॥ Shrishiva Jataajoota Stutih Bengali Lyrics ॥
॥ শ্রীশিৱজটাজূট স্তুতিঃ ॥
স ধূর্জটিজটাজূটো জাযতাং ৱিজযায ৱঃ ।
যত্রৈকপলিতভ্রান্তিং করোত্যদ্যাপি জাহ্নৱী ॥ ১ ॥
চূডাপীডকপালসঙ্কুলগলন্মন্দাকিনীৱারযো
ৱিদ্যত্প্রাযললাটলোচনপুটজ্যোতির্ৱিমিশ্রত্ৱিষঃ ।
পান্তু ত্ৱামকঠোরকেতকশিখাসন্দিগ্ধমুগ্ধেন্দৱো
ভূতেশস্য ভুজঙ্গৱল্লিৱলযস্রঙ্নদ্ধজূটাজটাঃ ॥ ২ ॥
গঙ্গাৱারিভিরুক্ষিতাঃ ফণিফণৈরুত্পল্লৱাস্তচ্ছিখা-
রত্নৈঃ কোরকিতাঃ সিতাংশুকলযা স্মেরৈকপুষ্পশ্রিযঃ ।
আনন্দাশ্রুপরিপ্লুতাক্ষিহুতভুগ্ধূমৈর্মিলদ্দোহদা
নাল্পং কল্পলতাঃ ফলং দদতু ৱোঽভীষ্টং জটা ধূর্জটেঃ ॥ ৩ ॥
ইতি শ্রীশিৱজটাজূটস্তুতিঃ সমাপ্তা ॥
– Chant Stotra in Other Languages –
Sri Shiva Jataajoota Stutih in English – Marathi – Gujarati । Bengali – Kannada – Malayalam – Telugu