॥ Suvarnamaalaa Stutih Malayalam Lyrics ॥
॥ സുവര്ണമാലാ സ്തുതിഃ ॥
അഥ കഥമപി മദ്രസനാം ത്വദ്ഗുണലേശൈര്വിശോധയാമി വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧ ॥
ആഖണ്ഡലമദഖണ്ഡനപണ്ഡിത തണ്ഡുപ്രിയ ചണ്ഡീശ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨ ॥
ഇഭചര്മാംബര ശംബരരിപുവപുരപഹരണോജ്ജ്വലനയന വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩ ॥
ഈശ ഗിരീശ നരേശ പരേശ മഹേശ ബിലേശയഭൂഷണ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪ ॥
ഉമയാ ദിവ്യസുമംഗളവിഗ്രഹയാലിംഗിതവാമാംഗ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൫ ॥
ഊരീകുരു മാമജ്ഞമനാഥം ദൂരീകുരു മേ ദുരിതം ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൬ ॥
ഋഷിവരമാനസഹംസ ചരാചരജനനസ്ഥിതികാരണ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൭ ॥
ൠക്ഷാധീശകിരീട മഹോക്ഷാരൂഢ വിധൃതരുദ്രാക്ഷ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൮ ॥
ലൃവര്ണദ്വന്ദ്വമവൃന്തസുകുസുമമിവാംഘ്രൗ തവാര്പയാമി വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൯ ॥
ഏകം സദിതി ശ്രുത്യാ ത്വമേവ സദസീത്യുപാസ്മഹേ മൃഡ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൦ ॥
ഐക്യം നിജഭക്തേഭ്യോ വിതരസി വിശ്വംഭരോഽത്ര സാക്ഷീ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൧ ॥
ഓമിതി തവ നിര്ദേഷ്ട്രീ മായാഽസ്മാകം മൃഡോപകര്ത്രീ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൨ ॥
ഔദാസ്യം സ്ഫുടയതി വിഷയേഷു ദിഗംബരതാ ച തവൈവ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൩ ॥
അന്തകരണവിശുദ്ധിം ഭക്തിം ച ത്വയി സതീം പ്രദേഹി വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൪ ॥
അസ്തോപാധിസമസ്തവ്യസ്തൈ രൂപൈര്ജഗന്മയോഽസി വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൫ ॥
കരുണാവരുണാലയ മയി ദാസ ഉദാസസ്തവോചിതോ ന ഹി ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൬ ॥
ഖലസഹവാസം വിഘടയ സതാമേവ സംഗമനിശം ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൭ ॥
ഗരളം ജഗദുപകൃതയേ ഗിലിതം ഭവതാ സമോഽസ്തി കോഽത്ര വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൮ ॥
ഘനസാരഗൗരഗാത്ര പ്രചുരജടാജൂടബദ്ധഗംഗ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൧൯ ॥
ജ്ഞപ്തിഃ സര്വശരീരേഷ്വഖണ്ഡിതാ യാ വിഭാതി സാ ത്വയി ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൦ ॥
ചപലം മമ ഹൃദയകപിം വിഷയദുചരം ദൃഢം ബധാന വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൧ ॥
ഛായാ സ്ഥാണോരപി തവ താപം നമതാം ഹരത്യഹോ ശിവ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൨ ॥
ജയ കൈലാസനിവാസ പ്രമഥഗണാധീശ ഭൂസുരാര്ചിത ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൩ ॥
ഝണുതകഝംകിണുഝണുതത്കിടതകശബ്ദൈര്നടസി മഹാനട ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൪ ॥
ജ്ഞാനം വിക്ഷേപാവൃതിരഹിതം കുരു മേ ഗുരുസ്ത്വമേവ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൫ ॥
ടംകാരസ്തവ ധനുഷോ ദലയതി ഹൃദയം ദ്വിഷാമശനിരിവ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൬ ॥
ഠാകൃതിരിവ തവ മായാ ബഹിരന്തഃ ശൂന്യരൂപിണീ ഖലു ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൭ ॥
ഡംബരമംബുരുഹാമപി ദലയത്യനഘം ത്വദംഘ്രിയുഗളം ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൮ ॥
ഢക്കാക്ഷസൂത്രശൂലദ്രുഹിണകരോടീസമുല്ലസത്കര ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൨൯ ॥
ണാകാരഗര്ഭിണീ ചേച്ഛുഭദാ തേ ശരണഗതിര്നൃണാമിഹ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൦ ॥
തവ മന്വതിസഞ്ജപതഃ സദ്യസ്തരതി നരോ ഹി ഭവാബ്ധിം ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൧
ഥൂത്കാരസ്തസ്യ മുഖേ ഭൂയാത്തേ നാമ നാസ്തി യസ്യ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൨ ॥
ദയനീയശ്ച ദയാളുഃ കോഽസ്തി മദന്യസ്ത്വദന്യ ഇഹ വദ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൩ ॥
ധര്മസ്ഥാപനദക്ഷ ത്ര്യക്ഷ ഗുരോ ദക്ഷയജ്ഞശിക്ഷക ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൪ ॥
നനു താഡീതോഽസി ധനുഷാ ലുബ്ധധിയാ ത്വം പുരാ നരേണ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൫ ॥
പരിമാതും തവ മൂര്ത്തിം നാലമജസ്തത്പരാത്പരോഽസി വിഭോ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൬ ॥
ഫലമിഹ നൃതയാ ജനുഷസ്ത്വത്പദസേവാ സനാതനേശ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൭ ॥
ബലമാരോഗ്യം ചായുസ്ത്വദ്ഗുണരുചിതാം ചിരം പ്രദേഹി വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൮ ॥
ഭഗവന് ഭര്ഗ ഭയാപഹ ഭൂതപതേ ഭൂതിഭൂഷിതാംഗ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൩൯ ॥
മഹിമാ തവ നഹി മാതി ശ്രുതിഷു ഹിമാനീധരാത്മജാധവ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൦ ॥
യമനിയമാദിഭിരംഗൈര്യമിനോ ഹൃദയേ ഭജന്തി സ ത്വം ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൧ ॥
രജ്ജാവഹിരിവ ശുക്തൗ രജതമിവ ത്വയി ജഗന്തി ഭാന്തി വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൨ ॥
ലബ്ധ്വാ ഭവത്പ്രസാദാച്ചക്രം വിധുരവതി ലോകമഖിലം ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൩ ॥
വസുധാതദ്ധരതച്ഛയരഥമൗര്വീശരപരാകൃതാസുര ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൪ ॥
ശര്വ ദേവ സര്വോത്തമ സര്വദ ദുര്വൃത്തഗര്വഹരണ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൫ ॥
ഷഡ്രിപുഷഡൂര്മിഷഡ്വികാരഹര സന്മുഖ ഷണ്മുഖജനക വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൬ ॥
സത്യം ജ്ഞാനമനന്തം ബ്രഹ്മേത്യേതല്ലക്ഷണലക്ഷിത ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൭ ॥
ഹാഹാഹൂഹൂമുഖസുരഗായകഗീതപദാനവദ്യ വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൮ ॥
ളാദിര്ന ഹി പ്രയോഗസ്തദന്തമിഹ മംഗളം സദാഽസ്തു വിഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൪൯ ॥
ക്ഷണമിവ ദിവസാന്നേഷ്യതി ത്വത്പദസേവാക്ഷണോത്സുകഃ ശിവ ഭോ ।
സാംബ സദാശിവ ശംഭോ ശങ്കര ശരണം മേ തവ ചരണയുഗം ॥ ൫൦ ॥
ഇതി ശ്രീമത്പരമഹംസപരിവ്രാജകാചാര്യശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീശങ്കരഭഗവതഃ കൃതാ സുവര്ണമാലാസ്തുതിഃ സംപൂര്ണാ ॥
– Chant Stotra in Other Languages –
Suvarnamala Stutih in English – Sanskrit – Marathi – Gujarati । Bengali – Kannada – Malayalam – Telugu – Tamil