॥ Sarvamangala Ashtakam Telugu Lyrics ॥
॥ సర్వమఙ్గలాష్టకమ్ ॥
శ్రీగణేశాయ నమః ।
లక్ష్మీర్యస్య పరిగ్రహః కమలభూః సూనుర్గరుత్మాన్ రథః
పౌత్రశ్చన్ద్రవిభూషణః సురగురుః శేషశ్చ శయ్యాసనః ।
బ్రహ్మాణ్డం వరమన్దిరం సురగణా యస్య ప్రభోః సేవకాః
స త్రైలోక్యకుటుమ్బపాలనపరః కుర్యాత్ సదా మఙ్గలమ్ ॥ ౧ ॥
బ్రహ్మా వాయుగిరీశశేషగరుడా దేవేన్ద్రకామౌ గురుశ్-
చన్ద్రార్కౌ వరుణానలౌ మనుయమౌ విత్తేశవిఘ్నేశ్వరౌ ।
నాసత్యౌ నిరృతిర్మరుద్గణయుతాః పర్జన్యమిత్రాదయః
సస్త్రీకాః సురపుఙ్గవాః ప్రతిదినం కుర్వన్తు వో మఙ్గలమ్ ॥ ౨ ॥
విశ్వామిత్రపరాశరౌర్వభృగవోఽగస్త్యః పులస్త్యః క్రతుః
శ్రీమానత్రిమరీచికౌత్సపులహాః శక్తిర్వసిష్ఠోఽఙ్గిరాః ।
మాణ్డవయో జమదగ్నిగౌతమభరద్వాజాదయస్తాపసాః
శ్రీమద్విశ్ణుపదాబ్జభక్తినిరతాః కుర్వన్తు వో మఙ్గలమ్ ॥ ౩ ॥
మాన్ధాతా నహుషోఽమ్బరీషసగరౌ రాజా పృథుర్హైహయః
శ్రీమాన్ ధర్మసుతో నలో దశరథో రామో యయాతిర్యదుః ।
ఇక్ష్వాకుశ్చ విభీశణశ్చ భరతశ్చోత్తానపాదధ్రువా-
విత్యాద్యా భువి భూభుజః ప్రతిదినం కుర్వన్తు వో మఙ్గలమ్ ॥ ౪ ॥
శ్రీమేరుర్హిమవాఁశ్చ మన్దరగిరిః కైలాసశైలస్తథా
మాహేన్ద్రో మలయశ్చ విన్ధ్యనిషధౌ సింహస్తథా రైవతః ।
సహ్యాద్రిర్వరగన్ధమాదనగిరిర్మైనాకగోమన్తకా-
విత్యాద్యా భువి భూభృతః ప్రతిదినం కుర్వన్తు వో మఙ్గలమ్ ॥ ౫ ॥
గఙ్గా సిన్ధుసరస్వతీ చ యమునా గోదావరీ నర్మదా
కృష్ణా భీమరథీ చ ఫల్గుసరయూః శ్రీగణ్డకీ గోమతీ ।
కావేరీకపిలాప్రయాగవినతావేత్రావతీత్యాదయో
నద్యః శ్రీహరిపాదపఙ్కజభవాః (ప్రతిదినం) కుర్వన్తు వో మఙ్గలమ్ ॥ ౬ ॥
వేదాశ్చోపనిషద్గణాశ్చ వివిధాః సాఙ్గా పురాణాన్వితా
వేదాన్తా అపి మన్త్ర-తన్త్రసహితాస్తర్కస్మృతీనాం గణాః ।
కావ్యాలఙ్కృతినీతినాటకగణాః శబ్దాశ్చ నానావిధాః
శ్రీవిష్ణోర్గుణరాశికీర్తనకరాః (ప్రతిదినం) కుర్వన్తు వో మఙ్గలమ్ ॥ ౭ ॥
ఆదిత్యాదినవగ్రహాః శుభకరా మేషాదయో రాశయో
నక్షత్రాణి సయోగకాశ్చ తిథయస్తద్దేవతస్తద్గణాః ।
మాసాబ్దా ఋతవస్తథైవ దివసాః సన్ధ్యాస్తథా రాత్రయాః
సర్వే స్థావరజఙ్గమాః ప్రతిదినం కుర్వన్తు వో మఙ్గలమ్ ॥ ౮ ॥
ఇత్యేతద్వరమఙ్గలాష్టకమిదం శ్రీవాదిరాజేశ్వరై-
ర్వ్యాఖాతం జగతామభీష్టఫలదం సర్వాశుభధ్వంసనమ్ ।
మాఙ్గల్యాదిశుభక్రియాసు సతతం సన్ధ్యాసు వా యాః పఠేద్-
ధర్మార్థాదిసమస్తవాఞ్ఛితఫలం ప్రాప్నోత్యసౌ మానవాః ॥ ౯ ॥
ఇతి శ్రీమద్వాదిరాజవిరచితం సర్వమఙ్గలాష్టకం సమ్పూర్ణమ్ ।
– Chant Stotra in Other Languages –
Sri Sarva Mangala Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil