Sri Sabari Girisha Ashtakam In Telugu

॥ Sri Sabari Girisha Ashtakam Telugu Lyrics ॥

॥ శ్రీ శబరిగిరీశాష్టకం ॥
యజన సుపూజిత యోగివరార్చిత యాదువినాశక యోగతనో
యతివర కల్పిత యంత్రకృతాసన యక్షవరార్పిత పుష్పతనో ।
యమనియమాసన యోగిహృదాసన పాపనివారణ కాలతనో
జయ జయ హే శబరీగిరి మందిర సుందర పాలయ మామనిశమ్ ॥ ౧ ॥

మకర మహోత్సవ మంగళదాయక భూతగణావృత దేవతనో
మధురిపు మన్మథమారక మానిత దీక్షితమానస మాన్యతనో ।
మదగజసేవిత మంజుల నాదక వాద్య సుఘోషిత మోదతనో
జయ జయ హే శబరీగిరి మందిర సుందర పాలయ మామనిశమ్ ॥ ౨ ॥

జయ జయ హే శబరీగిరినాయక సాధయ చింతితమిష్టతనో
కలివరదోత్తమ కోమల కుంతల కంజసుమావలికాంత తనో ।
కలివరసంస్థిత కాలభయార్దిత భక్తజనావనతుష్టమతే
జయ జయ హే శబరీగిరి మందిర సుందర పాలయ మామనిశమ్ ॥ ౩ ॥

నిశిసురపూజన మంగలవాదన మాల్యవిభూషణ మోదమతే
సురయువతీకృతవందన నర్తననందిత మానస మంజుతనో ।
కలిమనుజాద్భుత కల్పిత కోమల నామ సుకీర్తన మోదతనో
జయ జయ హే శబరీగిరి మందిర సుందర పాలయ మామనిశమ్ ॥ ౪ ॥

అపరిమితాద్భుత లీల జగత్పరిపాల నిజాలయ చారుతనో
కలిజనపాలన సంకటవారణ పాపజనావనలబ్ధతనో ।
ప్రతిదివసాగత దేవవరార్చిత సాధుముఖాగత కీర్తితనో
జయ జయ హే శబరీగిరి మందిర సుందర పాలయ మామనిశమ్ ॥ ౫ ॥

కలిమల కాలన కంజవిలోచన కుందసుమానన కాంతతనో
బహుజనమానస కామసుపూరణ నామజపోత్తమ మంత్రతనో ।
నిజగిరిదర్శన యాతుజనార్పిత పుత్రధనాదిక ధర్మతనో
జయ జయ హే శబరీగిరి మందిర సుందర పాలయ మామనిశమ్ ॥ ౬ ॥

See Also  Ashtavakra Gita In Telugu

శతమఖపాలక శాంతివిధాయక శత్రువినాశక శుద్ధతనో
తరునికరాలయ దీనకృపాలయ తాపసమానస దీప్తతనో ।
హరిహరసంభవ పద్మసముద్భవ వాసవ శంబవ సేవ్యతనో
జయ జయ హే శబరీగిరి మందిర సుందర పాలయ మామనిశమ్ ॥ ౭ ॥

మమకులదైవత మత్పితృపూజిత మాధవ లాలిత మంజుమతే
మునిజనసంస్తుత ముక్తివిధాయక శంకరపాలిత శాంతమతే ।
జగదభయంకర జన్మఫలప్రద చందనచర్చిత చంద్రరుచే
జయ జయ హే శబరీగిరి మందిర సుందర పాలయ మామనిశమ్ ॥ ౮ ॥

అమలమనంత పదాన్విత రామ సుదీక్షిత సత్కవిపద్యమిమం
శివ శబరీగిరి మందిర సంస్థిత తోషదమిష్టదమార్తిహరమ్ ।
పఠతి శృణోతి చ భక్తియుతో యది భాగ్యసమృద్ధిమథో లభతే
జయ జయ హే శబరీగిరి మందిర సుందర పాలయ మామనిశమ్ ॥ ౯ ॥

ఇతి శ్రీ శబరీగిరిశాష్టకమ్ ।

– Chant Stotra in Other Languages –

Ayyappa Slokam » Sri Sabari Girisha Ashtakam Lyrics in Sanskrit » English » Kannada » Tamil