॥ Sri Samba Sada Shiva Bhujanga Prayata Stotram Kannada Lyrics ॥
॥ ಶ್ರೀ ಸಾಂಬಸದಾಶಿವ ಭುಜಂಗ ಪ್ರಯಾತ ಸ್ತೋತ್ರಂ ॥
ಕದಾ ವಾ ವಿರಕ್ತಿಃ ಕದಾ ವಾ ಸುಭಕ್ತಿಃ
ಕದಾ ವಾ ಮಹಾಯೋಗಿ ಸಂಸೇವ್ಯ ಮುಕ್ತಿಃ ।
ಹೃದಾಕಾಶಮಧ್ಯೇ ಸದಾ ಸಂವಸನ್ತಂ
ಸದಾನಂದರೂಪಂ ಶಿವಂ ಸಾಂಬಮೀಡೇ ॥ ೧ ॥
ಸುಧೀರಾಜಹಂಸೈಸ್ಸುಪುಣ್ಯಾವತಂಸೈಃ
ಸುರಶ್ರೀ ಸಮೇತೈಸ್ಸದಾಚಾರಪೂತೈಃ ।
ಅದೋಷೈಸ್ಸುರುದ್ರಾಕ್ಷ ಭೂಷಾವಿಶೇಷೈ-
ರದೀನೈರ್ವಿಭೂತ್ಯಂಗರಾಗೋಜ್ಜ್ವಲಾಂಗೈಃ ॥ ೨ ॥
ಶಿವಧ್ಯಾನಸಂಸಕ್ತ ಶುದ್ಧಾಂತರಂಗೈಃ
ಮಹಾಶೈವಪಂಚಾಕ್ಷರೀ ಮಂತ್ರಸಿದ್ಧೈಃ ।
ತಮೋ ಮೋಚಕೈ ರೇಚಕೈಃ ಪೂರಕಾದ್ಯೈಃ
ಸಮುದ್ದೀಪಿತಾಧಾರ ಮುಖ್ಯಾಬ್ಜಷಟ್ಕೈಃ ॥ ೩ ॥
ಹಠಲ್ಲಂಬಿಕಾ ರಾಜಯೋಗ ಪ್ರಭಾವಾ-
ಲ್ಲುಠತ್ಕುಂಡಲೀ ವ್ಯಕ್ತ ಮುಕ್ತಾವಕಾಶಾಮ್ ।
ಸಹಸ್ರಾರಪದ್ಮಸ್ಥಿತಾಂ ಪಾರವಾರಾಂ
ಸುಧಾಮಾಧುರೀಂ ಸಾಧುರೀತ್ಯಾ ಪಿಬದ್ಭಿಃ ॥ ೪ ॥
ಸದಾನಂದ ಕಂದೈರ್ಮಹಾಯೋಗಿಬೃಂದೈಃ
ಸದಾಸೇವ್ಯಮಾನಂ ಸಮುಜ್ಜೃಂಭಮಾಣಮ್ ।
ಮಹಾಪುಣ್ಯಪಾಕೇ ಪುನಃಪುಂಡರೀಕೇ
ಸದಾ ಸಂವಸನ್ತಂ ಚಿದಾನಂದರೂಪಮ್ ॥ ೫ ॥
ತಟಿತ್ಪುಂಜ ಚಂಚಜ್ಜಟಾಜೂಟ ವಾಟೀ
ನಟಜ್ಜಹ್ನುಕನ್ಯಾ ತಟಿನ್ಯಾ ಸಮೇತಮ್ ।
ಮಹಾನರ್ಘ ಮಾಣಿಕ್ಯ ಕೋಟೀರಹೀರ
ಪ್ರಭಾಪೂರಿತಾರ್ಧೇಂದುರೇಖಾವತಂಸಮ್ ॥ ೬ ॥
ಫಣಾಭೃನ್ಮಣೀ ಕುಂಡಲಾಲೋಲಕರ್ಣ
ದ್ವಯೀ ಚಾರುತಾ ದರ್ಪಣಾದ್ಗಂಡಭಾಗಮ್ ।
ಸುನೇತ್ರಾಳಿಕಂ ಸಾದರ ಭ್ರೂವಿಲಾಸಂ
ಸಮನ್ದಸ್ಮಿತಾಽಽಸ್ಯಾರವಿನ್ದಂ ಶ್ರಯಂತಮ್ ॥ ೭ ॥
ಲಸತ್ಪೀವರಾಽಂಸದ್ವಯಂ ನೀಲಕಂಠಂ
ಮಹೋರಸ್ಸ್ಥಲಂ ಸೂಕ್ಷ್ಮ ಮಧ್ಯಪ್ರದೇಶಮ್ ।
ವಳಿದ್ಯೋತಮಾನೋದರಂ ದಿವ್ಯನಾಭಿಂ
ಕುಠಾರೈಣ ಶಾಬಾಽಂಚಿತಾಭ್ಯಾಂ ಕರಾಭ್ಯಾಮ್ ॥ ೮ ॥
ಮುಖಾಬ್ಜೈಸ್ಸ್ತುವನ್ತಂ ಕರಾಬ್ಜೈರ್ನಮನ್ತಂ
ವಿಧಿಂ ಮಾನಯನ್ತಂ ಮುನೀನ್ಲಾಲಯನ್ತಮ್ ।
ಗಣಾನ್ಪೋಷಯನ್ತಂ ಮೃದೂಕ್ತೀರ್ವದನ್ತಂ
ಗುಹಂ ಚೈಕದನ್ತಂ ಕರೇಣ ಸ್ಪೃಶಂತಮ್ ॥ ೯ ॥
ಮಹಾದೇವಮನ್ತರ್ಭಜೇಽಹಂ ಭಜೇಽಹಂ
ಸದಾ ಪಾರ್ವತೀಶಂ ಭಜೇಽಹಂ ಭಜೇಽಹಮ್ ।
ಸದಾನಂದರೂಪಂ ಭಜೇಽಹಂ ಭಜೇಽಹಂ
ಚಿದಾನಂದರೂಪಂ ಭಜೇಽಹಂ ಭಜೇಽಹಮ್ ॥ ೧೦ ॥
ಭುಜಂಗಪ್ರಯಾತಸ್ತವಂ ಸಾಂಬಮೂರ್ತೇ-
ರಿಮಂ ಧ್ಯಾನಗಮ್ಯಂ ತದೇಕಾಗ್ರಚಿತ್ತಃ
ಪಠೇದ್ಯಸ್ಸುಭಕ್ತಸ್ಸಮರ್ಥಃ ಕೃತಾರ್ಥಃ
ಸದಾ ತಸ್ಯ ಸಾಕ್ಷಾತ್ಪ್ರಸನ್ನಶ್ಶಿವಸ್ಸ್ಯಾತ್ ॥ ೧೧ ॥
ಇತಿ ಶ್ರೀ ಶಂಕರಭಗವತ್ಪಾದ ವಿರಚಿತಂ ಶ್ರೀ ಸಾಂಬಸದಾಶಿವಭುಜಂಗಪ್ರಯಾತ ಸ್ತೋತ್ರಂ ॥
– Chant Stotra in Other Languages –
Sri Samba Sada Shiva Bhujanga Prayata Stotram in Sanskrit – English – Kannada – Telugu – Tamil