॥ Sri Venkatesha Ashtakam Malayalam Lyrics ॥
॥ ശ്രീവേങ്കടേശാഷ്ടകം ॥
ശ്രീവേങ്കടേശപദപങ്കജ ധൂലിപങ്ക്തിഃ
സംസാരസിന്ധുതരണേ തരണിര്‍നവീനാ ।
സര്‍വാഘപുഞ്ജഹരണായച ധൂമകേതുഃ
പായാദനന്യശരണം സ്വയമേവ ലോകം ॥ 1 ॥
ശേഷാദ്രിഗേഹതവ കീര്‍തിതരങ്ഗപുഞ്ജ
ആഭൂമിനാകമഭിതഃസകലാന്‍പുനാനഃ ।
മത്കര്‍ണയുഗ്മവിവരേപരിഗംയ സംയക്
കുര്യാദശേഷമനിശങ്ഖലു താപഭങ്ഗം ॥ 2 ॥
വൈകുണ്ഠരാജസകലോഽപി ധനേശവര്‍ഗോ
നീതോഽപമാനസരണിംത്വയി വിശ്വസിത്രാ ।
തസ്മാദയംന സമയഃ പരിഹാസവാചാം
ഇഷ്ടമ്പ്രപൂര്യ കുരു മാം കൃതകൃത്യസങ്ഘം ॥ 3 ॥
ശ്രീമന്നാരാസ്തുകതിചിദ്ധനികാംശ്ച കേചിത്
ക്ഷോണീപതീന്‍കതിചിദത്രച രാജലോകാന്‍ ।
ആരാധയന്തുമലശൂന്യമഹം ഭവന്തം
കല്യാണലാഭജനനായസമര്‍ഥമേകം ॥ 4 ॥
ലക്ഷ്മീപതിത്വമഖിലേശതവ പ്രസിദ്ധമത്ര
പ്രസിദ്ധമവനൌമദകിഞ്ചനത്വം ।
തസ്യോപയോഗകരണായമയാ ത്വയാ ച കാര്യഃ
സമാഗമൈദം മനസി സ്ഥിതം മേ ॥ 5 ॥
ശേഷാദ്രിനാഥഭവതാഽയമഹം സനാഥഃ
സത്യംവദാമി ഭഗവംസ്ത്വമനാഥ ഏവ ।
തസ്മാത്കുരുഷ്വമദഭീപ്സിത കൃത്യജാലം-
ഏവത്വദീപ്സിത കൃതൌ തു ഭവാന്‍സമര്‍ഥഃ ॥ 6 ॥
ക്രുദ്ധോയദാ ഭവസി തത്ക്ഷണമേവ ഭൂപോ
രങ്കായതേത്വമസി ചേത്ഖലു തോഷയുക്തഃ ।
ഭൂപായതേഽഥനിഖിലശ്രുതിവേദ്യ രങ്ക
ഇച്ഛാംയതസ്തവദയാജലവൃഷ്ടിപാതം ॥ 7 ॥
അങ്ഗീകൃതംസുവിരുദം ഭഗവംസ്ത്വയേതി
മദ്ഭക്തപോഷണമഹംസതതം കരോമി ।
ആവിഷ്കുരുസ്വമയി സത്സതതം പ്രദീനേ
ചിന്താപ്രഹാരമയമേവഹിയോഗ്യകാലഃ ॥ 8 ॥
സര്‍വാസുജാതിഷു മയാതു സമത്വമേവ
നിശ്ചീയതേതവ വിഭോ കരുണാപ്രവാഹാത് ।
പ്രഹ്ലാദപാണ്ഡുസുതബല്ലവ ഗൃഘ്രകാദൌ
നീചോന ഭാതി മമ കോഽപ്യത ഏവ ഹേതോഃ ॥ 9 ॥
സംഭാവിതാസ്തുപരിഭൂതിമഥ പ്രയാന്തി
ധൂര്‍താജപം ഹി കപടൈകപരാ ജഗത്യാം ।
പ്രാപ്തേതു വേങ്കടവിഭോ പരിണാമകാലേ
സ്യാദ്വൈപരീത്യമിവകൌരവപാണ്ഡവാനാം ॥ 10 ॥
ശ്രീവേങ്കടേശതവ പാദസരോജയുഗ്മേ
സംസാരദുഃഖശമനായ സമര്‍പയാമി ।
ഭാസ്വത്സദഷ്ടകമിദം രചിതം
പ്രഭാകരോഽഹമനിശംവിനയേന യുക്തഃ ॥ 11 ॥
ശ്രീശാലിവാഹനശകേശരകാഷ്ടഭൂമി (1815)
സങ്ഖ്യാമിതേഽഥവിജയാഭിധവത്സരേഽയം ।
ശ്രീകേശവാത്മജൈദം വ്യതനോത്സമല്‍പം
സ്തോത്രമ്പ്രഭാകര ഇതി പ്രഥിതാഭിധാനാ ॥ 12 ॥
ഇതിഗാര്‍ഗ്യകുലോത്പന്ന യശോദാഗര്‍ഭജ-കേശവാത്മജ-പ്രഭാകര-കൃതിഷു
ശ്രീവേങ്കടേശാഷ്ടകം സ്തോത്രം സമാപ്തം ॥
ശ്രീകൃഷ്ണദാസ തനുജസ്യ മയാ തു
ഗങ്ഗാവിഷ്ണോരകാരികില സൂചനയാഷ്ടകം യത് ।
തദ്വേങ്കടേശമനസോ മുദമാതനോതു
തദ്ഭക്തലോകനിവഹാനന പങ്ക്തിഗം സത് ॥
പിത്രോര്‍ഗുരോശ്ചാപ്യപരാധകാരിണോ
ഭ്രാതുസ്തഥാഽന്യായകൃതശ്ചദുര്‍ഗതഃ ।
തേഷുത്വയാഽഥാപി കൃപാ വിധീയതാം
സൌഹാര്‍ദവശ്യേനമയാ തു യാച്യതേ ॥
– Chant Stotra in Other Languages –
Sri Vishnu Slokam » Sri Venkatesha Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil