॥ Sri Tara Shatanama Stotram Kannada Lyrics ॥
॥ ಶ್ರೀತಾರಾಶತನಾಮಸ್ತೋತ್ರಮ್ ॥
ಶ್ರೀಶಿವ ಉವಾಚ ॥
ತಾರಿಣೀ ತರಲಾ ತನ್ವೀ ತಾರಾ ತರುಣವಲ್ಲರೀ ।
ತೀರರೂಪಾ ತರೀ ಶ್ಯಾಮಾ ತನುಕ್ಷೀಣಪಯೋಧರಾ ॥ 1 ॥
ತುರೀಯಾ ತರಲಾ ತೀವ್ರಗಮನಾ ನೀಲವಾಹಿನೀ ।
ಉಗ್ರತಾರಾ ಜಯಾ ಚಂಡೀ ಶ್ರೀಮದೇಕಜಟಾಶಿರಾಃ ॥ 2 ॥
ತರುಣೀ ಶಾಮ್ಭವೀಛಿನ್ನಭಾಲಾ ಚ ಭದ್ರತಾರಿಣೀ ।
ಉಗ್ರಾ ಚೋಗ್ರಪ್ರಭಾ ನೀಲಾ ಕೃಷ್ಣಾ ನೀಲಸರಸ್ವತೀ ॥ 3 ॥
ದ್ವಿತೀಯಾ ಶೋಭನಾ ನಿತ್ಯಾ ನವೀನಾ ನಿತ್ಯನೂತನಾ ।
ಚಂಡಿಕಾ ವಿಜಯಾರಾಧ್ಯಾ ದೇವೀ ಗಗನವಾಹಿನೀ ॥ 4 ॥
ಅಟ್ಟಹಾಸ್ಯಾ ಕರಾಲಾಸ್ಯಾ ಚರಾಸ್ಯಾ ದಿತಿಪೂಜಿತಾ ।
ಸಗುಣಾ ಸಗುಣಾರಾಧ್ಯಾ ಹರೀನ್ದ್ರದೇವಪೂಜಿತಾ ॥ 5 ॥
ರಕ್ತಪ್ರಿಯಾ ಚ ರಕ್ತಾಕ್ಷೀ ರುಧಿರಾಸ್ಯವಿಭೂಷಿತಾ ।
ಬಲಿಪ್ರಿಯಾ ಬಲಿರತಾ ದುರ್ಗಾ ಬಲವತೀ ಬಲಾ ॥ 6 ॥
ಬಲಪ್ರಿಯಾ ಬಲರತಾ ಬಲರಾಮಪ್ರಪೂಜಿತಾ ।
ಅರ್ಧಕೇಶೇಶ್ವರೀ ಕೇಶಾ ಕೇಶವಾಸವಿಭೂಷಿತಾ ॥ 7 ॥
ಪದ್ಮಮಾಲಾ ಚ ಪದ್ಮಾಕ್ಷೀ ಕಾಮಾಖ್ಯಾ ಗಿರಿನನ್ದಿನೀ ।
ದಕ್ಷಿಣಾ ಚೈವ ದಕ್ಷಾ ಚ ದಕ್ಷಜಾ ದಕ್ಷಿಣೇ ರತಾ ॥ 8 ॥
ವಜ್ರಪುಷ್ಪಪ್ರಿಯಾ ರಕ್ತಪ್ರಿಯಾ ಕುಸುಮಭೂಷಿತಾ ।
ಮಾಹೇಶ್ವರೀ ಮಹಾದೇವಪ್ರಿಯಾ ಪಂಚವಿಭೂಷಿತಾ ॥ 9 ॥
ಇಡಾ ಚ ಪಿಂಗಲಾ ಚೈವ ಸುಷುಮ್ನಾ ಪ್ರಾಣರೂಪಿಣೀ ।
ಗಾನ್ಧಾರೀ ಪಂಚಮೀ ಪಂಚಾನನಾದಿ ಪರಿಪೂಜಿತಾ ॥ 10 ॥
ತಥ್ಯವಿದ್ಯಾ ತಥ್ಯರೂಪಾ ತಥ್ಯಮಾರ್ಗಾನುಸಾರಿಣೀ ।
ತತ್ತ್ವಪ್ರಿಯಾ ತತ್ತ್ವರೂಪಾ ತತ್ತ್ವಜ್ಞಾನಾತ್ಮಿಕಾಽನಘಾ ॥ 11 ॥
ತಾಂಡವಾಚಾರಸನ್ತುಷ್ಟಾ ತಾಂಡವಪ್ರಿಯಕಾರಿಣೀ ।
ತಾಲದಾನರತಾ ಕ್ರೂರತಾಪಿನೀ ತರಣಿಪ್ರಭಾ ॥ 12 ॥
ತ್ರಪಾಯುಕ್ತಾ ತ್ರಪಾಮುಕ್ತಾ ತರ್ಪಿತಾ ತೃಪ್ತಿಕಾರಿಣೀ ।
ತಾರುಣ್ಯಭಾವಸನ್ತುಷ್ಟಾ ಶಕ್ತಿರ್ಭಕ್ತಾನುರಾಗಿಣೀ ॥ 13 ॥
ಶಿವಾಸಕ್ತಾ ಶಿವರತಿಃ ಶಿವಭಕ್ತಿಪರಾಯಣಾ ।
ತಾಮ್ರದ್ಯುತಿಸ್ತಾಮ್ರರಾಗಾ ತಾಮ್ರಪಾತ್ರಪ್ರಭೋಜಿನೀ ॥ 14 ॥
ಬಲಭದ್ರಪ್ರೇಮರತಾ ಬಲಿಭುಗ್ಬಲಿಕಲ್ಪಿನೀ ।
ರಾಮರೂಪಾ ರಾಮಶಕ್ತೀ ರಾಮರೂಪಾನುಕಾರಿಣೀ ॥ 15 ॥
ಇತ್ಯೇತತ್ಕಥಿತಂ ದೇವಿ ರಹಸ್ಯಂ ಪರಮಾದ್ಭುತಮ್ ।
ಶ್ರುತ್ವಾ ಮೋಕ್ಷಮವಾಪ್ನೋತಿ ತಾರಾದೇವ್ಯಾಃ ಪ್ರಸಾದತಃ ॥ 16 ॥
ಯ ಇದಂ ಪಠತಿ ಸ್ತೋತ್ರಂ ತಾರಾಸ್ತುತಿರಹಸ್ಯಕಮ್ ।
ಸರ್ವಸಿದ್ಧಿಯುತೋ ಭೂತ್ವಾ ವಿಹರೇತ್ ಕ್ಷಿತಿಮಂಡಲೇ ॥ 17 ॥
ತಸ್ಯೈವ ಮನ್ತ್ರಸಿದ್ಧಿಃ ಸ್ಯಾನ್ಮಮಸಿದ್ಧಿರನುತ್ತಮಾ ।
ಭವತ್ಯೇವ ಮಹಾಮಾಯೇ ಸತ್ಯಂ ಸತ್ಯಂ ನ ಸಂಶಯಃ ॥ 18 ॥
ಮನ್ದೇ ಮಂಗಲವಾರೇ ಚ ಯಃ ಪಠೇನ್ನಿಶಿ ಸಂಯತಃ ।
ತಸ್ಯೈವ ಮನ್ತ್ರಸಿದ್ಧಿಸ್ಸ್ಯಾದ್ಗಾಣಪತ್ಯಂ ಲಭೇತ ಸಃ ॥ 19 ॥
ಶ್ರದ್ಧಯಾಽಶ್ರದ್ಧಯಾ ವಾಪಿ ಪಠೇತ್ತಾರಾರಹಸ್ಯಕಮ್ ।
ಸೋಽಚಿರೇಣೈವ ಕಾಲೇನ ಜೀವನ್ಮುಕ್ತಃ ಶಿವೋ ಭವೇತ್ ॥ 20 ॥
ಸಹಸ್ರಾವರ್ತನಾದ್ದೇವಿ ಪುರಶ್ಚರ್ಯಾಫಲಂ ಲಭೇತ್ ।
ಏವಂ ಸತತಯುಕ್ತಾ ಯೇ ಧ್ಯಾಯನ್ತಸ್ತ್ವಾಮುಪಾಸತೇ ।
ತೇ ಕೃತಾರ್ಥಾ ಮಹೇಶಾನಿ ಮೃತ್ಯುಸಂಸಾರವರ್ತ್ಮನಃ ॥ 21 ॥
ಇತಿ ಸ್ವರ್ಣಮಾಲಾತನ್ತ್ರೇ ತಾರಾಶತನಾಮಸ್ತೋತ್ರಂ ಸಮಾಪ್ತಮ್ ॥
– Chant Stotra in Other Languages –
Goddess Durga / Kali Slokam » Tara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil