॥ Sri Shani Deva Ashtottara Shatanama Stotram Telugu Lyrics ॥
॥ శ్రీశని అష్టోత్తరశతనామస్తోత్రమ్ ॥
శని బీజ మన్త్ర – ఓం ప్రాఁ ప్రీం ప్రౌం సః శనైశ్చరాయ నమః ॥
శనైశ్చరాయ శాన్తాయ సర్వాభీష్టప్రదాయినే ।
శరణ్యాయ వరేణ్యాయ సర్వేశాయ నమో నమః ॥ ౧ ॥
సౌమ్యాయ సురవన్ద్యాయ సురలోకవిహారిణే ।
సుఖాసనోపవిష్టాయ సున్దరాయ నమో నమః ॥ ౨ ॥
ఘనాయ ఘనరూపాయ ఘనాభరణధారిణే ।
ఘనసారవిలేపాయ ఖద్యోతాయ నమో నమః ॥ ౩ ॥
మన్దాయ మన్దచేష్టాయ మహనీయగుణాత్మనే ।
మర్త్యపావనపాదాయ మహేశాయ నమో నమః ॥ ౪ ॥
ఛాయాపుత్రాయ శర్వాయ శరతూణీరధారిణే ।
చరస్థిరస్వభావాయ చఞ్చలాయ నమో నమః ॥ ౫ ॥
నీలవర్ణాయ నిత్యాయ నీలాఞ్జననిభాయ చ ।
నీలామ్బరవిభూషాయ నిశ్చలాయ నమో నమః ॥ ౬ ॥
వేద్యాయ విధిరూపాయ విరోధాధారభూమయే ।
భేదాస్పదస్వభావాయ వజ్రదేహాయ తే నమః ॥ ౭ ॥
వైరాగ్యదాయ వీరాయ వీతరోగభయాయ చ ।
విపత్పరమ్పరేశాయ విశ్వవన్ద్యాయ తే నమః ॥ ౮ ॥
గృధ్నవాహాయ గూఢాయ కూర్మాంగాయ కురూపిణే ।
కుత్సితాయ గుణాఢ్యాయ గోచరాయ నమో నమః ॥ ౯ ॥
అవిద్యామూలనాశాయ విద్యాఽవిద్యాస్వరూపిణే ।
ఆయుష్యకారణాయాఽపదుద్ధర్త్రే చ నమో నమః ॥ ౧౦ ॥
విష్ణుభక్తాయ వశినే వివిధాగమవేదినే ।
విధిస్తుత్యాయ వన్ద్యాయ విరూపాక్షాయ తే నమః ॥ ౧౧ ॥
వరిష్ఠాయ గరిష్ఠాయ వజ్రాంకుశధరాయ చ ।
వరదాభయహస్తాయ వామనాయ నమో నమః ॥ ౧౨ ॥
జ్యేష్ఠాపత్నీసమేతాయ శ్రేష్ఠాయ మితభాషిణే ।
కష్టౌఘనాశకర్యాయ పుష్టిదాయ నమో నమః ॥ ౧౩ ॥
స్తుత్యాయ స్తోత్రగమ్యాయ భక్తివశ్యాయ భానవే ।
భానుపుత్రాయ భవ్యాయ పావనాయ నమో నమః ॥ ౧౪ ॥
ధనుర్మణ్డలసంస్థాయ ధనదాయ ధనుష్మతే ।
తనుప్రకాశదేహాయ తామసాయ నమో నమః ॥ ౧౫ ॥
అశేషజనవన్ద్యాయ విశేషఫలదాయినే ।
వశీకృతజనేశాయ పశూనామ్పతయే నమః ॥ ౧౬ ॥
ఖేచరాయ ఖగేశాయ ఘననీలామ్బరాయ చ ।
కాఠిన్యమానసాయాఽర్యగణస్తుత్యాయ తే నమః ॥ ౧౭ ॥
నీలచ్ఛత్రాయ నిత్యాయ నిర్గుణాయ గుణాత్మనే ।
నిరామయాయ నిన్ద్యాయ వన్దనీయాయ తే నమః ॥ ౧౮ ॥
ధీరాయ దివ్యదేహాయ దీనార్తిహరణాయ చ ।
దైన్యనాశకరాయాఽర్యజనగణ్యాయ తే నమః ॥ ౧౯ ॥
క్రూరాయ క్రూరచేష్టాయ కామక్రోధకరాయ చ ।
కళత్రపుత్రశత్రుత్వకారణాయ నమో నమః ॥ ౨౦ ॥
పరిపోషితభక్తాయ పరభీతిహరాయ ।
భక్తసంఘమనోఽభీష్టఫలదాయ నమో నమః ॥ ౨౧ ॥
ఇత్థం శనైశ్చరాయేదం నాంనామష్టోత్తరం శతమ్ ।
ప్రత్యహం ప్రజపన్మర్త్యో దీర్ఘమాయురవాప్నుయాత్ ॥
– Chant Stotra in Other Languages –
Sri Navagraha Slokam » Shri Shaneshwara » Sri Shani Deva Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil