॥ Sarvamangala Ashtakam Gujarati Lyrics ॥
॥ સર્વમઙ્ગલાષ્ટકમ્ ॥
શ્રીગણેશાય નમઃ ।
લક્ષ્મીર્યસ્ય પરિગ્રહઃ કમલભૂઃ સૂનુર્ગરુત્માન્ રથઃ
પૌત્રશ્ચન્દ્રવિભૂષણઃ સુરગુરુઃ શેષશ્ચ શય્યાસનઃ ।
બ્રહ્માણ્ડં વરમન્દિરં સુરગણા યસ્ય પ્રભોઃ સેવકાઃ
સ ત્રૈલોક્યકુટુમ્બપાલનપરઃ કુર્યાત્ સદા મઙ્ગલમ્ ॥ ૧ ॥
બ્રહ્મા વાયુગિરીશશેષગરુડા દેવેન્દ્રકામૌ ગુરુશ્-
ચન્દ્રાર્કૌ વરુણાનલૌ મનુયમૌ વિત્તેશવિઘ્નેશ્વરૌ ।
નાસત્યૌ નિરૃતિર્મરુદ્ગણયુતાઃ પર્જન્યમિત્રાદયઃ
સસ્ત્રીકાઃ સુરપુઙ્ગવાઃ પ્રતિદિનં કુર્વન્તુ વો મઙ્ગલમ્ ॥ ૨ ॥
વિશ્વામિત્રપરાશરૌર્વભૃગવોઽગસ્ત્યઃ પુલસ્ત્યઃ ક્રતુઃ
શ્રીમાનત્રિમરીચિકૌત્સપુલહાઃ શક્તિર્વસિષ્ઠોઽઙ્ગિરાઃ ।
માણ્ડવયો જમદગ્નિગૌતમભરદ્વાજાદયસ્તાપસાઃ
શ્રીમદ્વિશ્ણુપદાબ્જભક્તિનિરતાઃ કુર્વન્તુ વો મઙ્ગલમ્ ॥ ૩ ॥
માન્ધાતા નહુષોઽમ્બરીષસગરૌ રાજા પૃથુર્હૈહયઃ
શ્રીમાન્ ધર્મસુતો નલો દશરથો રામો યયાતિર્યદુઃ ।
ઇક્ષ્વાકુશ્ચ વિભીશણશ્ચ ભરતશ્ચોત્તાનપાદધ્રુવા-
વિત્યાદ્યા ભુવિ ભૂભુજઃ પ્રતિદિનં કુર્વન્તુ વો મઙ્ગલમ્ ॥ ૪ ॥
શ્રીમેરુર્હિમવાઁશ્ચ મન્દરગિરિઃ કૈલાસશૈલસ્તથા
માહેન્દ્રો મલયશ્ચ વિન્ધ્યનિષધૌ સિંહસ્તથા રૈવતઃ ।
સહ્યાદ્રિર્વરગન્ધમાદનગિરિર્મૈનાકગોમન્તકા-
વિત્યાદ્યા ભુવિ ભૂભૃતઃ પ્રતિદિનં કુર્વન્તુ વો મઙ્ગલમ્ ॥ ૫ ॥
ગઙ્ગા સિન્ધુસરસ્વતી ચ યમુના ગોદાવરી નર્મદા
કૃષ્ણા ભીમરથી ચ ફલ્ગુસરયૂઃ શ્રીગણ્ડકી ગોમતી ।
કાવેરીકપિલાપ્રયાગવિનતાવેત્રાવતીત્યાદયો
નદ્યઃ શ્રીહરિપાદપઙ્કજભવાઃ (પ્રતિદિનં) કુર્વન્તુ વો મઙ્ગલમ્ ॥ ૬ ॥
વેદાશ્ચોપનિષદ્ગણાશ્ચ વિવિધાઃ સાઙ્ગા પુરાણાન્વિતા
વેદાન્તા અપિ મન્ત્ર-તન્ત્રસહિતાસ્તર્કસ્મૃતીનાં ગણાઃ ।
કાવ્યાલઙ્કૃતિનીતિનાટકગણાઃ શબ્દાશ્ચ નાનાવિધાઃ
શ્રીવિષ્ણોર્ગુણરાશિકીર્તનકરાઃ (પ્રતિદિનં) કુર્વન્તુ વો મઙ્ગલમ્ ॥ ૭ ॥
આદિત્યાદિનવગ્રહાઃ શુભકરા મેષાદયો રાશયો
નક્ષત્રાણિ સયોગકાશ્ચ તિથયસ્તદ્દેવતસ્તદ્ગણાઃ ।
માસાબ્દા ઋતવસ્તથૈવ દિવસાઃ સન્ધ્યાસ્તથા રાત્રયાઃ
સર્વે સ્થાવરજઙ્ગમાઃ પ્રતિદિનં કુર્વન્તુ વો મઙ્ગલમ્ ॥ ૮ ॥
ઇત્યેતદ્વરમઙ્ગલાષ્ટકમિદં શ્રીવાદિરાજેશ્વરૈ-
ર્વ્યાખાતં જગતામભીષ્ટફલદં સર્વાશુભધ્વંસનમ્ ।
માઙ્ગલ્યાદિશુભક્રિયાસુ સતતં સન્ધ્યાસુ વા યાઃ પઠેદ્-
ધર્માર્થાદિસમસ્તવાઞ્છિતફલં પ્રાપ્નોત્યસૌ માનવાઃ ॥ ૯ ॥
ઇતિ શ્રીમદ્વાદિરાજવિરચિતં સર્વમઙ્ગલાષ્ટકં સમ્પૂર્ણમ્ ।
– Chant Stotra in Other Languages –
Sri Sarva Mangala Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil