॥ Vishvakarma’s Surya Ashtottara Shatanama Stotram Malayalam Lyrics ॥
॥ നരസിംഹപുരാണേ സൂര്യാഷ്ടോത്തരശതനാമസ്തോത്രം വിശ്വകര്‍മകൃത ॥
ഭരദ്വാജ ഉവാച —
യൈഃ സ്തുതോ നാമഭിസ്തേന സവിതാ വിശ്വകര്‍മണാ ।
താന്യഹം ശ്രോതുമിച്ഛാമി വദ സൂത വിവസ്വതഃ ॥ 1 ॥
സൂത ഉവാച —
താനി മേ ശൃണു നാമാനി യൈഃ സ്തുതോ വിശ്വകര്‍മണാ ।
സവിതാ താനി വക്ഷ്യാമി സര്‍വപാപഹരാണി തേ ॥ 2 ॥
ആദിത്യഃ സവിതാ സൂര്യഃ ഖഗഃ പൂഷാ ഗഭസ്തിമാന്‍ ।
തിമിരോന്‍മഥനഃ ശംഭുസ്ത്വഷ്ടാ മാര്‍തണ്ഡ ആശുഗഃ ॥ 3 ॥
ഹിരണ്യഗര്‍ഭഃ കപിലസ്തപനോ ഭാസ്കരോ രവിഃ ।
അഗ്നിഗര്‍ഭോഽദിതേഃ പുത്രഃ ശംഭുസ്തിമിരനാശനഃ ॥ 4 ॥
അംശുമാനംശുമാലീ ച തമോഘ്നസ്തേജസാം നിധിഃ ।
ആതപീ മണ്ഡലീ മൃത്യുഃ കപിലഃ സര്‍വതാപനഃ ॥ 5 ॥
ഹരിര്‍വിശ്വോ മഹാതേജാഃ സര്‍വരത്നപ്രഭാകരഃ ।
അംശുമാലീ തിമിരഹാ ഋഗ്യജുസ്സാമഭാവിതഃ ॥ 6 ॥
പ്രാണാവിഷ്കരണോ മിത്രഃ സുപ്രദീപോ മനോജവഃ ।
യജ്ഞേശോ ഗോപതിഃ ശ്രീമാന്‍ ഭൂതജ്ഞഃ ക്ലേശനാശനഃ ॥ 7 ॥
അമിത്രഹാ ശിവോ ഹംസോ നായകഃ പ്രിയദര്‍ശനഃ ।
ശുദ്ധോ വിരോചനഃ കേശീ സഹസ്രാംശുഃ പ്രതര്‍ദനഃ ॥ 8 ॥
ധര്‍മരശ്മിഃ പതംഗശ്ച വിശാലോ വിശ്വസംസ്തുതഃ ।
ദുര്‍വിജ്ഞേയഗതിഃ ശൂരസ്തേജോരാശിര്‍മഹായശാഃ ॥ 9 ॥
ഭ്രാജിഷ്ണുര്‍ജ്യോതിഷാമീശോ വിജിഷ്ണുര്‍വിശ്വഭാവനഃ ।
പ്രഭവിഷ്ണുഃ പ്രകാശാത്മാ ജ്ഞാനരാശിഃ പ്രഭാകരഃ ॥ 10 ॥
ആദിത്യോ വിശ്വദൃഗ് യജ്ഞകര്‍താ നേതാ യശസ്കരഃ ।
വിമലോ വീര്യവാനീശോ യോഗജ്ഞോ യോഗഭാവനഃ ॥ 11 ॥
അമൃതാത്മാ ശിവോ നിത്യോ വരേണ്യോ വരദഃ പ്രഭുഃ ।
ധനദഃ പ്രാണദഃ ശ്രേഷ്ഠഃ കാമദഃ കാമരൂപധൃക് ॥ 12 ॥
തരണിഃ ശാശ്വതഃ ശാസ്താ ശാസ്ത്രജ്ഞസ്തപനഃ ശയഃ ।
വേദഗര്‍ഭോ വിഭുര്‍വീരഃ ശാന്തഃ സാവിത്രിവല്ലഭഃ ॥ 13 ॥
ധ്യേയോ വിശ്വേശ്വരോ ഭര്‍താ ലോകനാഥോ മഹേശ്വരഃ ।
മഹേന്ദ്രോ വരുണോ ധാതാ വിഷ്ണുരഗ്നിര്‍ദിവാകരഃ ॥ 14 ॥
ഏതൈസ്തു നാമഭിഃ സൂര്യഃ സ്തുതസ്തേന മഹാത്മനാ ।
ഉവാച വിശ്വകര്‍മാണം പ്രസന്നോ ഭഗവാന്‍ രവിഃ ॥ 15 ॥
ഭ്രമിമാരോപ്യ മാമത്ര മണ്ഡലം മമ ശാതയ ।
ത്വത്ബുദ്ധിസ്ഥം മയാ ജ്ഞാതമേവമൌഷ്ണ്യം ശമം വ്രജേത് ॥ 16 ॥
ഇത്യുക്തോ വിശ്വകര്‍മാ ച തഥാ സ കൃതവാന്‍ ദ്വിജ ।
ശാന്തോഷ്ണഃ സവിതാ തസ്യ ദുഹിതുര്‍വിശ്വകര്‍മണഃ ॥ 17 ॥
സംജ്ഞായാശ്ചാഭവദ്വിപ്ര ഭാനുസ്ത്വഷ്ടാരമബ്രവീത് ।
ത്വയാ യസ്മാത് സ്തുതോഽഹം വൈ നാംനാമഷ്ടശതേന ച ॥ 18 ॥
വരം വൃണീഷ്വ തസ്മാത് ത്വം വരദോഽഹം തവാനഘ ।
ഇത്യുക്തോ ഭാനുനാ സോഽഥ വിശ്വകര്‍മാബ്രവീദിദം ॥ 19 ॥
വരദോ യദി മേ ദേവ വരമേതം പ്രയച്ഛ മേ ।
ഏതൈസ്തു നാമഭിര്യസ്ത്വാം നരഃ സ്തോഷ്യതി നിത്യശഃ ॥ 20 ॥
തസ്യ പാപക്ഷയം ദേവ കുരു ഭക്തസ്യ ഭാസ്കര ॥ 21 ॥
തേനൈവമുക്തോ ദിനകൃത് തഥേതി
ത്വഷ്ടാരമുക്ത്വാ വിരരാമ ഭാസ്കരഃ ।
സംജ്ഞാം വിശങ്കാം രവിമണ്ഡലസ്ഥിതാം
കൃത്വാ ജഗാമാഥ രവിം പ്രസാദ്യ ॥ 22 ॥
ഇതി ശ്രീനരസിംഹപുരാണേ ഏകോനവിംശോഽധ്യായഃ ॥ 19 ॥
– Chant Stotra in Other Languages –
Navagraha Slokam » Sri Surya Ashtottara Shatanama Stotra by Vishvakarma Lyrics in Sanskrit » English » Bengali » Gujarati » Kannada » Odia » Telugu » Tamil