॥ Balambika Ashtakam Kannada Lyrics ॥
॥ ಶ್ರೀಬಾಲಾಮ್ಬಿಕಾಷ್ಟಕಮ್ ॥
ವೇಲಾತಿಲಂಘ್ಯಕರುಣೇ ವಿಬುಧೇನ್ದ್ರವನ್ದ್ಯೇ
ಲೀಲಾವಿನಿರ್ಮಿತಚರಾಚರಹೃನ್ನಿವಾಸೇ ।
ಮಾಲಾಕಿರೀಟಮಣಿಕುಂಡಲ ಮಂಡಿತಾಂಗೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 1 ॥
ಕಂಜಾಸನಾದಿ-ಮಣಿಮಂಜು-ಕಿರೀಟಕೋಟಿ-
ಪ್ರತ್ಯುಪ್ತರತ್ನ-ರುಚಿರಂಜಿತ-ಪಾದಪದ್ಮೇ ।
ಮಂಜೀರಮಂಜುಲವಿನಿರ್ಜಿತಹಂಸನಾದೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 2 ॥
ಪ್ರಾಲೇಯಭಾನುಕಲಿಕಾಕಲಿತಾತಿರಮ್ಯೇ
ಪಾದಾಗ್ರಜಾವಲಿವಿನಿರ್ಜಿತಮೌಕ್ತಿಕಾಭೇ ।
ಪ್ರಾಣೇಶ್ವರಿ ಪ್ರಮಥಲೋಕಪತೇಃ ಪ್ರಗಲ್ಭೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 3 ॥
ಜಂಘಾದಿಭಿರ್ವಿಜಿತಚಿತ್ತಜತೂಣಿಭಾಗೇ
ರಮ್ಭಾದಿಮಾರ್ದವಕರೀನ್ದ್ರಕರೋರುಯುಗ್ಮೇ ।
ಶಂಪಾಶತಾಧಿಕಸಮುಜ್ವಲಚೇಲಲೀಲೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 4 ॥
ಮಾಣಿಕ್ಯಮೌಕ್ತಿಕವಿನಿರ್ಮಿತಮೇಖಲಾಢ್ಯೇ
ಮಾಯಾವಿಲಗ್ನವಿಲಸನ್ಮಣಿ ಪಟ್ಟಬನ್ಧೇ ।
ಲೋಲಂಬರಾಜಿವಿಲಸನ್ನವರೋಮಜಾಲೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 5 ॥
ನ್ಯಗ್ರೋಧಪಲ್ಲವತಲೋದರನಿಮ್ನನಾಭೇ
ನಿರ್ಧೂತಹಾರವಿಲಸತ್ಕುಚಚಕ್ರವಾಕೇ ।
ನಿಷ್ಕಾದಿಮಂಜುಮಣಿಭೂಷಣಭೂಷಿತಾಂಗೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 6 ॥
ಕನ್ದರ್ಪಚಾಪಮದಭಂಗಕೃತಾತಿರಮ್ಯೇ
ಭ್ರೂವಲ್ಲರೀವಿವಿಧಚೇಷ್ಟಿತ ರಮ್ಯಮಾನೇ ।
ಕನ್ದರ್ಪಸೋದರಸಮಾಕೃತಿಫಾಲದೇಶೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 7 ॥
ಮುಕ್ತಾವಲೀವಿಲಸದೂರ್ಜಿತಕಮ್ಬುಕಂಠೇ
ಮನ್ದಸ್ಮಿತಾನನವಿನಿರ್ಜಿತಚನ್ದ್ರಬಿಮ್ಬೇ ।
ಭಕ್ತೇಷ್ಟದಾನನಿರತಾಮೃತಪೂರ್ಣದೃಷ್ಟೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 8 ॥
ಕರ್ಣಾವಲಮ್ಬಿಮಣಿಕುಂಡಲಗಂಡಭಾಗೇ
ಕರ್ಣಾನ್ತದೀರ್ಘನವನೀರಜಪತ್ರನೇತ್ರೇ ।
ಸ್ವರ್ಣಾಯಕಾದಿಮಣಿಮೌಕ್ತಿಕಶೋಭಿನಾಸೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 9 ॥
ಲೋಲಮ್ಬರಾಜಿಲಲಿತಾಲಕಜಾಲಶೋಭೇ
ಮಲ್ಲೀನವೀನಕಲಿಕಾನವಕುನ್ದಜಾಲೇ ।
ಬಾಲೇನ್ದುಮಂಜುಲಕಿರೀಟವಿರಾಜಮಾನೇ
ಬಾಲಾಮ್ಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ ॥ 10 ॥
ಬಾಲಾಮ್ಬಿಕೇ ಮಹಾರಾಜ್ಞೀ ವೈದ್ಯನಾಥಪ್ರಿಯೇಶ್ವರೀ ।
ಪಾಹಿ ಮಾಮಮ್ಬ ಕೃಪಯಾ ತ್ವತ್ಪಾದಂ ಶರಣಂ ಗತಃ ॥ 11 ॥
॥ ಇತಿ ಸ್ಕಾನ್ದೇ ವೈದ್ಯನಾಥಮಾಹಾತ್ಮ್ಯೇ ಶ್ರೀಬಾಲಾಮ್ಬಿಕಾಷ್ಟಕಸ್ತೋತ್ರಂ ಸಂಪೂರ್ಣಮ್ ॥
– Chant Stotra in Other Languages –
Goddess Durga Slokam » Sri Balambika Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil