॥ Shivastotram upamanyukrita Kannada Lyrics ॥
॥ ಶ್ರೀ ಶಿವ ಸ್ತೋತ್ರಂ (ಉಪಮನ್ಯು ಕೃತಂ) ॥
ಜಯ ಶಂಕರ ಪಾರ್ವತೀಪತೇ ಮೃಡ ಶಂಭೋ ಶಶಿಖಂಡಮಂಡನ ।
ಮದನಾಂತಕ ಭಕ್ತವತ್ಸಲ ಪ್ರಿಯಕೈಲಾಸ ದಯಾಸುಧಾಂಬುಧೇ ॥ ೧ ॥
ಸದುಪಾಯಕಥಾಸ್ವಪಂಡಿತೋ ಹೃದಯೇ ದುಃಖಶರೇಣ ಖಂಡಿತಃ ।
ಶಶಿಖಂಡಶಿಖಂಡಮಂಡನಂ ಶರಣಂ ಯಾಮಿ ಶರಣ್ಯಮೀಶ್ವರಮ್ ॥ ೨ ॥
ಮಹತಃ ಪರಿತಃ ಪ್ರಸರ್ಪತಸ್ತಮಸೋ ದರ್ಶನಭೇದಿನೋ ಭಿದೇ ।
ದಿನನಾಥ ಇವ ಸ್ವತೇಜಸಾ ಹೃದಯವ್ಯೋಮ್ನಿ ಮನಾಗುದೇಹಿ ನಃ ॥ ೩ ॥
ನ ವಯಂ ತವ ಚರ್ಮಚಕ್ಷುಷಾ ಪದವೀಮಪ್ಯುಪವೀಕ್ಷಿತುಂ ಕ್ಷಮಾಃ ।
ಕೃಪಯಾಽಭಯದೇನ ಚಕ್ಷುಷಾ ಸಕಲೇನೇಶ ವಿಲೋಕಯಾಶು ನಃ ॥ ೪ ॥
ತ್ವದನುಸ್ಮೃತಿರೇವ ಪಾವನೀ ಸ್ತುತಿಯುಕ್ತಾ ನ ಹಿ ವಕ್ತುಮೀಶ ಸಾ ।
ಮಧುರಂ ಹಿ ಪಯಸ್ಸ್ವಭಾವತೋ ನನು ಕೀದೃಕ್ಸಿತಶರ್ಕರಾನ್ವಿತಮ್ ॥ ೫ ॥
ಸವಿಷೋಽಪ್ಯಮೃತಾಯತೇ ಭವಾಂಚ್ಛವಮುಂಡಾಭರಣೋಽಪಿ ಪಾವನಃ ।
ಭವ ಏವ ಭವಾಂತಕಸ್ಸತಾಂ ಸಮದೃಷ್ಟಿರ್ವಿಷಮೇಕ್ಷಣೋಽಪಿ ಸನ್ ॥ ೬ ॥
ಅಪಿ ಶೂಲಧರೋ ನಿರಾಮಯೋ ದೃಢವೈರಾಗ್ಯರತೋಽಪಿ ರಾಗವಾನ್ ।
ಅಪಿ ಭೈಕ್ಷ್ಯಚರೋ ಮಹೇಶ್ವರಶ್ಚರಿತಂ ಚಿತ್ರಮಿದಂ ಹಿ ತೇ ಪ್ರಭೋ ॥ ೭ ॥
ವಿತರತ್ಯಭಿವಾಂಛಿತಂ ದೃಶಾ ಪರಿದೃಷ್ಟಃ ಕಿಲ ಕಲ್ಪಪಾದಪಃ ।
ಹೃದಯೇ ಸ್ಮೃತ ಏವ ಧೀಮತೇ ನಮತೇಽಭೀಷ್ಟಫಲಪ್ರದೋ ಭವಾನ್ ॥ ೮ ॥
ಸಹಸೈವ ಭುಜಂಗಪಾಶವಾನ್ವಿನಿಗೃಹ್ಣಾತಿ ನ ಯಾವದಂತಕಃ ।
ಅಭಯಂ ಕುರು ತಾವದಾಶು ಮೇ ಗತಜೀವಸ್ಯ ಪುನಃ ಕಿಮೌಷಧೈಃ ॥ ೯ ॥
ಸವಿಷೈರಿವ ಭೀಮಪನ್ನಗೈರ್ವಿಷಯೈರೇಭಿರಲಂ ಪರಿಕ್ಷತಮ್ ।
ಅಮೃತೈರಿವ ಸಂಭ್ರಮೇಣ ಮಾಮಭಿಷಿಂಚಾಶು ದಯಾವಲೋಕನೈಃ ॥ ೧೦ ॥
ಮುನಯೋ ಬಹವೋಽದ್ಯ ಧನ್ಯತಾಂ ಗಮಿತಾಸ್ಸ್ವಾಭಿಮತಾರ್ಥದರ್ಶಿನಃ ।
ಕರುಣಾಕರ ಯೇನ ತೇನ ಮಾಮವಸನ್ನಂ ನನು ಪಶ್ಯ ಚಕ್ಷುಷಾ ॥ ೧೧ ॥
ಪ್ರಣಮಾಮ್ಯಥ ಯಾಮಿ ಚಾಪರಂ ಶರಣಂ ಕಂ ಕೃಪಣಾಭಯಪ್ರದಮ್ ।
ವಿರಹೀವ ವಿಭೋ ಪ್ರಿಯಾಮಯಂ ಪರಿಪಶ್ಯಾಮಿ ಭವನ್ಮಯಂ ಜಗತ್ ॥ ೧೨ ॥
ಬಹವೋ ಭವತಾಽನುಕಂಪಿತಾಃ ಕಿಮಿತೀಶಾನ ನ ಮಾನುಕಂಪಸೇ ।
ದಧತಾ ಕಿಮು ಮಂದರಾಚಲಂ ಪರಮಾಣುಃ ಕಮಠೇನ ದುರ್ಧರಃ ॥ ೧೩ ॥
ಅಶುಚಿಂ ಯದಿ ಮಾನುಮನ್ಯಸೇ ಕಿಮಿದಂ ಮೂರ್ಧ್ನಿ ಕಪಾಲದಾಮ ತೇ ।
ಉತ ಶಾಠ್ಯಮಸಾಧುಸಂಗಿನಂ ವಿಷಲಕ್ಷ್ಮಾಸಿ ನ ಕಿಂ ದ್ವಿಜಿಹ್ವಧೃಕ್ ॥ ೧೪ ॥
ಕ್ವ ದೃಶಂ ವಿದಧಾಮಿ ಕಿಂ ಕರೋಮ್ಯನುತಿಷ್ಠಾಮಿ ಕಥಂ ಭಯಾಕುಲಃ ।
ಕ್ವ ನು ತಿಷ್ಠಸಿ ರಕ್ಷ ರಕ್ಷ ಮಾಮಯಿ ಶಂಭೋ ಶರಣಾಗತೋಽಸ್ಮಿ ತೇ ॥ ೧೫ ॥
ವಿಲುಠಾಮ್ಯವನೌ ಕಿಮಾಕುಲಃ ಕಿಮುರೋ ಹನ್ಮಿ ಶಿರಶ್ಛಿನದ್ಮಿ ವಾ ।
ಕಿಮು ರೋದಿಮಿ ರಾರಟೀಮಿ ಕಿಂ ಕೃಪಣಂ ಮಾಂ ನ ಯದೀಕ್ಷಸೇ ಪ್ರಭೋ ॥ ೧೬ ॥
ಶಿವ ಸರ್ವಗ ಶರ್ವ ಶರ್ಮದ ಪ್ರಣತೋ ದೇವ ದಯಾಂ ಕುರುಷ್ವ ಮೇ ।
ನಮ ಈಶ್ವರ ನಾಥ ದಿಕ್ಪತೇ ಪುನರೇವೇಶ ನಮೋ ನಮೋಽಸ್ತು ತೇ ॥ ೧೭ ॥
ಶರಣಂ ತರುಣೇಂದುಶೇಖರಶ್ಶರಣಂ ಮೇ ಗಿರಿರಾಜಕನ್ಯಕಾ ।
ಶರಣಂ ಪುನರೇವ ತಾವುಭೌ ಶರಣಂ ನಾನ್ಯದುಪೈಮಿ ದೈವತಮ್ ॥ ೧೮ ॥
ಉಪಮನ್ಯುಕೃತಂ ಸ್ತವೋತ್ತಮಂ ಜಪತಶ್ಶಂಭುಸಮೀಪವರ್ತಿನಃ ।
ಅಭಿವಾಂಛಿತಭಾಗ್ಯಸಂಪದಃ ಪರಮಾಯುಃ ಪ್ರದದಾತಿ ಶಂಕರಃ ॥ ೧೯ ॥
ಉಪಮನ್ಯುಕೃತಂ ಸ್ತವೋತ್ತಮಂ ಪ್ರಜಪೇದ್ಯಸ್ತು ಶಿವಸ್ಯ ಸನ್ನಿಧೌ ।
ಶಿವಲೋಕಮವಾಪ್ಯ ಸೋಽಚಿರಾತ್ಸಹ ತೇನೈವ ಶಿವೇನ ಮೋದತೇ ॥ ೨೦ ॥
ಇತ್ಯುಪಮನ್ಯುಕೃತಂ ಶಿವಸ್ತೋತ್ರಂ ಸಂಪೂರ್ಣಮ್ ।
– Chant Stotra in Other Languages –
Upamanyu Krutha Shiva Stotram in Sanskrit – English – Bengali – Gujarati – Kannada – Malayalam – Odia – Telugu – Tamil