॥ Sri Saraswati Ashtakam Kannada Lyrics ॥
॥ ಸರಸ್ವತ್ಯಷ್ಟಕಮ್ ॥
ಶ್ರೀಗಣೇಶಾಯ ನಮಃ ।
ಶತಾನೀಕ ಉವಾಚ ।
ಮಹಾಮತೇ ಮಹಾಪ್ರಾಜ್ಞ ಸರ್ವಶಾಸ್ತ್ರವಿಶಾರದ ।
ಅಕ್ಷೀಣಕರ್ಮಬನ್ಧಸ್ತು ಪುರುಷೋ ದ್ವಿಜಸತ್ತಮ ॥ 1 ॥
ಮರಣೇ ಯಜ್ಜಪೇಜ್ಜಾಪ್ಯಂ ಯಂ ಚ ಭಾವಮನುಸ್ಮರನ್ ।
ಪರಂ ಪದಮವಾಪ್ನೋತಿ ತನ್ಮೇ ಬ್ರೂಹಿ ಮಹಾಮುನೇ ॥ 2 ॥
ಶೌನಕ ಉವಾಚ ।
ಇದಮೇವ ಮಹಾರಾಜ ಪೃಷ್ಟವಾಂಸ್ತೇ ಪಿತಾಮಹಃ ।
ಭೀಷ್ಮಂ ಧರ್ಮವಿದಾಂ ಪೃಷ್ಠೇದಂ ಧರ್ಮಪುತ್ರೋ ಯುಧಿಷ್ಠಿರಃ ॥ 3 ॥
ಯುಧಿಷ್ಠಿರ ಉವಾಚ ।
ಪಿತಾಮಹ ಮಹಾಪ್ರಾಜ್ಞ ಸರ್ವಶಾಸ್ತ್ರವಿಶಾರದ ।
ಬೃಹಸ್ಪತಿಸ್ತುತಾ ದೇವೀ ವಾಗೀಶಾಯ ಮಹಾತ್ಮನೇ ।
ಆತ್ಮಾನಂ ದರ್ಶಯಾಮಾಸ ಸೂರ್ಯ ಕೋಟಿಸಮಪ್ರಭಮ್ ॥ 4 ॥
ಸರಸ್ವತ್ಯುವಾಚ ।
ವರಂ ವೃಣೀಷ್ವ ಭದ್ರಂ ತೇ ಯತ್ತೇ ಮನಸಿ ವರ್ತತೇ ।
ಬೃಹಸ್ಪತಿರುವಾಚ ।
ಯದಿ ಮೇ ವರದಾ ದೇವಿ ದಿವ್ಯಜ್ಞಾನಂ ಪ್ರಯಚ್ಛ ಮೇ ॥ 5 ॥
ದೇವ್ಯುವಾಚ ।
ಹನ್ತ ತೇ ನಿರ್ಮಲಂ ಜ್ಞಾನಂ ಕುಮತಿಧ್ವಂಸಕಾರಕಮ್ ।
ಸ್ತೋತ್ರೇಣಾನೇನ ಯೇ ಭಕ್ತ್ಯಾ ಮಾಂ ಸ್ತುವನ್ತಿ ಮನೀಷಿಣಃ ॥ 6 ॥
ಬೃಹಸ್ಪತಿರುವಾಚ ।
ಲಭತೇ ಪರಮಂ ಜ್ಞಾನಂ ಯತ್ಸುರೈರಪಿ ದುರ್ಲಭಮ್ ।
ಪ್ರಾಪ್ನೋತಿ ಪುರುಷೋ ನಿತ್ಯಂ ಮಹಾಮಾಯಾಪ್ರಸಾದತಃ ॥ 7 ॥
ಸರಸ್ವತ್ಯುವಾಚ ।
ತ್ರಿಸನ್ಧ್ಯಂ ಪ್ರಯತೋ ನಿತ್ಯಂ ಪಠೇದಷ್ಟಕಮುತ್ತಮಮ್ ।
ತಸ್ಯ ಕಂಠೇ ಸದಾ ವಾಸಂ ಕರಿಷ್ಯಾಮಿ ನ ಸಂಶಯಃ ॥ 8 ॥
ಇತಿ ಶ್ರೀಪದ್ಮಪುರಾಣೇ ದಿವ್ಯಜ್ಞಾನಪ್ರದಾಯಕಂ ಸರಸ್ವತ್ಯಷ್ಟಕಸ್ತೋತ್ರಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Saraswati Devi Slokam » Sri Saraswati Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil