॥ Sri Vishnu Ashtottara Shatanama Stotram Gujarati Lyrics ॥
॥ શ્રીવિષ્ણવષ્ટોત્તરશતનામસ્તોત્રમ્ ॥
નમામ્યહં હૃષીકેશં કેશવં મધુસૂદનમ્ ।
સૂદનં સર્વદૈત્યાનાં નારાયણમનામયમ્ ॥ ૧ ॥
જયન્તં વિજયં કૃષ્ણં અનન્તં વામનં તથા ।
વિષ્ણું વિશ્વેશ્વરં પુણ્યં વિશ્વાત્માનં સુરાર્ચિતમ્ ॥ ૨ ॥
અનઘં ત્વઘહર્તારં નારસિંહં શ્રિયઃ પ્રિયમ્ ।
શ્રીપતિં શ્રીધરં શ્રીદં શ્રીનિવાસં મહોદયમ્ ॥ ૩ ॥
શ્રીરામં માધવં મોક્ષક્ષમારૂપં જનાર્દનમ્ ।
સર્વજ્ઞં સર્વવેત્તારં સર્વેશં સર્વદાયકમ્ ॥ ૪ ॥
હરિં મુરારિં ગોવિન્દં પદ્મનાભં પ્રજાપતિમ્ ।
આનન્દજ્ઞાનસમ્પન્નં જ્ઞાનદં જ્ઞાનદાયકમ્ ॥ ૫ ॥
અચ્યુતં સબલં ચન્દ્રવક્ત્રં વ્યાપ્તપરાવરમ્ ।
યોગેશ્વરં જગદ્યોનિં બ્રહ્મરૂપં મહેશ્વરમ્ ॥ ૬ ॥
મુકુન્દં ચાપિ વૈકુણ્ઠમેકરૂપં કવિં ધ્રુવમ્ ।
વાસુદેવં મહાદેવં બ્રહ્મણ્યં બ્રાહ્મણપ્રિયમ્ ॥ ૭ ॥
ગોપ્રિયં ગોહિતં યજ્ઞં યજ્ઞાઙ્ગં યજ્ઞવર્ધનમ્ ।
યજ્ઞસ્યાપિ ચ ભોક્તારં વેદવેદાઙ્ગપારગમ્ ॥ ૮ ॥
વેદજ્ઞં વેદરૂપં તં વિદ્યાવાસં સુરેશ્વરમ્ ।
પ્રત્યક્ષં ચ મહાહંસં શઙ્ખપાણિં પુરાતનમ્ ॥ ૯ ॥
પુષ્કરં પુષ્કરાક્ષં ચ વરાહં ધરણીધરમ્ ।
પ્રદ્યુમ્નં કામપાલં ચ વ્યાસધ્યાતં મહેશ્વરમ્ ॥ ૧૦ ॥
સર્વસૌખ્યં મહાસૌખ્યં સાઙ્ખ્યં ચ પુરુષોત્તમમ્ ।
યોગરૂપં મહાજ્ઞાનં યોગીશમજિતપ્રિયમ્ ॥ ૧૧ ॥
અસુરારિં લોકનાથં પદ્મહસ્તં ગદાધરમ્ ।
ગુહાવાસં સર્વવાસં પુણ્યવાસં મહાજનમ્ ॥ ૧૨ ॥
વૃન્દાનાથં બૃહત્કાયં પાવનં પાપનાશનમ્ ।
ગોપીનાથં ગોપસખં ગોપાલં ચ ગણાશ્રયમ્ ॥ ૧૩ ॥
પરાત્માનં પરાધીશં કપિલં કાર્યમાનુષમ્ ।
નમામિ નિખિલં નિત્યં મનોવાક્કાયકર્મભિઃ ॥ ૧૪ ॥
નામ્નાં શતેનાપિ તુ પુણ્યકર્તા
યઃ સ્તૌતિ વિષ્ણું મનસા સ્થિરેણ ।
સ યાતિ લોકં મધુસૂદનસ્ય
વિહાય દોષાનિહ પુણ્યભૂતઃ ॥ ૧૫ ॥
નામ્નાં શતં મહાપુણ્યં સર્વપાતકશોધનમ્ ।
અનન્યમનસા ધ્યાજેજ્જપેદ્ધ્યાનસમન્વિતઃ ॥ ૧૬ ॥
નિત્યમેવ નરઃ પુણ્યં ગઙ્ગાસ્નાનફલં લભેત્ ।
તસ્માત્તુ સુસ્થિરો ભૂત્વા સમાહિતમના જપેત્ ॥ ૧૭ ॥
ઇતિ શ્રીવિષ્ણવષ્ટોત્તરશતનામસ્તોત્રં સમ્પૂર્ણમ્ ।
– Chant Stotra in Other Languages –
Sri Vishnu Slokam » Sri Vishnu Ashtottara Shatanama Stotram Lyrics in Sanskrit » English » Bengali » Kannada » Malayalam » Odia » Telugu » Tamil