॥ Sarvamangala Ashtakam Kannada Lyrics ॥
॥ ಸರ್ವಮಂಗಲಾಷ್ಟಕಮ್ ॥
ಶ್ರೀಗಣೇಶಾಯ ನಮಃ ।
ಲಕ್ಷ್ಮೀರ್ಯಸ್ಯ ಪರಿಗ್ರಹಃ ಕಮಲಭೂಃ ಸೂನುರ್ಗರುತ್ಮಾನ್ ರಥಃ
ಪೌತ್ರಶ್ಚನ್ದ್ರವಿಭೂಷಣಃ ಸುರಗುರುಃ ಶೇಷಶ್ಚ ಶಯ್ಯಾಸನಃ ।
ಬ್ರಹ್ಮಾಂಡಂ ವರಮನ್ದಿರಂ ಸುರಗಣಾ ಯಸ್ಯ ಪ್ರಭೋಃ ಸೇವಕಾಃ
ಸ ತ್ರೈಲೋಕ್ಯಕುಟುಮ್ಬಪಾಲನಪರಃ ಕುರ್ಯಾತ್ ಸದಾ ಮಂಗಲಮ್ ॥ 1 ॥
ಬ್ರಹ್ಮಾ ವಾಯುಗಿರೀಶಶೇಷಗರುಡಾ ದೇವೇನ್ದ್ರಕಾಮೌ ಗುರುಶ್-
ಚನ್ದ್ರಾರ್ಕೌ ವರುಣಾನಲೌ ಮನುಯಮೌ ವಿತ್ತೇಶವಿಘ್ನೇಶ್ವರೌ ।
ನಾಸತ್ಯೌ ನಿರೃತಿರ್ಮರುದ್ಗಣಯುತಾಃ ಪರ್ಜನ್ಯಮಿತ್ರಾದಯಃ
ಸಸ್ತ್ರೀಕಾಃ ಸುರಪುಂಗವಾಃ ಪ್ರತಿದಿನಂ ಕುರ್ವನ್ತು ವೋ ಮಂಗಲಮ್ ॥ 2 ॥
ವಿಶ್ವಾಮಿತ್ರಪರಾಶರೌರ್ವಭೃಗವೋಽಗಸ್ತ್ಯಃ ಪುಲಸ್ತ್ಯಃ ಕ್ರತುಃ
ಶ್ರೀಮಾನತ್ರಿಮರೀಚಿಕೌತ್ಸಪುಲಹಾಃ ಶಕ್ತಿರ್ವಸಿಷ್ಠೋಽಂಗಿರಾಃ ।
ಮಾಂಡವಯೋ ಜಮದಗ್ನಿಗೌತಮಭರದ್ವಾಜಾದಯಸ್ತಾಪಸಾಃ
ಶ್ರೀಮದ್ವಿಶ್ಣುಪದಾಬ್ಜಭಕ್ತಿನಿರತಾಃ ಕುರ್ವನ್ತು ವೋ ಮಂಗಲಮ್ ॥ 3 ॥
ಮಾನ್ಧಾತಾ ನಹುಷೋಽಮ್ಬರೀಷಸಗರೌ ರಾಜಾ ಪೃಥುರ್ಹೈಹಯಃ
ಶ್ರೀಮಾನ್ ಧರ್ಮಸುತೋ ನಲೋ ದಶರಥೋ ರಾಮೋ ಯಯಾತಿರ್ಯದುಃ ।
ಇಕ್ಷ್ವಾಕುಶ್ಚ ವಿಭೀಶಣಶ್ಚ ಭರತಶ್ಚೋತ್ತಾನಪಾದಧ್ರುವಾ-
ವಿತ್ಯಾದ್ಯಾ ಭುವಿ ಭೂಭುಜಃ ಪ್ರತಿದಿನಂ ಕುರ್ವನ್ತು ವೋ ಮಂಗಲಮ್ ॥ 4 ॥
ಶ್ರೀಮೇರುರ್ಹಿಮವಾँಶ್ಚ ಮನ್ದರಗಿರಿಃ ಕೈಲಾಸಶೈಲಸ್ತಥಾ
ಮಾಹೇನ್ದ್ರೋ ಮಲಯಶ್ಚ ವಿನ್ಧ್ಯನಿಷಧೌ ಸಿಂಹಸ್ತಥಾ ರೈವತಃ ।
ಸಹ್ಯಾದ್ರಿರ್ವರಗನ್ಧಮಾದನಗಿರಿರ್ಮೈನಾಕಗೋಮನ್ತಕಾ-
ವಿತ್ಯಾದ್ಯಾ ಭುವಿ ಭೂಭೃತಃ ಪ್ರತಿದಿನಂ ಕುರ್ವನ್ತು ವೋ ಮಂಗಲಮ್ ॥ 5 ॥
ಗಂಗಾ ಸಿನ್ಧುಸರಸ್ವತೀ ಚ ಯಮುನಾ ಗೋದಾವರೀ ನರ್ಮದಾ
ಕೃಷ್ಣಾ ಭೀಮರಥೀ ಚ ಫಲ್ಗುಸರಯೂಃ ಶ್ರೀಗಂಡಕೀ ಗೋಮತೀ ।
ಕಾವೇರೀಕಪಿಲಾಪ್ರಯಾಗವಿನತಾವೇತ್ರಾವತೀತ್ಯಾದಯೋ
ನದ್ಯಃ ಶ್ರೀಹರಿಪಾದಪಂಕಜಭವಾಃ (ಪ್ರತಿದಿನಂ) ಕುರ್ವನ್ತು ವೋ ಮಂಗಲಮ್ ॥ 6 ॥
ವೇದಾಶ್ಚೋಪನಿಷದ್ಗಣಾಶ್ಚ ವಿವಿಧಾಃ ಸಾಂಗಾ ಪುರಾಣಾನ್ವಿತಾ
ವೇದಾನ್ತಾ ಅಪಿ ಮನ್ತ್ರ-ತನ್ತ್ರಸಹಿತಾಸ್ತರ್ಕಸ್ಮೃತೀನಾಂ ಗಣಾಃ ।
ಕಾವ್ಯಾಲಂಕೃತಿನೀತಿನಾಟಕಗಣಾಃ ಶಬ್ದಾಶ್ಚ ನಾನಾವಿಧಾಃ
ಶ್ರೀವಿಷ್ಣೋರ್ಗುಣರಾಶಿಕೀರ್ತನಕರಾಃ (ಪ್ರತಿದಿನಂ) ಕುರ್ವನ್ತು ವೋ ಮಂಗಲಮ್ ॥ 7 ॥
ಆದಿತ್ಯಾದಿನವಗ್ರಹಾಃ ಶುಭಕರಾ ಮೇಷಾದಯೋ ರಾಶಯೋ
ನಕ್ಷತ್ರಾಣಿ ಸಯೋಗಕಾಶ್ಚ ತಿಥಯಸ್ತದ್ದೇವತಸ್ತದ್ಗಣಾಃ ।
ಮಾಸಾಬ್ದಾ ಋತವಸ್ತಥೈವ ದಿವಸಾಃ ಸನ್ಧ್ಯಾಸ್ತಥಾ ರಾತ್ರಯಾಃ
ಸರ್ವೇ ಸ್ಥಾವರಜಂಗಮಾಃ ಪ್ರತಿದಿನಂ ಕುರ್ವನ್ತು ವೋ ಮಂಗಲಮ್ ॥ 8 ॥
ಇತ್ಯೇತದ್ವರಮಂಗಲಾಷ್ಟಕಮಿದಂ ಶ್ರೀವಾದಿರಾಜೇಶ್ವರೈ-
ರ್ವ್ಯಾಖಾತಂ ಜಗತಾಮಭೀಷ್ಟಫಲದಂ ಸರ್ವಾಶುಭಧ್ವಂಸನಮ್ ।
ಮಾಂಗಲ್ಯಾದಿಶುಭಕ್ರಿಯಾಸು ಸತತಂ ಸನ್ಧ್ಯಾಸು ವಾ ಯಾಃ ಪಠೇದ್-
ಧರ್ಮಾರ್ಥಾದಿಸಮಸ್ತವಾಂಛಿತಫಲಂ ಪ್ರಾಪ್ನೋತ್ಯಸೌ ಮಾನವಾಃ ॥ 9 ॥
ಇತಿ ಶ್ರೀಮದ್ವಾದಿರಾಜವಿರಚಿತಂ ಸರ್ವಮಂಗಲಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Sarva Mangala Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil