Yogaprada Ganesha Stotram In Telugu

॥ Yogaprada Ganesha Stotram Telugu Lyrics ॥

॥ యోగప్రద గణేశ స్తోత్రం (ముద్గల పురాణే) ॥
కపిల ఉవాచ ।
నమస్తే విఘ్నరాజాయ భక్తానాం విఘ్నహారిణే ।
అభక్తానాం విశేషేణ విఘ్నకర్త్రే నమో నమః ॥ ౧ ॥

ఆకాశాయ చ భూతానాం మనసే చామరేషు తే ।
బుద్ధ్యైరింద్రియవర్గేషు త్రివిధాయ నమో నమః ॥ ౨ ॥

దేహానాం బిందురూపాయ మోహరూపాయ దేహినామ్ ।
తయోరభేదభావేషు బోధాయ తే నమో నమః ॥ ౩ ॥

సాంఖ్యాయ వై విదేహానాం సంయోగానాం నిజాత్మనే ।
చతుర్ణాం పంచ మాయైవ సర్వత్ర తే నమో నమః ॥ ౪ ॥

నామరూపాత్మకానాం వై శక్తిరూపాయ తే నమః ।
ఆత్మనాం రవయే తుభ్యం హేరంబాయ నమో నమః ॥ ౫ ॥

ఆనందానాం మహావిష్ణురూపాయ నేతి ధారిణామ్ ।
శంకరాయ చ సర్వేషాం సంయోగే గణపాయ తే ॥ ౬ ॥

కర్మణాం కర్మయోగాయ జ్ఞానయోగాయ జానతామ్ ।
సమేషు సమరూపాయ లంబోదర నమోఽస్తు తే ॥ ౭ ॥

స్వాధీనానాం గణాధ్యక్ష సహజాయ నమో నమః ।
తేషామభేదభావేషు స్వానందాయ చ తే నమః ॥ ౮ ॥

నిర్మాయికస్వరూపాణామయోగాయ నమో నమః ।
యోగానాం యోగరూపాయ గణేశాయ నమో నమః ॥ ౯ ॥

శాంతియోగప్రదాత్రే తే శాంతియోగమయాయ చ ।
కిం స్తౌమి తత్ర దేవేశ అతస్త్వాం ప్రణమామ్యహమ్ ॥ ౧౦ ॥

See Also  Ghora Kashtodharana Stotram In Telugu

తతస్తం గణనాథో వై జగాద భక్తముత్తమమ్ ।
హర్షేణ మహతా యుక్తో హర్షయన్మునిసత్తమ ॥ ౧౧ ॥

శ్రీగణేశ ఉవాచ ।
త్వయా కృతం మదీయం యత్ స్తోత్రం యోగప్రదం భవేత్ ।
ధర్మార్థకామమోక్షాణాం దాయకం ప్రభవిష్యతి ॥ ౧౨ ॥

ఇతి శ్రీముద్గలపురాణే యోగప్రద గణేశ స్తోత్రం సమాప్తమ్ ॥

– Chant Stotra in Other Languages –

Sri Ganesha Stotram » Yogaprada Ganesha Stotram in Lyrics in Sanskrit » English » Kannada » Tamil