Vishveshvara Neeraajanam In Telugu – Telugu Shlokas

॥ Vishveshvara Neeraajanam Telugu Lyrics ॥

॥ విశ్వేశ్వర నీరాజనమ్ ॥
శివాయ నమః ॥

విశ్వేశ్వరనీరాజనమ్

సత్యం జ్ఞానం శుద్ధం పూర్ణం హౄది భాతం, వన్దే శమ్భుం శాన్తం మాయాగుణరహితమ్ ।
సాక్షిరూపం తత్త్వం విద్వద్భిర్గమ్యం, వేదైర్జ్ఞేయం నిత్యం గురుభక్తైర్వేద్యమ్ ।
ఔమ్ హర హర హర మహాదేవ ॥ ౧ ॥

దేవాన్ భీతాన్ దృష్ట్వా యః కృపయావిష్టో, విషపానమపి కౄత్వాఽసితకణ్ఠో జాతః ।
త్రిపురం విమిదే యుద్ధే దుర్భేద్యం సర్వైస్తం వన్దే సర్వేశం దేవైర్హృది ధ్యాతమ్ ।
ఔమ్ హర హర హర మహాదేవ ॥ ౨ ॥

విఘ్నవినాశనకర్తా భవతాం యస్తాతః పూజ్యో నిఖిలైర్దేవైర్దురితం హరతు నః ।
స్కన్దః పుత్రో బలవాన్ తారకాసురహన్తా స్వమాత్రే వరదాతా బ్రహ్మచర్యమ్ ధర్తా ।
ఔమ్ హర హర హర మహాదేవ ॥ ౩ ॥

దశముఖబాణప్రభృతయో భక్తాస్తే జాతాః, నాహం వక్తుం శక్తః పరిగణనం కృత్వా ।
యే దేవానామైశ్వర్యం స్వాధీనం చక్రుః తేషాం చిత్రం వీర్యం తవ కృపయా జాతమ్ ।
ఔమ్ హర హర హర మహాదేవ ॥ ౪ ॥

పూజాం కర్తుం విష్ణుర్నేత్రం త్వయి సమర్ప్య, రాజ్యం కురుతే జగతాం త్రయాణాం తవ దృష్ట్యా ।
యతీనాం హృదయే స్థిత్వా కామం నాశయితా, గఙ్గాధర శివ శఙ్కర గిరిజాధీశస్త్వమ్ ।
ఔమ్ హర హర హర మహాదేవ ॥ ౫ ॥

See Also  Lankeshwara Krita Shiva Stuti In English

సంహర్తృ శివరూపముగ్రం తవ ధ్యాత్వా భీతా దేవాఃసర్వే భక్తిం త్వయి చక్రుః ।
దుఃఖం దృష్ట్వా జగతి శరణం త్వాం యామో దేవానామపి దేవం మహాదేవం ప్రణుమః ।
ఔమ్ హర హర హర మహాదేవ – ౬ ॥

త్యక్త్వా ధర్మం బ్రహ్మా దుహితర్యాసక్తః, దణ్డం ప్రాప్తస్త్వత్తః పన్థానం నీతః ।
విద్యోపదేష్టుస్త్వత్తః సనకాద్యా భక్తాః, ఉపదేశం శృణ్వన్తి వైరాగ్యే సక్తాః ।
ఔమ్ హర హర హర మహాదేవ ॥ ౭ ॥

ప్రాణాన్తే వై కాశ్యాం ముక్తిం సర్వేభ్యో వేదపురాణైః కథితాం దదతే నిత్యం యః
సర్వజ్ఞం తమనాదిం స్తౌతి యో భక్త్యా, అర్థం కామం ధర్మం మోక్షం లభతే సః ।
ఔమ్ హర హర హర మహాదేవ ॥ ౮ ॥

ఇత్యచ్యుతానన్దగిరివిరచితం విశ్వేశ్వరనీరాజనం సంపూర్ణమ్ ॥

– Chant Stotra in Other Languages –

Vishveshvara Neeraajanam in EnglishKannadaMalayalam – Telugu