॥ ShriramaSahasranamastotram Kannada Lyrics ॥
॥ ಶ್ರೀರಾಮಸಹಸ್ರನಾಮಸ್ತೋತ್ರಂ ಅನನ್ತಸುತಶ್ರೀದಿವಾಕರವಿರಚಿತಮ್ ॥
ಅನನ್ತಸುತಶ್ರೀದಿವಾಕರಘೈಸಾಸಶಾಸ್ತ್ರಿವಿರಚಿತಂ
ಪ್ರಜ್ಞಾಗೋದಾವರೀತೀರೇ ಚೇತಃಪರ್ಣಕುಟೀಕೃತೇ ।
ವೈದೇಹೀಶಕ್ತಿಸಂಯುಕ್ತಂ ತಪಸ್ಯಾಲಕ್ಷ್ಮಣದ್ವಯಮ್ ॥
ಪಂಚೇನ್ದ್ರಿಯಪಂಚವಟೀನಿವಾಸಸ್ಥಂ ಧನುರ್ಧರಮ್ ।
ಧ್ಯಾಯಾಮ್ಯಾತ್ಮಸ್ವರೂಪಂ ತಂ ರಾಘವಂ ಭಯನಾಶನಮ್ ॥
ವಾಲ್ಮೀಕಿ-ಭರದ್ವಾಜ-ದಿವಾಕರಾಃ ಋಷಯಃ, ಅನುಷ್ಟುಪ್ ಛನ್ದಃ,
ಶ್ರೀರಾಮಚನ್ದ್ರೋ ದೇವತಾ ।
ಪ್ರಾತರ್ಧ್ಯೇಯಃ ಸದಾಭದ್ರೋ ಭಯಭಂಜನಕೋವಿದಃ ಇತಿ ಬೀಜಮ್ ।
ಸೂಕ್ಷ್ಮಬುದ್ಧಿರ್ಮಹಾತೇಜಾ ಅನಾಸಕ್ತಃ ಪ್ರಿಯಾಹವಃ ಇತಿ ಶಕ್ತಿಃ ।
ವರ್ಧಿಷ್ಣುರ್ವಿಜಯೀ ಪ್ರಾಜ್ಞೋ ರಹಸ್ಯಜ್ಞೋ ವಿಮರ್ಶವಿದಿತಿ ಕೀಲಕಮ್ ।
ಶ್ರೀರಾಮಸಹಸ್ರನಾಮಸ್ತೋತ್ರಸ್ಯ ಜಪೇ ವಿನಿಯೋಗಃ ।
ಕದಾಚಿತ್ಪೂರ್ಣಸಂಕಲ್ಪೋ ವಾಲ್ಮೀಕಿಕವಿರಾತ್ಮವಾನ್।
ಧ್ಯಾಯನ್ ರಾಮಮುಪಾವಿಷ್ಟಃ ಸ್ವಾಶ್ರಮೇ ಶಾನ್ತಚೇತಸಾ ॥ 1 ॥
ಅಭಿಗಮ್ಯ ಭರದ್ವಾಜಸ್ತಮುವಾಚಾದರೇಣ ಭೋಃ ।
ಶ್ರುತಂ ದೃಷ್ಟಂ ಚ ಚರಿತಂ ರಾಮಚನ್ದ್ರಸ್ಯ ಪಾವನಮ್ ॥ 2 ॥
ಲಲಿತಂ ವಿಸ್ತರಂ ಸೌಮ್ಯಂ ಕಾರುಣ್ಯಮಧುರಂ ಶುಭಮ್ ।
ಸ್ಮೃತ್ವಾ ಸ್ವಾನನ್ದಭರಿತಂ ಹೃದಯಂ ಮೇ ಭವತ್ಯಹೋ ॥ 3 ॥
ತತ್ತಥಾ ಪ್ರಾಕೃತೈರ್ಲೋಕೈರ್ಯಥಾ ಸಾಂಗಂ ನ ಗೀಯತೇ ।
ಕಲೌ ಸ್ವಲ್ಪಾತ್ಮಧೈರ್ಯೇಭ್ಯೋ ದುರಾಪಸ್ತಂ ವಿಶೇಷತಃ ॥ 4 ॥
ಭವಾನ್ ಪ್ರಾತಿಭವಿದ್ಯಾಯಾಂ ಪ್ರವೀಣಃ ಪರಮಾರ್ಥತಃ ।
ತದ್ಬ್ರವೀತು ಹಿ ರಾಮಸ್ಯ ಸಂಕ್ಷೇಪೇಣ ಮಹಾಗುಣಾನ್ ॥ 5 ॥
ಕಿಂ ನಿತ್ಯಂ ಪಠನೀಯಂ ಕಿಂ ಸ್ವಲ್ಪಸಾರೈರ್ಜನೈಃ ಶ್ರುತಮ್ ।
ಭವೇತ್ಕಲ್ಯಾಣಕೃಲ್ಲೋಕೇ ಪ್ರೇರಣಾದಾಯಕಂ ತಥಾ ॥ 6 ॥
ತಚ್ಛ್ರುತ್ವಾ ಸಾದರಂ ವಾಕ್ಯಂ ವಾಲ್ಮೀಕಿಕವಿರಬ್ರವೀತ್ ।
ಶೃಣು ನಾಮಾನಿ ರಾಮಸ್ಯ ಸಹಸ್ರಣಿ ಯಥಾಕ್ರಮಮ್ ॥ 7 ॥
ಸ್ತೋತ್ರಮೇತತ್ಪಠಿತ್ವಾ ಹಿ ಭಕ್ತೋ ಜ್ಞಾಸ್ಯತಿ ಸರ್ವಥಾ ।
ರಾಘವಸ್ಯ ಗುಣಾನ್ ಮುಖ್ಯಾನ್ ಧ್ಯಾತ್ವಾ ಶಾನ್ತಿಂ ನಿಗಚ್ಛತಿ ॥ 8 ॥
ಅಥ ಸ್ತೋತ್ರಮ್ ।
ಓಂ ಆರ್ಯಶ್ರೇಷ್ಠೋ ಧರಾಪಾಲಃ ಸಾಕೇತಪುರಪಾಲಕಃ ।
ಏಕಬಾಣೋ ಧರ್ಮವೇತ್ತಾ ಸತ್ಯಸನ್ಧೋಽಪರಾಜಿತಃ ॥ 1 ॥
ಇಕ್ಷ್ವಾಕುಕುಲಸಮ್ಭೂತೋ ರಘುನಾಥಃ ಸದಾಶ್ರಯಃ ।
ಅಘಧ್ವಂಸೀ ಮಹಾಪುಣ್ಯೋ ಮನಸ್ವೀ ಮೋಹನಾಶನಃ ॥ 2 ॥
ಅಪ್ರಮೇಯೋ ಮಹಾಭಾಗಃ ಸೀತಾಸೌನ್ದರ್ಯವರ್ಧನಃ ।
ಅಹಲ್ಯೋದ್ಧಾರಕಃ ಶಾಸ್ತಾ ಕುಲದೀಪಃ ಪ್ರಭಾಕರಃ ॥ 3 ॥
ಆಪದ್ವಿನಾಶೀ ಗುಹ್ಯಜ್ಞಃ ಸೀತಾವಿರಹವ್ಯಾಕುಲಃ ।
ಅನ್ತರ್ಜ್ಞಾನೀ ಮಹಾಜ್ಞಾನೀ ಶುದ್ಧಸಂಜ್ಞೋಽನುಜಪ್ರಿಯಃ ॥ 4 ॥
ಅಸಾಧ್ಯಸಾಧಕೋ ಭೀಮೋ ಮಿತಭಾಷೀ ವಿದಾಂ ವರಃ ।
ಅವತೀರ್ಣಃ ಸಮುತ್ತಾರೋ ದಶಸ್ಯನ್ದನಮಾನದಃ ॥ 5 ॥
ಆತ್ಮಾರಾಮೋ ವಿಮಾನಾರ್ಹೋ ಹರ್ಷಾಮರ್ಷಸುಸಂಗತಃ ।
ಅಭಿಗಮ್ಯೋ ವಿಶಾಲಾತ್ಮಾ ವಿರಾಮಶ್ಚಿನ್ತನಾತ್ಮಕಃ ॥ 6 ॥
ಅದ್ವಿತೀಯೋ ಮಹಾಯೋಗೀ ಸಾಧುಚೇತಾಃ ಪ್ರಸಾದನಃ ।
ಉಗ್ರಶ್ರೀರನ್ತಕಸ್ತೇಜಸ್ತಾರಣೋ ಭೂರಿಸಂಗ್ರಹಃ ॥ 7 ॥
ಏಕದಾರಃ ಸತ್ತ್ವನಿಧಿಃ ಸನ್ನಿಧಿಃ ಸ್ಮೃತಿರೂಪವಾನ್ ।
ಉತ್ತಮಾಲಂಕೃತಃ ಕರ್ತಾ ಉಪಮಾರಹಿತಃ ಕೃತೀ ॥ 8 ॥
ಆಜಾನುಬಾಹುರಕ್ಷುಬ್ಧಃ ಕ್ಷುಬ್ಧಸಾಗರದರ್ಪಹಾ ।
ಆದಿತ್ಯಕುಲಸನ್ತಾನೋ ವಂಶೋಚಿತಪರಾಕ್ರಮಃ ॥ 9 ॥
ಅನುಕೂಲಃ ಸತಾಂ ಸದ್ಭಿರ್ಭಾವಬದ್ಧಕರೈಃ ಸ್ತುತಃ ।
ಉಪದೇಷ್ಟಾ ನೃಪೋತ್ಕೃಷ್ಟೋ ಭೂಜಾಮಾತಾ ಖಗಪ್ರಿಯಃ ॥ 10 ॥
ಓಜೋರಾಶಿರ್ನಿಧಿಃ ಸಾಕ್ಷಾತ್ಕ್ಷಣದೃಷ್ಟಾತ್ಮಚೇತನಃ ।
ಉಮಾಪರೀಕ್ಷಿತೋ ಮೂಕಃ ಸನ್ಧಿಜ್ಞೋ ರಾವಣಾನ್ತಕಃ ॥ 11 ॥
ಅಲೌಕಿಕೋ ಲೋಕಪಾಲಸ್ತ್ರೈಲೋಕ್ಯವ್ಯಾಪ್ತವೈಭವಃ ।
ಅನುಜಾಶ್ವಾಸಿತಃ ಶಿಷ್ಟೋ ವರಿಷ್ಠಶ್ಚಾಪಧಾರಿಷು ॥ 12 ॥
ಉದ್ಯಮೀ ಬುದ್ಧಿಮಾನ್ ಗುಪ್ತೋ ಯುಯುತ್ಸುಃ ಸರ್ವದರ್ಶನಃ ।
ಐಕ್ಷ್ವಾಕೋ ಲಕ್ಷ್ಯಣಪ್ರಾಣೋ ಲಕ್ಷ್ಮೀವಾನ್ ಭಾರ್ಗವಪ್ರಿಯಃ ॥ 13 ॥
ಇಷ್ಟದಃ ಸತ್ಯದಿದೃಕ್ಷುರ್ದಿಗ್ಜಯೀ ದಕ್ಷಿಣಾಯನಃ ।
ಅನನ್ಯವೃತ್ತಿರುದ್ಯೋಗೀ ಚನ್ದ್ರಶೇಖರಶಾನ್ತಿದಃ ॥ 14 ॥
ಅನುಜಾರ್ಥಸಮುತ್ಕಂಠಃ ಸುರತ್ರಾಣಃ ಸುರಾಕೃತಿಃ ।
ಅಶ್ವಮೇಧೀ ಯಶೋವೃದ್ಧಸ್ತರುಣಸ್ತಾರಣೇಕ್ಷಣಃ ॥ 15 ॥
ಅಪ್ರಾಕೃತಃ ಪ್ರತಿಜ್ಞಾತಾ ವರಪ್ರಾಪ್ತೋ ವರಪ್ರದಃ ।
ಅಭೂತಪೂರ್ವೋಽದ್ಭುತಧ್ಯೇಯೋ ರುದ್ರಪ್ರೇಮೀ ಸುಶೀತಲಃ ॥ 16 ॥
ಅನ್ತಃಸ್ಪೃಕ್ ಧನುಃಸ್ಪೃಕ್ಚೈವ ಭರತಾಪೃಷ್ಟಕೌಶಲಃ ।
ಆತ್ಮಸಂಸ್ಥೋ ಮನಃಸಂಸ್ಥಃ ಸತ್ತ್ವಸಂಸ್ಥೋ ರಣಸ್ಥಿತಃ ॥ 17 ॥
ಈರ್ಷ್ಯಾಹೀನೋ ಮಹಾಶಕ್ತಿಃ ಸೂರ್ಯವಂಶೀ ಜನಸ್ತುತಃ ।
ಆಸನಸ್ಥೋ ಬಾನ್ಧವಸ್ಥಃ ಶ್ರದ್ಧಾಸ್ಥಾನಂ ಗುಣಸ್ಥಿತಃ ॥ 18 ॥
ಇನ್ದ್ರಮಿತ್ರೋಽಶುಭಹರೋ ಮಾಯಾವಿಮೃಗಘಾತಕಃ ।
ಅಮೋಘೇಷುಃ ಸ್ವಭಾವಜ್ಞೋ ನಾಮೋಚ್ಚಾರಣಸಂಸ್ಮೃತಃ ॥ 19 ॥
ಅರಣ್ಯರುದನಾಕ್ರಾನ್ತೋ ಬಾಷ್ಪಸಂಕುಲಲೋಚನಃ ।
ಅಮೋಘಾಶೀರ್ವಚೋಽಮನ್ದೋ ವಿದ್ವದ್ವನ್ದ್ಯೋ ವನೇಚರಃ ॥ 20 ॥
ಇನ್ದ್ರಾದಿದೇವತಾತೋಷಃ ಸಂಯಮೀ ವ್ರತಧಾರಕಃ ।
ಅನ್ತರ್ಯಾಮೀ ವಿನಷ್ಟಾರಿರ್ದಮ್ಭಹೀನೋ ರವಿದ್ಯುತಿಃ ॥ 21 ॥
ಕಾಕುತ್ಸ್ಥೋ ಗಿರಿಗಮ್ಭೀರಸ್ತಾಟಕಾಪ್ರಾಣಕರ್ಷಣಃ ।
ಕನ್ದಮೂಲಾನ್ನಸನ್ತುಷ್ಟೋ ದಂಡಕಾರಣ್ಯಶೋಧನಃ ॥ 22 ॥
ಕರ್ತವ್ಯದಕ್ಷಃ ಸ್ನೇಹಾರ್ದ್ರಃ ಸ್ನೇಹಕೃತ್ಕಾಮಸುನ್ದರಃ ।
ಕೈಕೇಯೀಲೀನಪ್ರವೃತ್ತಿರ್ನಿವೃತ್ತಿರ್ನಾಮಕೀರ್ತಿತಃ ॥ 23 ॥
ಕಬನ್ಧಘ್ನೋ ಭಯತ್ರಾಣೋ ಭರದ್ವಾಜಕೃತಾದರಃ ।
ಕರುಣಃ ಪುರುಷಶ್ರೇಷ್ಠಃ ಪುರುಷಃ ಪರಮಾರ್ಥವಿತ್ ॥ 24 ॥
ಕೇವಲಃ ಸುತಸಂಗೀತಾಕರ್ಷಿತೋ ಋಷಿಸಂಗತಃ ।
ಕಾವ್ಯಾತ್ಮಾ ನಯವಿನ್ಮಾನ್ಯೋ ಮುಕ್ತಾತ್ಮಾ ಗುರುವಿಕ್ರಮಃ ॥ 25 ॥
ಕ್ರಮಜ್ಞಃ ಕರ್ಮಶಾಸ್ತ್ರಜ್ಞಃ ಸಮ್ಬನ್ಧಜ್ಞಃ ಸುಲಕ್ಷಃ ।
ಕಿಷ್ಕಿನ್ಧೇಶಹಿತಾಕಾಂಕ್ಷೀ ಲಘುವಾಕ್ಯವಿಶಾರದಃ ॥ 26 ॥
ಕಪಿಶ್ರೇಷ್ಠಸಮಾಯುಕ್ತಃ ಪ್ರಾಚೀನೋ ವಲ್ಕಲಾವೃತಃ ।
ಕಾಕಪ್ರೇರಿತಬ್ರಹ್ಮಾಸ್ತ್ರಃ ಸಪ್ತತಾಲವಿಭಂಜನಃ ॥ 27 ॥
ಕಪಟಜ್ಞಃ ಕಪಿಪ್ರೀತಃ ಕವಿಸ್ಫೂರ್ತಿಪ್ರದಾಯಕಃ ।
ಕಿಂವದನ್ತೀದ್ವಿಧಾವೃತ್ತಿರ್ನಿಧಾರಾದ್ರಿರ್ವಿಧಿಪ್ರಿಯಃ ॥ 28 ॥
ಕಾಲಮಿತ್ರಃ ಕಾಲಕರ್ತಾ ಕಾಲದಿಗ್ದರ್ಶಿತಾನ್ತವಿತ್ ।
ಕ್ರಾನ್ತದರ್ಶೀ ವಿನಿಷ್ಕ್ರಾನ್ತೋ ನೀತಿಶಾಸ್ತ್ರಪುರಃಸರಃ ॥ 29 ॥
ಕುಂಡಲಾಲಂಕೃತಶ್ರೋತ್ರೋ ಭ್ರಾನ್ತಿಹಾ ಭ್ರಮನಾಶಕಃ ।
ಕಮಲಾಯತಾಕ್ಷೋ ನೀರೋಗಃ ಸುಬದ್ಧಾಂಗೋ ಮೃದುಸ್ವನಃ ॥ 30 ॥
ಕ್ರವ್ಯಾದಘ್ನೋ ವದಾನ್ಯಾತ್ಮ ಸಂಶಯಾಪನ್ನಮಾನಸಃ ।
ಕೌಸಲ್ಯಾಕ್ರೋಡವಿಶ್ರಾಮಃ ಕಾಕಪಕ್ಷಧರಃ ಶುಭಃ ॥ 31 ॥
ಖಲಕ್ಷಯೋಽಖಿಲಶ್ರೇಷ್ಠಃ ಪೃಥುಖ್ಯಾತಿಪುರಸ್ಕೃತಃ ।
ಗುಹಕಪ್ರೇಮಭಾಗ್ದೇವೋ ಮಾನವೇಶೋ ಮಹೀಧರಃ ॥ 32 ॥
ಗೂಢಾತ್ಮಾ ಜಗದಾಧಾರಃ ಕಲತ್ರವಿರಹಾತುರಃ ।
ಗೂಢಾಚಾರೋ ನರವ್ಯಾಘ್ರೋ ಬುಧೋ ಬುದ್ಧಿಪ್ರಚೋದನಃ ॥ 33 ॥
ಗುಣಭೃದ್ಗುಣಸಂಘಾತಃ ಸಮಾಜೋನ್ನತಿಕಾರಣಃ ।
ಗೃಧ್ರಹೃದ್ಗತಸಂಕಲ್ಪೋ ನಲನೀಲಾಂಗದಪ್ರಿಯಃ ॥ 34 ॥
ಗೃಹಸ್ಥೋ ವಿಪಿನಸ್ಥಾಯೀ ಮಾರ್ಗಸ್ಥೋ ಮುನಿಸಂಗತಃ ।
ಗೂಢಜತ್ರುರ್ವೃಷಸ್ಕಂಘೋ ಮಹೋದಾರಃ ಶಮಾಸ್ಪದಃ ॥ 35 ॥
ಚಾರವೃತ್ತಾನ್ತಸನ್ದಿಷ್ಟೋ ದುರವಸ್ಥಾಸಹಃ ಸಖಾ ।
ಚತುರ್ದಶಸಹಸ್ರಘ್ನೋ ನಾನಾಸುರನಿಷೂದನಃ ॥ 36 ॥
ಚೈತ್ರೇಯಶ್ಚಿತ್ರಚರಿತಃ ಚಮತ್ಕಾರಕ್ಷಮೋಽಲಘುಃ ।
ಚತುರೋ ಬಾನ್ಧವೋ ಭರ್ತಾ ಗುರುರಾತ್ಮಪ್ರಬೋಧನಃ ॥ 37 ॥
ಜಾನಕೀಕಾನ್ತ ಆನನ್ದೋ ವಾತ್ಸಲ್ಯಬಹುಲಃ ಪಿತಾ ।
ಜಟಾಯುಸೇವಿತಃ ಸೌಮ್ಯೋ ಮುಕ್ತಿಧಾಮ ಪರನ್ತಪಃ ॥ 38 ॥
ಜನಸಂಗ್ರಹಕೃತ್ಸೂಕ್ಷ್ಮಶ್ಚರಣಾಶ್ರಿತಕೋಮಲಃ ।
ಜನಕಾನನ್ದಸಂಕಲ್ಪಃ ಸೀತಾಪೀರಣಯೋತ್ಸುಕಃ ॥ 39 ॥
ತಪಸ್ವೀ ದಂಡನಾಧಾರೋ ದೇವಾಸುರವಿಲಕ್ಷಣಃ ।
ತ್ರಿಬನ್ಧುರ್ವಿಜಯಾಕಾಂಕ್ಷೀ ಪ್ರತಿಜ್ಞಾಪಾರಗೋ ಮಹಾನ್ ॥ 40 ॥
ತ್ವರಿತೋ ದ್ವೇಷಹೀನೇಚ್ಛಃ ಸ್ವಸ್ಥಃ ಸ್ವಾಗತತತ್ಪರಃ ।
ಜನನೀಜನಸೌಜನ್ಯಃ ಪರಿವಾರಾಗ್ರಣೀರ್ಗುರುಃ ॥ 41 ॥
ತತ್ತ್ವವಿತ್ತತ್ತ್ವಸನ್ದೇಷ್ಟಾ ತತ್ತ್ವಾಚಾರೀ ವಿಚಾರವಾನ್ ।
ತೀಕ್ಷ್ಣಬಾಣಶ್ಚಾಪಪಾಣಿಃ ಸೀತಾಪಾಣಿಗ್ರಹೀ ಯುವಾ ॥ 42 ॥
ತೀಕ್ಷ್ಣಾಶುಗಃ ಸರಿತ್ತೀರ್ಣೋ ಲಂಘಿತೋಚ್ಚಮಹೀಧರಃ ।
ದೇವತಾಸಂಗತೋಽಸಂಗೋ ರಮಣೀಯೋ ದಯಾಮಯಃ ॥ 43 ॥
ದಿವ್ಯೋ ದೇದೀಪ್ಯಮಾನಾಭೋ ದಾರುಣಾರಿನಿಷೂದನಃ ।
ದುರ್ಧರ್ಷೋ ದಕ್ಷಿಣೋ ದಕ್ಷೋ ದೀಕ್ಷಿತೋಽಮೋಘವೀರ್ಯವಾನ್ ॥ 44 ॥
ದಾತಾ ದೂರಗತಾಖ್ಯಾತಿರ್ನಿಯನ್ತಾ ಲೋಕಸಂಶ್ರಯಃ ।
ದುಷ್ಕೀರ್ತಿಶಂಕಿತೋ ವೀರೋ ನಿಷ್ಪಾಪೋ ದಿವ್ಯದರ್ಶನಃ ॥ 45 ॥
ದೇಹಧಾರೀ ಬ್ರಹ್ಮವೇತ್ತಾ ವಿಜಿಗೀಷುರ್ಗುಣಾಕರಃ ।
ದೈತ್ಯಘಾತೀ ಬಾಣಪಾಣಿರ್ಬ್ರಹ್ಯಾಸ್ತ್ರಾಢ್ಯೋ ಗುಣಾನ್ವಿತಃ ॥ 46 ॥
ದಿವ್ಯಾಭರಣಲಿಪ್ತಾಂಗೋ ದಿವ್ಯಮಾಲ್ಯಸುಪೂಜಿತಃ ।
ದೈವಜ್ಞೋ ದೇವತಾರಾಧ್ಯೋ ದೇವಕಾರ್ಯಸಮುತ್ಸುಕಃ ॥ 47 ॥
ದೃಢಪ್ರತಿಜ್ಞೋ ದೀರ್ಘಾಯುರ್ದುಷ್ಟದಂಡನಪಂಡಿತಃ ।
ದಂಡಕಾರಣ್ಯಸಂಚಾರೀ ಚತುರ್ದಿಗ್ವಿಜಯೀ ಜಯಃ ॥ 48 ॥
ದಿವ್ಯಜನ್ಮಾ ಇನ್ದ್ರಿಯೇಶಃ ಸ್ವಲ್ಪಸನ್ತುಷ್ಟಮಾನಸಃ ।
ದೇವಸಮ್ಪೂಜಿತೋ ರಮ್ಯೋ ದೀನದುರ್ಬಲರಕ್ಷಕಃ ॥ 49 ॥
ದಶಾಸ್ಯಹನನೋಽದೂರಃ ಸ್ಥಾಣುಸದೃಶನಿಶ್ಚಯಃ ।
ದೋಷಹಾ ಸೇವಕಾರಾಮಃ ಸೀತಾಸನ್ತಾಪನಾಶನಃ ॥ 50 ॥
ದೂಷಣಘ್ನಃ ಖರಧ್ವಂಸೀ ಸಮಗ್ರನೃಪನಾಯಕಃ ।
ದುರ್ಧರೋ ದುರ್ಲಭೋ ದೀಪ್ತೋ ದುರ್ದಿನಾಹತವೈಭವಃ ॥ 51 ॥
ದೀನನಾಥೋ ದಿವ್ಯರಥಃ ಸಜ್ಜನಾತ್ಮಮನೋರಥಃ ।
ದಿಲೀಪಕುಲಸನ್ದೀಪೋ ರಘುವಂಶಸುಶೋಭನಃ ॥ 52 ॥
ದೀರ್ಘಬಾಹುರ್ದೂರದರ್ಶೀ ವಿಚಾರೀ ವಿಧಿಪಂಡಿತಃ ।
ಧನುರ್ಧರೋ ಧನೀ ದಾನ್ತಸ್ತಾಪಸೋ ನಿಯತಾತ್ಮವಾನ್ ॥ 53 ॥
ಧರ್ಮಸೇತುರ್ಧರ್ಮಮಾರ್ಗಃ ಸೇತುಬನ್ಧನಸಾಧನಃ ।
ಧರ್ಮೋದ್ಧಾರೋ ಮನೋರೂಪೋ ಮನೋಹಾರೀ ಮಹಾಧನಃ ॥ 54 ॥
ಧ್ಯಾತೃಧ್ಯೇಯಾತ್ಮಕೋ ಮಧ್ಯೋ ಮೋಹಲೋಭಪ್ರತಿಕ್ರಿಯಃ ।
ಧಾಮಮುಕ್ ಪುರಮುಗ್ವಕ್ತಾ ದೇಶತ್ಯಾಗೀ ಮುನಿವ್ರತೀ ॥ 55 ॥
ಧ್ಯಾನಶಕ್ತಿರ್ಧ್ಯಾನಮೂರ್ತಿರ್ಧ್ಯಾತೃರೂಪೋ ವಿಧಾಯಕಃ ।
ಧರ್ಮಾಭಿಪ್ರಾಯವಿಜ್ಞಾನೀ ದೃಢೋ ದುಃಸ್ವಪ್ನನಾಶನಃ ॥ 56 ॥
ಧುರನ್ಧರೋ ಧರಾಭರ್ತಾ ಪ್ರಶಸ್ತಃ ಪುಣ್ಯಬಾನ್ಧವಃ ।
ನೀಲಾಭೋ ನಿಶ್ಚಲೋ ರಾಜಾ ಕೌಸಲ್ಯೇಯೋ ರಘೂತ್ತಮಃ ॥ 57 ॥
ನೀಲನೀರಜಸಂಕಾಕಾಶಃ ಕರ್ಕಶೋ ವಿಷಕರ್ಷಣಃ ।
ನಿರನ್ತರಃ ಸಮಾರಾಧ್ಯಃ ಸೇನಾಧ್ಯಕ್ಷಃ ಸನಾತನಃ ॥ 58 ॥
ನಿಶಾಚರಭಯಾವರ್ತೋ ವರ್ತಮಾನಸ್ತ್ರಿಕಾಲವಿತ್ ।
ನೀತಿಜ್ಞೋ ರಾಜನೀತಿಜ್ಞೋ ಧರ್ಮನೀತಿಜ್ಞ ಆತ್ಮವಾನ್ ॥ 59 ॥
ನಾಯಕಃ ಸಾಯಕೋತ್ಸಾರೀ ವಿಪಕ್ಷಾಸುವಿಕರ್ಷಣಃ ।
ನೌಕಾಗಾಮೀ ಕುಶೇಶಾಯೀ ತಪೋಧಾಮಾರ್ತರಕ್ಷಣಃ ॥ 60 ॥
ನಿಃಸ್ಪೃಹಃ ಸ್ಪೃಹಣೀಯಶ್ರೀರ್ನಿಜಾನನ್ದೋ ವಿತನ್ದ್ರಿತಃ ।
ನಿತ್ಯೋಪಾಯೋ ವನೋಪೇತೋ ಗುಹಕಃ ಶ್ರೇಯಸಾಂ ನಿಧಿಃ ॥ 61 ॥
ನಿಷ್ಠಾವಾನ್ನಿಪುಣೋ ಧುರ್ಯೋ ಧೃತಿಮಾನುತ್ತಮಸ್ವರಃ ।
ನಾನಾಋಷಿಮಖಾಹೂತೋ ಯಜಮಾನೋ ಯಶಸ್ಕರಃ ॥ 62 ॥
ಮೈಥಿಲೀದೂಷಿತಾರ್ತಾನ್ತಃಕರಣೋ ವಿಬುಧಪ್ರಿಯಃ ।
ನಿತ್ಯಾನಿತ್ಯವಿವೇಕೀ ಸತ್ಕಾರ್ಯಸಜ್ಜಃ ಸದುಕ್ತಿಮಾನ್ ॥ 63 ॥
ಪುರುಷಾರ್ಥದರ್ಶಕೋ ವಾಗ್ಮೀ ಹನುಮತ್ಸೇವಿತಃ ಪ್ರಭುಃ ।
ಪ್ರೌಢಪ್ರಭಾವೋ ಭಾವಜ್ಞೋ ಭಕ್ತಾಧೀನೋ ಋಷಿಪ್ರಿಯಃ ॥ 64 ॥
ಪಾವನೋ ರಾಜಕಾರ್ಯಜ್ಞೋ ವಸಿಷ್ಠಾನನ್ದಕಾರಣಃ ।
ಪರ್ಣಗೇಹೀ ವಿಗೂಢಾತ್ಮಾ ಕೂಟಜ್ಞಃ ಕಮಲೇಕ್ಷಣಃ ॥ 65 ॥
ಪ್ರಿಯಾರ್ಹಃ ಪ್ರಿಯಸಂಕಲ್ಪಃ ಪ್ರಿಯಾಮೋದನಪಂಡಿತಃ ।
ಪರದುಃಖಾರ್ತಚೇತಾ ದುರ್ವ್ಯಸನೇಽಚಲನಿಶ್ಚಯಃ ॥ 66 ॥
ಪ್ರಮಾಣಃ ಪ್ರೇಮಸಂವೇದ್ಯೋ ಮುನಿಮಾನಸಚಿನ್ತನಃ ।
ಪ್ರೀತಿಮಾನ್ ಋತವಾನ್ ವಿದ್ವಾನ್ ಕೀರ್ತಿಮಾನ್ ಯುಗಧಾರಣಃ ॥ 67 ॥
ಪ್ರೇರಕಶ್ಚನ್ದ್ರವಚ್ಚಾರುರ್ಜಾಗೃತಃ ಸಜ್ಜಕಾರ್ಮುಕಃ ।
ಪೂಜ್ಯಃ ಪವಿತ್ರಃ ಸರ್ವಾತ್ಮಾ ಪೂಜನೀಯಃ ಪ್ರಿಯಂವದಃ ॥ 68 ॥
ಪ್ರಾಪ್ಯಃ ಪ್ರಾಪ್ತೋಽನವದ್ಯಃ ಸ್ವರ್ನಿಲಯೋ ನೀಲವಿಗ್ರಹೀ ।
ಪರತತ್ತ್ವಾರ್ಥಸನ್ಮೂರ್ತಿಃ ಸತ್ಕೃತಃ ಕೃತವಿದ್ವರಃ ॥ 69 ॥
ಪ್ರಸನ್ನಃ ಪ್ರಯತಃ ಪ್ರೀತಃ ಪ್ರಿಯಪ್ರಾಯಃ ಪ್ರತೀಕ್ಷಿತಃ ।
ಪಾಪಹಾ ಶಕ್ರದತ್ತಾಸ್ತ್ರಃ ಶಕ್ರದತ್ತರಥಸ್ಥಿತಃ ॥ 70 ॥
ಪ್ರಾತರ್ಧ್ಯೇಯಃ ಸದಾಭದ್ರೋ ಭಯಭಂಜನಕೋವಿದಃ ।
ಪುಣ್ಯಸ್ಮರಣಃ ಸನ್ನದ್ಧಃ ಪುಣ್ಯಪುಷ್ಟಿಪರಾಯಣಃ ॥ 71 ॥
ಪುತ್ರಯುಗ್ಮಪರಿಸ್ಪೃಷ್ಟೋ ವಿಶ್ವಾಸಃ ಶಾನ್ತಿವರ್ಧನಃ ।
ಪರಿಚರ್ಯಾಪರಾಮರ್ಶೀ ಭೂಮಿಜಾಪತಿರೀಶ್ವರಃ ॥ 72 ॥
ಪಾದುಕಾದೋಽನುಜಪ್ರೇಮೀ ಋಜುನಾಮಾಭಯಪ್ರದಃ ।
ಪುತ್ರಧರ್ಮವಿಶೇಷಜ್ಞಃ ಸಮರ್ಥಃ ಸಂಗರಪ್ರಿಯಃ ॥ 73 ॥
ಪುಷ್ಪವರ್ಷಾವಶುಭ್ರಾಂಗೋ ಜಯವಾನಮರಸ್ತುತಃ ।
ಪುಣ್ಯಶ್ಲೋಕಃ ಪ್ರಶಾನ್ತಾರ್ಚಿಶ್ಚನ್ದನಾಂಗವಿಲೇಪನಃ ॥ 74 ॥
ಪೌರಾನುರಂಜನಃ ಶುದ್ಧಃ ಸುಗ್ರೀವಕೃತಸಂಗತಿಃ ।
ಪಾರ್ಥಿವಃ ಸ್ವಾರ್ಥಸನ್ಯಾಸೀ ಸುವೃತ್ತಃ ಪರಚಿತ್ತವಿತ್ ॥
ಪುಷ್ಪಕಾರೂಢವೈದೇಹೀಸಂಲಾಪಸ್ನೇಹವರ್ಧನಃ ।
ಪಿತೃಮೋದಕರೋಽರೂಕ್ಷೋ ನಷ್ಟರಾಕ್ಷಸವಲ್ಗನಃ ॥ 76 ॥
ಪ್ರಾವೃಣ್ಮೇಘಸಮೋದಾರಃ ಶಿಶಿರಃ ಶತ್ರುಕಾಲನಃ ।
ಪೌರಾನುಗಮನೋಽವಧ್ಯೋ ವೈರಿವಿಧ್ವಂಸನವ್ರತೀ ॥ 77 ॥
ಪಿನಾಕಿಮಾನಸಾಹ್ಲಾದೋ ವಾಲುಕಾಲಿಂಗಪೂಜಕಃ ।
ಪುರಸ್ಥೋ ವಿಜನಸ್ಥಾಯೀ ಹೃದಯಸ್ಥೋ ಗಿರಿಸ್ಥಿತಃ ॥ 78 ॥
ಪುಣ್ಯಸ್ಪರ್ಶಃ ಸುಖಸ್ಪರ್ಶಃ ಪದಸಂಸ್ಪೃಷ್ಟಪ್ರಸ್ತರಃ ।
ಪ್ರತಿಪನ್ನಸಮಗ್ರಶ್ರೀಃ ಸತ್ಪ್ರಪನ್ನಃ ಪ್ರತಾಪವಾನ್ ॥ 79 ॥
ಪ್ರಣಿಪಾತಪ್ರಸನ್ನಾತ್ಮಾ ಚನ್ದನಾದ್ಭುತಶೀತಲಃ ।
ಪುಣ್ಯನಾಮಸ್ಮೃತೋ ನಿತ್ಯೋ ಮನುಜೋ ದಿವ್ಯತಾಂ ಗತಃ ॥ 80 ॥
ಬನ್ಧಚ್ಛೇದೀ ವನಚ್ಛನ್ದಃ ಸ್ವಚ್ಛನ್ದಶ್ಛಾದನೋ ಧ್ರುವಃ ।
ಬನ್ಧುತ್ರಯಸಮಾಯುಕ್ತೋ ಹೃನ್ನಿಧಾನೋ ಮನೋಮಯಃ ॥ 81 ॥
ವಿಭೀಷಣಶರಣ್ಯಃ ಶ್ರೀಯುಕ್ತಃ ಶ್ರೀವರ್ಧನಃ ಪರಃ ।
ಬನ್ಧುನಿಕ್ಷಿಪ್ತರಾಜ್ಯಸ್ವಃ ಸೀತಾಮೋಚನಧೋರಣೀ ॥ 82 ॥
ಭವ್ಯಭಾಲಃ ಸಮುನ್ನಾಸಃ ಕಿರೀಟಾಂಕಿತಮಸ್ತಕಃ ।
ಭವಾಬ್ಧಿತರಣೋ ಬೋಧೋ ಧನಮಾನವಿಲಕ್ಷಣಃ ॥ 83 ॥
ಭೂರಿಭೃದ್ಭವ್ಯಸಂಕಲ್ಪೋ ಭೂತೇಶಾತ್ಮಾ ವಿಬೋಧನಃ ।
ಭಕ್ತಚಾತಕಮೇಘಾರ್ದ್ರೋ ಮೇಧಾವೀ ವರ್ಧಿತಶ್ರುತಿಃ ॥ 84 ॥
ಭಯನಿಷ್ಕಾಸನೋಽಜೇಯೋ ನಿರ್ಜರಾಶಾಪ್ರಪೂರಕಃ ।
ಭವಸಾರೋ ಭಾವಸಾರೋ ಭಕ್ತಸರ್ವಸ್ವರಕ್ಷಕಃ ॥ 85 ॥
ಭಾರ್ಗವೌಜಾಃ ಸಮುತ್ಕರ್ಷೋ ರಾವಣಸ್ವಸೃಮೋಹನಃ ।
ಭರತನ್ಯಸ್ತರಾಜ್ಯಶ್ರೀರ್ಜಾನಕೀಸುಖಸಾಗರಃ ॥ 86 ॥
ಮಿಥಿಲೇಶ್ವರಜಾಮಾತಾ ಜಾನಕೀಹೃದಯೇಶ್ವರಃ ।
ಮಾತೃಭಕ್ತೋ ಹ್ಯನನ್ತಶ್ರೀಃ ಪಿತೃಸನ್ದಿಷ್ಟಕರ್ಮಕೃತ್ ॥ 87 ॥
ಮರ್ಯಾದಾಪುರುಷಃ ಶಾನ್ತಃ ಶ್ಯಾಮೋ ನೀರಜಲೋಚನಃ ।
ಮೇಘವರ್ಣೋ ವಿಶಾಲಾಕ್ಷಃ ಶರವರ್ಷಾವಭೀಷಣಃ ॥ 88 ॥
ಮನ್ತ್ರವಿದ್ಗಾಧಿಜಾದಿಷ್ಟೋ ಗೌತಮಾಶ್ರಮಪಾವನಃ ।
ಮಧುರೋಽಮನ್ದಗಃ ಸತ್ತ್ವಃ ಸಾತ್ತ್ವಿಕೋ ಮೃದುಲೋ ಬಲೀ ॥ 89 ॥
ಮನ್ದಸ್ಮಿತಮುಖೋಽಲುಬ್ಧೋ ವಿಶ್ರಾಮಃ ಸುಮನೋಹರಃ ।
ಮಾನವೇನ್ದ್ರಃ ಸಭಾಸಜ್ಜೋ ಘನಗಮ್ಭೀರಗರ್ಜನಃ ॥ 90 ॥
ಮೈಥಿಲೀಮೋಹನೋ ಮಾನೀ ಗರ್ವಘ್ನಃ ಪುಣ್ಯಪೋಷಣಃ ।
ಮಧುಜೋ ಮಧುರಾಕಾರೋ ಮಧುವಾಙ್ಮಧುರಾನನಃ ॥ 91 ॥
ಮಹಾಕರ್ಮಾ ವಿರಾಧಘ್ನೋ ವಿಘ್ನಶಾನ್ತಿರರಿನ್ದಮಃ ।
ಮರ್ಮಸ್ಪರ್ಶೀ ನವೋನ್ಮೇಷಃ ಕ್ಷತ್ರಿಯಃ ಪುರುಷೋತ್ತಮಃ ॥ 92 ॥
ಮಾರೀಚವಂಚಿತೋ ಭಾರ್ಯಾಪ್ರಿಯಕೃತ್ಪ್ರಣಯೋತ್ಕಟಃ ।
ಮಹಾತ್ಯಾಗೀ ರಥಾರೂಢಃ ಪದಗಾಮೀ ಬಹುಶ್ರುತಃ ॥ 93 ॥
ಮಹಾವೇಗೋ ಮಹಾವೀರ್ಯೋ ವೀರೋ ಮಾತಲಿಸಾರಥಿಃ ।
ಮಖತ್ರಾತಾ ಸದಾಚಾರೀ ಹರಕಾರ್ಮುಕಭಂಜನಃ ॥ 94 ॥
ಮಹಾಪ್ರಯಾಸಃ ಪ್ರಾಮಾಣ್ಯಗ್ರಾಹೀ ಸರ್ವಸ್ವದಾಯಕಃ ।
ಮುನಿವಿಘ್ನಾನ್ತಕಃ ಶಸ್ತ್ರೀ ಶಾಪಸಮ್ಭ್ರಾನ್ತಲೋಚನಃ ॥ 95 ॥
ಮಲಹಾರೀ ಕಲಾವಿಜ್ಞೋ ಮನೋಜ್ಞಃ ಪರಮಾರ್ಥವಿತ್ ।
ಮಿತಾಹಾರೀ ಸಹಿಷ್ಣುರ್ಭೂಪಾಲಕಃ ಪರವೀರಹಾ ॥ 96 ॥
ಮಾತೃಸ್ನೇಹೀ ಸುತಸ್ನೇಹೀ ಸ್ನಿಗ್ಧಾಂಗಃ ಸ್ನಿಗ್ಧದರ್ಶನಃ ।
ಮಾತೃಪಿತೃಪದಸ್ಪರ್ಶೀ ಅಶ್ಮಸ್ಪರ್ಶೀ ಮನೋಗತಃ ॥ 97 ॥
ಮೃದುಸ್ಪರ್ಶ ಇಷುಸ್ಪರ್ಶೀ ಸೀತಾಸಮ್ಮಿತವಿಗ್ರಹಃ ।
ಮಾತೃಪ್ರಮೋದನೋ ಜಪ್ಯೋ ವನಪ್ರಸ್ಥಃ ಪ್ರಗಲ್ಭಧೀಃ ॥ 98 ॥
ಯಜ್ಞಸಂರಕ್ಷಣಃ ಸಾಕ್ಷೀ ಆಧಾರೋ ವೇದವಿನ್ನೃಪಃ ।
ಯೋಜನಾಚತುರಃ ಸ್ವಾಮೀ ದೀರ್ಘಾನ್ವೇಷೀ ಸುಬಾಹುಹಾ ॥ 99 ॥
ಯುಗೇನ್ದ್ರೋ ಭಾರತಾದರ್ಶಃ ಸೂಕ್ಷ್ಮದರ್ಶೀ ಋಜುಸ್ವನಃ ।
ಯದೃಚ್ಛಾಲಾಭಲಘ್ವಾಶೀ ಮನ್ತ್ರರಶ್ಮಿಪ್ರಭಾಕರಃ ॥ 100 ॥
ಯಜ್ಞಾಹೂತನೃಪವೃನ್ದೋ ಋಕ್ಷವಾನರಸೇವಿತಃ ।
ಯಜ್ಞದತ್ತೋ ಯಜ್ಞಕರ್ತಾ ಯಜ್ಞವೇತ್ತಾ ಯಶೋಮಯಃ ॥ 101 ॥
ಯತೇನ್ದ್ರಿಯೋ ಯತೀ ಯುಕ್ತೋ ರಾಜಯೋಗೀ ಹರಪ್ರಿಯಃ ।
ರಾಘವೋ ರವಿವಂಶಾಢ್ಯೋ ರಾಮಚನ್ದ್ರೋಽರಿಮರ್ದನಃ ॥ 1 0 2 ॥
ರುಚಿರಶ್ಚಿರಸನ್ಧೇಯಃ ಸಂಘರ್ಷಜ್ಞೋ ನರೇಶ್ವರಃ ।
ರುಚಿರಸ್ಮಿತಶೋಭಾಡ್ಯೋ ದೃಢೋರಸ್ಕೋ ಮಹಾಭುಜಃ ॥ 103 ॥
ರಾಜ್ಯಹೀನಃ ಪುರತ್ಯಾಗೀ ಬಾಷ್ಪಸಂಕುಲಲೋಚನಃ ।
ಋಷಿಸಮ್ಮಾನಿತಃ ಸೀಮಾಪಾರೀಣೋ ರಾಜಸತ್ತಮಃ ॥ 104 ॥
ರಾಮೋ ದಾಶರಥಿಃ ಶ್ರೇಯಾನ್ ಪರಮಾತ್ಮಸಮೋ ಭುವಿ ।
ಲಂಕೇಶಕ್ಷೋಭಣೋ ಧನ್ಯಶ್ಚೇತೋಹಾರೀ ಸ್ವಯನ್ಧನಃ ॥ 105 ॥
ಲಾವಣ್ಯಖನಿರಾಖ್ಯಾತಃ ಪ್ರಮುಖಃ ಕ್ಷತ್ರರಕ್ಷಣಃ ।
ಲಂಕಾಪತಿಭಯೋದ್ರೇಕಃ ಸುಪುತ್ರೋ ವಿಮಲಾನ್ತರಃ ॥ 106 ॥
ವಿವೇಕೀ ಕೋಮಲಃ ಕಾನ್ತಃ ಕ್ಷಮಾವಾನ್ ದುರಿತಾನ್ತಕಃ ।
ವನವಾಸೀ ಸುಖತ್ಯಾಗೀ ಸುಖಕೃತ್ಸುನ್ದರೋ ವಶೀ ॥ 107 ॥
ವಿರಾಗೀ ಗೌರವೋ ಧೀರಃ ಶೂರೋ ರಾಕ್ಷಸಘಾತಕಃ ।
ವರ್ಧಿಷ್ಣುರ್ವಿಜಯೀ ಪ್ರಾಜ್ಞೋ ರಹಸ್ಯಜ್ಞೋ ವಿಮರ್ಶವಿತ್ ॥ 108 ॥
ವಾಲ್ಮೀಕಿಪ್ರತಿಭಾಸ್ರೋತಃ ಸಾಧುಕರ್ಮಾ ಸತಾಂ ಗತಿಃ ।
ವಿನಯೀ ನ್ಯಾಯವಿಜ್ಞಾತಾ ಪ್ರಜಾರಂಜನಧರ್ಮವಿತ್ ॥ 109 ॥
ವಿಮಲೋ ಮತಿಮಾನ್ನೇತಾ ನೇತ್ರಾನನ್ದಪ್ರದಾಯಕಃ ।
ವಿನೀತೋ ವೃದ್ಧಸೌಜನ್ಯೋ ವೃಕ್ಷಭಿತ್ ಚೇತಸಾ ಋಜುಃ ॥ 110 ॥
ವತ್ಸಲೋ ಮಿತ್ರಹೃನ್ಮೋದಃ ಸುಗ್ರೀವಹಿತಕೃದ್ವಿಭುಃ ।
ವಾಲಿನಿರ್ದಲನೋಽಸಹ್ಯೋ ಋಕ್ಷಸಾಹ್ಯೋ ಮಹಾಮತಿಃ ॥ 111 ॥
ವೃಕ್ಷಾಲಿಂಗನಲೀಲಾವಿನ್ಮುನಿಮೋಕ್ಷಪಟುಃ ಸುಧೀಃ ।
ವರೇಣ್ಯಃ ಪರಮೋದ್ಯೋಗೋ ನಿಗ್ರಹೀ ಚಿರವಿಗ್ರಹೀ ॥ 112 ॥
ವಾಸವೋಪಮಸಾಮರ್ಥ್ಯೋ ಜ್ಯಾಸಂಘಾತೋಗ್ರನಿಃಸ್ವನಃ ।
ವಿಶ್ವಾಮಿತ್ರಪರಾಮೃಷ್ಟಃ ಪೂರ್ಣೋ ಬಲಸಮಾಯುತಃ ॥ 113 ॥
ವೈದೇಹೀಪ್ರಾಣಸನ್ತೋಷಃ ಶರಣಾಗತವತ್ಸಲಃ ।
ವಿನಮ್ರಃ ಸ್ವಾಭಿಮಾನಾರ್ಹಃ ಪರ್ಣಶಾಲಾಸಮಾಶ್ರಿತಃ ॥ 114 ॥
ವೃತ್ತಗಂಡಃ ಶುಭ್ರದನ್ತೀ ಸಮಭ್ರೂದ್ವಯಶೋಭಿತಃ ।
ವಿಕಸತ್ಪಂಕಜಾಭಾಸ್ಯಃ ಪ್ರೇಮದೃಷ್ಟಿಃ ಸುಲೋಚನಃ ॥ 115 ॥
ವೈಷ್ಣವೋ ನರಶಾರ್ದೂಲೋ ಭಗವಾನ್ ಭಕ್ತರಕ್ಷಣಃ ।
ವಸಿಷ್ಠಪ್ರಿಯಶಿಷ್ಯಶ್ಚಿತ್ಸ್ವರೂಪಶ್ಚೇತನಾತ್ಮಕಃ ॥ 116 ॥
ವಿವಿಧಾಪತ್ಪರಾಕ್ರಾನ್ತೋ ವಾನರೋತ್ಕರ್ಷಕಾರಣಃ ।
ವೀತರಾಗೀ ಶರ್ಮದಾಯೀ ಮುನಿಮನ್ತವ್ಯಸಾಧನಃ ॥ 117 ॥
ವಿರಹೀ ಹರಸಂಕಲ್ಪೋ ಹರ್ಷೋತ್ಫುಲ್ಲವರಾನನಃ ।
ವೃತ್ತಿಜ್ಞೋ ವ್ಯವಹಾರಜ್ಞಃ ಕ್ಷೇಮಕಾರೀ ಪೃಧುಪ್ರಭಃ ॥ 118 ॥
ವಿಪ್ರಪ್ರೇಮೀ ವನಕ್ರಾನ್ತಃ ಫಲಭುಕ್ ಫಲದಾಯಕಃ ।
ವಿಪನ್ಮಿತ್ರಂ ಮಹಾಮನ್ತ್ರಃ ಶಕ್ತಿಯುಕ್ತೋ ಜಟಾಧರಃ ॥ 119 ॥
ವ್ಯಾಯಾಮವ್ಯಾಯತಾಕಾರೋ ವಿದಾಂ ವಿಶ್ರಾಮಸಮ್ಭವಃ ।
ವನ್ಯಮಾನವಕಲ್ಯಾಣಃ ಕುಲಾಚಾರವಿಚಕ್ಷಣಃ ॥ 120 ॥
ವಿಪಕ್ಷೋರಃಪ್ರಹಾರಜ್ಞಶ್ಚಾಪಧಾರಿಬಹೂಕೃತಃ ।
ವಿಪಲ್ಲಂಘೀ ಘನಶ್ಯಾಮೋ ಘೋರಕೃದ್ರಾಕ್ಷಸಾಸಹಃ ॥ 121 ॥
ವಾಮಾಂಕಾಶ್ರಯಿಣೀಸೀತಾಮುಖದರ್ಶನತತ್ಪರಃ ।
ವಿವಿಧಾಶ್ರಮಸಮ್ಪೂಜ್ಯಃ ಶರಭಂಗಕೃತಾದರಃ ॥ 122 ॥
ವಿಷ್ಣುಚಾಪಧರಃ ಕ್ಷತ್ರೋ ಧನುರ್ಧರಶಿರೋಮಣಿಃ ।
ವನಗಾಮೀ ಪದತ್ಯಾಗೀ ಪಾದಚಾರೀ ವ್ರತಸ್ಥಿತಃ ॥ 123 ॥
ವಿಜಿತಾಶೋ ಮಹಾವೀರೋ ದಾಕ್ಷಿಣ್ಯನವನಿರ್ಝರಃ ।
ವಿಷ್ಣುತೇಜೋಂಽಸಸಮ್ಭೂತಃ ಸತ್ಯಪ್ರೇಮೀ ದೃಢವ್ರತಃ ॥ 124 ॥
ವಾನರಾರಾಮದೋ ನಮ್ರೋ ಮೃದುಭಾಷೀ ಮಹಾಮನಾಃ ।
ಶತ್ರುಹಾ ವಿಘ್ನಹನ್ತಾ ಸಲ್ಲೋಕಸಮ್ಮಾನತತ್ಪರಃ ॥ 125 ॥
ಶತ್ರುಘ್ನಾಗ್ರಜನಿಃ ಶ್ರೀಮಾನ್ ಸಾಗರಾದರಪೂಜಕಃ ।
ಶೋಕಕರ್ತಾ ಶೋಕಹರ್ತಾ ಶೀಲವಾನ್ ಹೃದಯಂಗಮಃ ॥ 126 ॥
ಶುಭಕೃಚ್ಛುಭಸಂಕಲ್ಪಃ ಕೃತಾನ್ತೋ ದೃಢಸಂಗರಃ ।
ಶೋಕಹನ್ತಾ ವಿಶೇಷಾರ್ಹಃ ಶೇಷಸಂಗತಜೀವನಃ ॥ 127 ॥ ।
ಶತ್ರುಜಿತ್ಸರ್ವಕಲ್ಯಾಣೋ ಮೋಹಜಿತ್ಸರ್ವಮಂಗಲಃ ।
ಶಮ್ಬೂಕವಧಕೋಽಭೀಷ್ಟೋ ಯುಗಧರ್ಮಾಗ್ರಹೀ ಯಮಃ ॥ 128 ॥
ಶಕ್ತಿಮಾನ್ ರಣಮೇಧಾವೀ ಶ್ರೇಷ್ಠಃ ಸಾಮರ್ಥ್ಯಸಂಯುತಃ ।
ಶಿವಸ್ವಃ ಶಿವಚೈತನ್ಯಃ ಶಿವಾತ್ಮಾ ಶಿವಬೋಧನಃ ॥ 129 ॥
ಶಬರೀಭಾವನಾಮುಗ್ಧಃ ಸರ್ವಮಾರ್ದವಸುನ್ದರಃ ।
ಶಮೀ ದಮೀ ಸಮಾಸೀನಃ ಕರ್ಮಯೋಗೀ ಸುಸಾಧಕಃ ॥ 130 ॥
ಶಾಕಭುಕ್ ಕ್ಷೇಪಣಾಸ್ತ್ರಜ್ಞೋ ನ್ಯಾಯರೂಪೋ ನೃಣಾಂ ವರಃ ।
ಶೂನ್ಯಾಶ್ರಮಃ ಶೂನ್ಯಮನಾಃ ಲತಾಪಾದಪಪೃಚ್ಛಕಃ ॥ 131 ॥
ಶಾಪೋಕ್ತಿರಹಿತೋದ್ಗಾರೋ ನಿರ್ಮಲೋ ನಾಮಪಾವನಃ ।
ಶುದ್ಧಾನ್ತಃಕರಣಃ ಪ್ರೇಷ್ಠೋ ನಿಷ್ಕಲಂಕೋಽವಿಕಮ್ಪನಃ ॥ 132 ॥
ಶ್ರೇಯಸ್ಕರಃ ಪೃಧುಸ್ಕನ್ಧೋ ಬನ್ಧನಾಸಿಃ ಸುರಾರ್ಚಿತಃ ।
ಶ್ರದ್ಧೇಯಃ ಶೀಲಸಮ್ಪನ್ನಃ ಸುಜನಃ ಸಜ್ಜನಾನ್ತಿಕಃ ॥ 133 ॥
ಶ್ರಮಿಕಃ ಶ್ರಾನ್ತವೈದೇಹೀವಿಶ್ರಾಮಃ ಶ್ರುತಿಪಾರಗಃ ।
ಶ್ರದ್ಧಾಲುರ್ನೀತಿಸಿದ್ಧಾನ್ತೀ ಸಭ್ಯಃ ಸಾಮಾನ್ಯವತ್ಸಲಃ ॥ 134 ॥
ಸುಮಿತ್ರಾಸುತಸೇವಾರ್ಥೀ ಭರತಾದಿಷ್ಟವೈಭವಃ ।
ಸಾಧ್ಯಃ ಸ್ವಾಧ್ಯಾಯವಿಜ್ಞೇಯಃ ಶಬ್ದಪಾಲಃ ಪರಾತ್ಪರಃ ॥ 135 ॥
ಸಂಜೀವನೋ ಜೀವಸಖಾ ಧನುರ್ವಿದ್ಯಾವಿಶಾರದಃ ।
ಸೂಕ್ಷ್ಮಬುದ್ಧಿರ್ಮಹಾತೇಜಾಃ ಅನಾಸಕ್ತಃ ಪ್ರಿಯಾವಹಃ ॥ 136 ॥
ಸಿದ್ಧಃ ಸರ್ವಾಂಗಸಮ್ಪೂರ್ಣಃ ಕಾರುಣ್ಯಾರ್ದ್ರಪಯೋನಿಧಿಃ ।
ಸುಶೀಲಃ ಶಿವಚಿತ್ತಜ್ಞಃ ಶಿವಧ್ಯೇಯಃ ಶಿವಾಸ್ಪದಃ ॥ 137 ॥
ಸಮದರ್ಶೀ ಧನುರ್ಭಂಗೀ ಸಂಶಯೋಚ್ಛೇದನಃ ಶುಚಿಃ ।
ಸತ್ಯವಾದೀ ಕಾರ್ಯವಾಹಶ್ಚೈತನ್ಯಃ ಸುಸಮಾಹಿತಃ ॥ 138 ॥
ಸನ್ಮಿತ್ರೋ ವಾಯುಪುತ್ರೇಶೋ ವಿಭೀಷಣಕೃತಾನತಿಃ ।
ಸಗುಣಃ ಸರ್ವಥಾಽಽರಾಮೋ ನಿರ್ದ್ವನ್ದ್ವಃ ಸತ್ಯಮಾಸ್ಥಿತಃ ॥ 139 ॥
ಸಾಮಕೃದ್ದಂಡವಿದ್ದಂಡೀ ಕೋದಂಡೀ ಚಂಡವಿಕ್ರಮಃ ।
ಸಾಧುಕ್ಷೇಮೋ ರಣಾವೇಶೀ ರಣಕರ್ತಾ ದಯಾರ್ಣವಃ ॥ 140 ॥
ಸತ್ತ್ವಮೂರ್ತಿಃ ಪರಂಜ್ಯೋತಿಃ ಜ್ಯೇಷ್ಠಪುತ್ರೋ ನಿರಾಮಯಃ ।
ಸ್ವಕೀಯಾಭ್ಯನ್ತರಾವಿಷ್ಟೋಽವಿಕಾರೀ ನಭಸನ್ದೃಶಃ ॥ 141 ॥
ಸರಲಃ ಸಾರಸರ್ವಸ್ವಃ ಸತಾಂ ಸಂಕಲ್ಪಸೌರಭಃ ।
ಸುರಸಂಘಸಮುದ್ಧರ್ತಾ ಚಕ್ರವರ್ತೀ ಮಹೀಪತಿಃ ॥ 142 ॥
ಸುಜ್ಞಃ ಸ್ವಭಾವವಿಜ್ಞಾನೀ ತಿತಿಕ್ಷುಃ ಶತ್ರುತಾಪನಃ ।
ಸಮಾಧಿಸ್ಥಃ ಶಸ್ತ್ರಸಜ್ಜಃ ಪಿತ್ರಾಜ್ಞಾಪಾಲನಪ್ರಿಯಃ ॥ 143 ॥
ಸಮಕರ್ಣಃ ಸುವಾಕ್ಯಜ್ಞೋ ಗನ್ಧರೇಖಿತಭಾಲಕಃ ।
ಸ್ಕನ್ಧಸ್ಥಾಪಿತತೂಣೀರೋ ಧನುರ್ಧಾರಣಧೋರಣೀ ॥ 144 ॥
ಸರ್ವಸಿದ್ಧಿಸಮಾವೇಶೋ ವೀರವೇಷೋ ರಿಪುಕ್ಷಯಃ ।
ಸಂಕಲ್ಪಸಾಧಕೋಽಕ್ಲಿಷ್ಟೋ ಘೋರಾಸುರವಿಮರ್ದನಃ ॥ 145 ॥
ಸಮುದ್ರಪಾರಗೋ ಜೇತಾ ಜಿತಕ್ರೋಧೋ ಜನಪ್ರಿಯಃ ।
ಸಂಸ್ಕೃತಃ ಸುಷಮಃ ಶ್ಯಾಮಃ ಸಮುತ್ಕ್ರಾನ್ತಃ ಸದಾ ಶುಚಿಃ ॥ 146 ॥
ಸದ್ಧರ್ಮಪ್ರೇರಕೋ ಧರ್ಮೋ ಧರ್ಮಸಂರಕ್ಷಣೋತ್ಸುಕಃ ।
ಭಯನಿಷ್ಕಾಸನೇ ನಃ ಸ ಸಮ್ಭವೇತ್ಪುನರಾತ್ಮನಿ ॥ 147 ॥
॥ ಇತಿ ಶ್ರೀಅನನ್ತಸುತ ಶ್ರೀದಿವಾಕರವಿರಚಿತಂ
ಶ್ರೀರಾಮಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥