॥ Sri Tara Shatanama Stotram Telugu Lyrics ॥
॥ శ్రీతారాశతనామస్తోత్రమ్ ॥
శ్రీశివ ఉవాచ ॥
తారిణీ తరలా తన్వీ తారా తరుణవల్లరీ ।
తీరరూపా తరీ శ్యామా తనుక్షీణపయోధరా ॥ ౧ ॥
తురీయా తరలా తీవ్రగమనా నీలవాహినీ ।
ఉగ్రతారా జయా చణ్డీ శ్రీమదేకజటాశిరాః ॥ ౨ ॥
తరుణీ శామ్భవీఛిన్నభాలా చ భద్రతారిణీ ।
ఉగ్రా చోగ్రప్రభా నీలా కృష్ణా నీలసరస్వతీ ॥ ౩ ॥
ద్వితీయా శోభనా నిత్యా నవీనా నిత్యనూతనా ।
చణ్డికా విజయారాధ్యా దేవీ గగనవాహినీ ॥ ౪ ॥
అట్టహాస్యా కరాలాస్యా చరాస్యా దితిపూజితా ।
సగుణా సగుణారాధ్యా హరీన్ద్రదేవపూజితా ॥ ౫ ॥
రక్తప్రియా చ రక్తాక్షీ రుధిరాస్యవిభూషితా ।
బలిప్రియా బలిరతా దుర్గా బలవతీ బలా ॥ ౬ ॥
బలప్రియా బలరతా బలరామప్రపూజితా ।
అర్ధకేశేశ్వరీ కేశా కేశవాసవిభూషితా ॥ ౭ ॥
పద్మమాలా చ పద్మాక్షీ కామాఖ్యా గిరినన్దినీ ।
దక్షిణా చైవ దక్షా చ దక్షజా దక్షిణే రతా ॥ ౮ ॥
వజ్రపుష్పప్రియా రక్తప్రియా కుసుమభూషితా ।
మాహేశ్వరీ మహాదేవప్రియా పఞ్చవిభూషితా ॥ ౯ ॥
ఇడా చ పిఙ్గలా చైవ సుషుమ్నా ప్రాణరూపిణీ ।
గాన్ధారీ పఞ్చమీ పఞ్చాననాది పరిపూజితా ॥ ౧౦ ॥
తథ్యవిద్యా తథ్యరూపా తథ్యమార్గానుసారిణీ ।
తత్త్వప్రియా తత్త్వరూపా తత్త్వజ్ఞానాత్మికాఽనఘా ॥ ౧౧ ॥
తాణ్డవాచారసన్తుష్టా తాణ్డవప్రియకారిణీ ।
తాలదానరతా క్రూరతాపినీ తరణిప్రభా ॥ ౧౨ ॥
త్రపాయుక్తా త్రపాముక్తా తర్పితా తృప్తికారిణీ ।
తారుణ్యభావసన్తుష్టా శక్తిర్భక్తానురాగిణీ ॥ ౧౩ ॥
శివాసక్తా శివరతిః శివభక్తిపరాయణా ।
తామ్రద్యుతిస్తామ్రరాగా తామ్రపాత్రప్రభోజినీ ॥ ౧౪ ॥
బలభద్రప్రేమరతా బలిభుగ్బలికల్పినీ ।
రామరూపా రామశక్తీ రామరూపానుకారిణీ ॥ ౧౫ ॥
ఇత్యేతత్కథితం దేవి రహస్యం పరమాద్భుతమ్ ।
శ్రుత్వా మోక్షమవాప్నోతి తారాదేవ్యాః ప్రసాదతః ॥ ౧౬ ॥
య ఇదం పఠతి స్తోత్రం తారాస్తుతిరహస్యకమ్ ।
సర్వసిద్ధియుతో భూత్వా విహరేత్ క్షితిమణ్డలే ॥ ౧౭ ॥
తస్యైవ మన్త్రసిద్ధిః స్యాన్మమసిద్ధిరనుత్తమా ।
భవత్యేవ మహామాయే సత్యం సత్యం న సంశయః ॥ ౧౮ ॥
మన్దే మఙ్గలవారే చ యః పఠేన్నిశి సంయతః ।
తస్యైవ మన్త్రసిద్ధిస్స్యాద్గాణపత్యం లభేత సః ॥ ౧౯ ॥
శ్రద్ధయాఽశ్రద్ధయా వాపి పఠేత్తారారహస్యకమ్ ।
సోఽచిరేణైవ కాలేన జీవన్ముక్తః శివో భవేత్ ॥ ౨౦ ॥
సహస్రావర్తనాద్దేవి పురశ్చర్యాఫలం లభేత్ ।
ఏవం సతతయుక్తా యే ధ్యాయన్తస్త్వాముపాసతే ।
తే కృతార్థా మహేశాని మృత్యుసంసారవర్త్మనః ॥ ౨౧ ॥
ఇతి స్వర్ణమాలాతన్త్రే తారాశతనామస్తోత్రం సమాప్తమ్ ॥
– Chant Stotra in Other Languages –
Goddess Durga / Kali Slokam » Tara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil