Sri Varada Ganesha Ashtottara Shatanama Stotram In Kannada

॥ Sri Varada Ganesha Ashtottara Shatanama Stotram Kannada Lyrics ॥

॥ ಶ್ರೀ ವರದಗಣೇಶ ಅಷ್ಟೋತ್ತರಶತನಾಮ ಸ್ತೋತ್ರಂ ॥
ಗಣೇಶೋ ವಿಘ್ನರಾಜಶ್ಚ ವಿಘ್ನಹರ್ತಾ ಗಣಾಧಿಪಃ ।
ಲಂಬೋದರೋ ವಕ್ರತುಂಡೋ ವಿಕಟೋ ಗಣನಾಯಕಃ ॥ ೧ ॥

ಗಜಾಸ್ಯಃ ಸಿದ್ಧಿದಾತಾ ಚ ಖರ್ವೋ ಮೂಷಕವಾಹನಃ ।
ಮೂಷಕೋ ಗಣರಾಜಶ್ಚ ಶೈಲಜಾನಂದದಾಯಕಃ ॥ ೨ ॥

ಗುಹಾಗ್ರಜೋ ಮಹಾತೇಜಾಃ ಕುಬ್ಜೋ ಭಕ್ತಪ್ರಿಯಃ ಪ್ರಭುಃ ।
ಸಿಂದೂರಾಭೋ ಗಣಾಧ್ಯಕ್ಷಸ್ತ್ರಿನೇತ್ರೋ ಧನದಾಯಕಃ ॥ ೩ ॥

ವಾಮನಃ ಶೂರ್ಪಕರ್ಣಶ್ಚ ಧೂಮ್ರಃ ಶಂಕರನಂದನಃ ।
ಸರ್ವಾರ್ತಿನಾಶಕೋ ವಿಜ್ಞಃ ಕಪಿಲೋ ಮೋದಕಪ್ರಿಯಃ ॥ ೪ ॥

ಸಂಕಷ್ಟನಾಶನೋ ದೇವಃ ಸುರಾಸುರನಮಸ್ಕೃತಃ ।
ಉಮಾಸುತಃ ಕೃಪಾಲುಶ್ಚ ಸರ್ವಜ್ಞಃ ಪ್ರಿಯದರ್ಶನಃ ॥ ೫ ॥

ಹೇರಂಬೋ ರಕ್ತನೇತ್ರಶ್ಚ ಸ್ಥೂಲಮೂರ್ತಿಃ ಪ್ರತಾಪವಾನ್ ।
ಸುಖದಃ ಕಾರ್ಯಕರ್ತಾ ಚ ಬುದ್ಧಿದೋ ವ್ಯಾಧಿನಾಶಕಃ ॥ ೬ ॥

ಇಕ್ಷುದಂಡಪ್ರಿಯಃ ಶೂರಃ ಕ್ಷಮಾಯುಕ್ತೋಽಘನಾಶಕಃ ।
ಏಕದಂತೋ ಮಹೋದಾರಃ ಸರ್ವದಾ ಗಜಕರ್ಷಕಃ ॥ ೭ ॥

ವಿನಾಯಕೋ ಜಗತ್ಪೂಜ್ಯಃ ಫಲದೋ ದೀನವತ್ಸಲಃ ।
ವಿದ್ಯಾಪ್ರದೋ ಮಹೋತ್ಸಾಹೋ ದುಃಖದೌರ್ಭಾಗ್ಯನಾಶಕಃ ॥ ೮ ॥

ಮಿಷ್ಟಪ್ರಿಯೋ ಫಾಲಚಂದ್ರೋ ನಿತ್ಯಸೌಭಾಗ್ಯವರ್ಧನಃ ।
ದಾನಪೂರಾರ್ದ್ರಗಂಡಶ್ಚ ಅಂಶಕೋ ವಿಬುಧಪ್ರಿಯಃ ॥ ೯ ॥

ರಕ್ತಾಂಬರಧರಃ ಶ್ರೇಷ್ಠಃ ಸುಭಗೋ ನಾಗಭೂಷಣಃ ।
ಶತ್ರುಧ್ವಂಸೀ ಚತುರ್ಬಾಹುಃ ಸೌಮ್ಯೋ ದಾರಿದ್ರ್ಯನಾಶಕಃ ॥ ೧೦ ॥

ಆದಿಪೂಜ್ಯೋ ದಯಾಶೀಲೋ ರಕ್ತಮುಂಡೋ ಮಹೋದಯಃ ।
ಸರ್ವಗಃ ಸೌಖ್ಯಕೃಚ್ಛುದ್ಧಃ ಕೃತ್ಯಪೂಜ್ಯೋ ಬುಧಪ್ರಿಯಃ ॥ ೧೧ ॥

ಸರ್ವದೇವಮಯಃ ಶಾಂತೋ ಭುಕ್ತಿಮುಕ್ತಿಪ್ರದಾಯಕಃ ।
ವಿದ್ಯಾವಾನ್ದಾನಶೀಲಶ್ಚ ವೇದವಿನ್ಮಂತ್ರವಿತ್ಸುಧೀಃ ॥ ೧೨ ॥

See Also  Dhumavati Ashtottara Shatanama Stotram In Gujarati

ಅವಿಜ್ಞಾತಗತಿರ್ಜ್ಞಾನೀ ಜ್ಞಾನಿಗಮ್ಯೋ ಮುನಿಸ್ತುತಃ ।
ಯೋಗಜ್ಞೋ ಯೋಗಪೂಜ್ಯಶ್ಚ ಫಾಲನೇತ್ರಃ ಶಿವಾತ್ಮಜಃ ॥ ೧೩ ॥

ಸರ್ವಮಂತ್ರಮಯಃ ಶ್ರೀಮಾನ್ ಅವಶೋ ವಶಕಾರಕಃ ।
ವಿಘ್ನಧ್ವಂಸೀ ಸದಾ ಹೃಷ್ಟೋ ಭಕ್ತಾನಾಂ ಫಲದಾಯಕಃ ॥ ೧೪ ॥

ಇದಂ ಸ್ತೋತ್ರಂ ಗಣೇಶಸ್ಯ ಪಠೇಚ್ಚ ಸಾದರಂ ನರಃ ।
ತಸ್ಯ ವಾಂಛಿತಕಾಮಸ್ಯ ಸಿದ್ಧಿರ್ಭವತಿ ನಿಶ್ಚಿತಮ್ ॥ ೧೫ ॥

ಇತಿ ಶ್ರೀ ವರದಗಣೇಶ ಅಷ್ಟೋತ್ತರಶತನಾಮ ಸ್ತೋತ್ರಮ್ ।

– Chant Stotra in Other Languages –

Sri Ganesha Astottarasatanama » Sri Varada Ganesha Ashtottara Shatanama Stotram in Lyrics in Sanskrit » English » Telugu » Tamil