാവനഃ പവനോ വിഭുഃ ।
ചന്ദ്രശ്ഛന്ദോമയോ രാമഃ സംസാരാംബുധിതാരകഃ ॥ 10॥
ആദിതേയോഽച്യുതോ ഭാനുഃ ശങ്കരഃ ശിവ ഊര്‍ജിതഃ ।
മഹേശ്വരോ മഹായോഗീ മഹാശക്തിര്‍മഹത്പ്രിയഃ ॥ 11॥
ദുര്‍ജനധ്വംസകോഽശേഷസജ്ജനോപാസ്തസത്ഫലം ।
പക്ഷീന്ദ്രവാഹനോഽക്ഷോഭ്യഃ ക്ഷീരാബ്ധിശയനോ വിധുഃ ॥ 12॥
ജനാര്‍ദനോ ജഗദ്ധേതുര്‍ജിതമന്‍മഥവിഗ്രഹഃ ।
ചക്രപാണിഃ ശങ്ഖധാരീ ശാര്‍ങ്ഗീ ഖഡ്ഗീ ഗദാധരഃ ॥ 13॥
ഏവം വിഷ്ണോഃ ശതം നാംനാമഷ്ടോത്തരമിഹേരിതം ।
സ്തോത്രാണാമുത്തമം ഗുഹ്യം നാമരത്നസ്തവാഭിധം ॥ 14॥
സര്‍വഥാ സര്‍വരോഗഘ്നം ചിന്തിതാര്‍ഥഫലപ്രദം ।
ത്വം തു ശീഘ്രം മഹാരാജ ഗച്ഛ രങ്ഗസ്ഥലം ശുഭം ॥ 15॥
സ്നാത്വാ തുലാര്‍കേ കാവേര്യാം മാഹാത്മ്യശ്രവണം കുരു ।
ഗവാശ്വവസ്ത്രധാന്യാന്നഭൂമികന്യാപ്രദോ ഭവ ॥ 16॥
ദ്വാദശ്യാം പായസാന്നേന സഹസ്രം ദശ ഭോജയ ।
നാമരത്നസ്തവാഖ്യേന വിഷ്ണോരഷ്ടശതേന ച ।
സ്തുത്വാ ശ്രീരങ്ഗനാഥം ത്വമഭീഷ്ടഫലമാപ്നുഹി ॥ 17॥
ഇതി ശ്രീരങ്ഗനാഥാഷ്ടോത്തരശതനാമസ്തോത്രം സമ്പൂര്‍ണം ।
– Chant Stotra in Other Languages –
Sri Vishnu slokam » Sri Ranganatha Ashtottara Shatanama Stotram Lyrics in Sanskrit » English » Bengali » Gujarati » Kannada » Odia » Telugu » Tamil