॥ Sri Vraja Navayuva Raja Ashtakam in Telugu ॥
॥ శ్రీవ్రజనవయువరాజాష్టకమ్ ॥
శ్రీవ్రజనవయువరాజాయ నమః ।
ముదిరమదముదారం మర్దయన్నఙ్గకాన్త్యా
వసనరుచినిరస్తామ్భోజకిఞ్జల్కశోభః ।
తరుణిమతరణీక్షావిక్లవద్బాల్యచన్ద్రో
వ్రజనవయువరాజః కాఙ్క్షితం మే కృపీష్ట ॥ ౧ ॥
పితురనిశమగణ్యప్రాణనిర్మన్థనీయః
కలితతనురివాద్ధా మాతృవాత్సల్యపుఞ్జః ।
అనుగుణగురుగోష్ఠీదృష్టిపీయూషవర్తి-
ర్వ్రజనవయువరాజః కాఙ్క్షితం మే కృపీష్ట ॥ ౨ ॥
అఖిలజగతి జాగ్రన్ముగ్ధవైదగ్ధ్యచర్యా
ప్రథమగురురుదగ్రస్థామవిశ్రామసౌధః ।
అనుపమగుణరాజీరఞ్జితాశేషబన్ధు-
ర్వ్రజనవయువరాజః కాఙ్క్షితం మే కృపీష్ట ॥ ౩ ॥
అపి మదనపరాఅర్ధైర్దుష్కరం విక్రియోర్మిం
యువతిషు నిదధానో భ్రూధనుర్ధూననేన ।
ప్రియసహచరవర్గప్రాణమీనామ్బురాశి-
ర్వ్రజనవయువరాజః కాఙ్క్షితం మే కృపీష్ట ॥ ౪ ॥
నయనశృణిమ్వినోదక్షోభితానఙ్గనాగో
న్మథితగహనరాధాచిత్తకాసారగర్భః ।
ప్రణయరసమరన్దాస్వాదలీలాషడఙ్ఘ్రి-
ర్వ్రజనవయువరాజః కాఙ్క్షితం మే కృపీష్ట ॥ ౫ ॥
అనుపదముదయన్త్యా రాధికాసఙ్గసిద్ధ్యా
స్థగితపృథురథాఙ్గద్వన్ద్వరాగానుబన్ధః ।
మధురిమమధుధారాధోరణీనాముదన్వాన్
వ్రజనవయువరాజః కాఙ్క్షితం మే కృపీష్ట ॥ ౬ ॥
అలఘుకుటిలరాధాదృష్టివారీనిరుద్ధ
త్రిజగదపరతన్త్రోద్దామచేతోగజేన్ద్రః ।
సుఖముఖరవిశాఖానర్మణా స్మేరవక్త్రో
వ్రజనవయువరాజః కాఙ్క్షితం మే కృపీష్ట ॥ ౭ ॥
త్వయి రహసి మిలన్త్యాం సమ్భ్రమన్యాసభుగ్నాప్య్-
ఉషసి సఖి తవాలీమేఖలా పశ్య భాతి ।
ఇతి వివృతరహస్యైర్హ్రేపయన్న్ ఏవ రాధాం
వ్రజనవయువరాజః కాఙ్క్షితం మే కృపీష్ట ॥ ౮ ॥
వ్రజనవయువరాజస్యాష్టకం తుష్టబుద్ధిః
కలితవరవిలాసం యః ప్రయత్నాదధితే ।
పరిజనగణనాయాం నామ తస్యానురజ్యన్
విలిఖతి కిల్ వృన్దారణ్యరాజ్ఞీరసజ్ఞః ॥ ౯ ॥
ఇతి శ్రీరూపగోస్వామివిరచితస్తవమాలాయాం శ్రీవ్రజనవయువరాజాష్టకం సమాప్తమ్ ।
– Chant Stotra in Other Languages –
Sri Vraja Navayuva Raja Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil