॥ Vatapuranatha Ashtakam Kannada Lyrics ॥
॥ ಶ್ರೀವಾತಪುರನಾಥಾಷ್ಟಕಮ್ ॥
ಕುನ್ದಸುಮವೃನ್ದಸಮಮನ್ದಹಸಿತಾಸ್ಯಂ
ನನ್ದಕುಲನನ್ದಭರತುನ್ದಲನಕನ್ದಮ್ ।
ಪೂತನಿಜಗೀತಲವಧೂತದುರಿತಂ ತಂ
ವಾತಪುರನಾಥಮಿಮಮಾತನು ಹೃದಬ್ಜೇ ॥ 1 ॥
ನೀಲತರಜಾಲಧರಭಾಲಹರಿರಮ್ಯಂ
ಲೋಲತರಶೀಲಯುತಬಾಲಜನಲೀಲಮ್ ।
ಜಾಲನತಿಶೀಲಮಪಿ ಪಾಲಯಿತುಕಾಮಂ
ವಾತಪುರನಾಥಮಿಮಮಾತನು ಹೃದಬ್ಜೇ ॥ 2 ॥
ಕಂಸರಣಹಿಂಸಮಿಹ ಸಂಸರಣಜಾತ-
ಕ್ಲಾನ್ತಿಭರಶಾನ್ತಿಕರಕಾನ್ತಿಝರವೀತಮ್ ।
ವಾತಮುಖಧಾತುಜನಿಪಾತಭಯಘಾತಂ
ವಾತಪುರನಾಥಮಿಮಮಾತನು ಹೃದಬ್ಜೇ ॥ 3 ॥
ಜಾತುಧುರಿಪಾತುಕಮಿಹಾತುರಜನಂ ದ್ರಾಕ್
ಶೋಕಭರಮೂಕಮಪಿ ತೋಕಮಿವ ಪಾನ್ತಮ್ ।
ಭೃಂಗರುಚಿಸಂಗರಕೃದಂಗಲತಿಕಂ ತಂ
ವಾತಪುರನಾಥಮಿಮಮಾತನು ಹೃದಬ್ಜೇ ॥ 4 ॥
ಪಾಪಭವತಾಪಭರಕೋಪಶಮನಾರ್ಥಾ-
ಶ್ವಾಸಕರಭಾಸಮೃದುಹಾಸರುಚಿರಾಸ್ಯಮ್ ।
ರೋಗಚಯಭೋಗಭಯವೇಗಹರಮೇಕಂ
ವಾತಪುರನಾಥಮಿಮಮಾತನು ಹೃದಬ್ಜೇ ॥ 5 ॥
ಘೋಷಕುಲದೋಷಹರವೇಷಮುಪಯಾನ್ತಂ
ಪೂಷಶತದೂಷಕವಿಭೂಷಣಗಣಾಢ್ಯಮ್ ।
ಭುಕ್ತಿಮಪಿಮುಕ್ತಿಮತಿಭಕ್ತಿಷು ದದಾನಂ
ವಾತಪುರನಾಥಮಿಮಮಾತನು ಹೃದಬ್ಜೇ ॥ 6 ॥
ಪಾಪಕದುರಾಪಮತಿತಾಪಹರಶೋಭ-
ಸ್ವಾಪಘನಮಾಮತದುಮಾಪತಿಸಮೇತಮ್ ।
ದೂನತರದೀನಸುಖದಾನಕೃತದೀಕ್ಷಂ
ವಾತಪುರನಾಥಮಿಮಮಾತನು ಹೃದಬ್ಜೇ ॥ 7 ॥
ಪಾದಪತದಾದರಣಮೋದಪರಿಪೂರ್ಣಂ
ಜೀವಮುಖದೇವಜನಸೇವನಫಲಾಂಘ್ರಿಮ್
ರೂಕ್ಷಭವಮೋಕ್ಷಕೃತದೀಕ್ಷನಿಜವೀಕ್ಷಂ
ವಾತಪುರನಾಥಮಿಮಮಾತನು ಹೃದಬ್ಜೇ ॥ 8 ॥
ಭೃತ್ಯಗಣಪತ್ಯುದಿತನುತ್ಯುಚಿತಮೋದಂ
ಸ್ಪಷ್ಟಮಿದಮಷ್ಟಕಮದುಷ್ಟಕರಣಾರ್ಹಮ್ ।
ಆದಧತಮಾದರದಮಾದಿಲಯಶೂನ್ಯಂ
ವಾತಪುರನಾಥಮಿಮಮಾತನು ಹೃದಬ್ಜೇ ॥ 9 ॥
ಇತಿ ಮಹಾಮಹೋಪಾಧ್ಯಾಯ ಬ್ರಹ್ಮಶ್ರೀ ಗಣಪತೀಶಾಸ್ತ್ರೀವಿರಚಿತಂ ಶ್ರೀವಾತಪುರನಾಥಾಷ್ಟಕಮ್ ॥
– Chant Stotra in Other Languages –
Sri Vatapuranatha Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil