॥ Shakambari Ashtakam Telugu Lyrics ॥
॥ శ్రీశాకమ్భర్యష్టకమ్ ॥
శక్తిః శామ్భవవిశ్వరూపమహిమా మాఙ్గల్యముక్తామణి-
ర్ఘణ్టా శూలమసిం లిపిం చ దధతీం దక్షైశ్చతుర్భిః కరైః ।
వామైర్బాహుభిరర్ఘ్యశేషభరితం పాత్రం చ శీర్షం తథా
చక్రం ఖేటకమన్ధకారిదయితా త్రైలోక్యమాతా శివా ॥ ౧ ॥
దేవీ దివ్యసరోజపాదయుగలే మఞ్జుక్వణన్నూపురా
సింహారూఢకలేవరా భగవతీ వ్యాఘ్రామ్బరావేష్టితా ।
వైడూర్యాదిమహార్ఘరత్నవిలసన్నక్షత్రమాలోజ్జ్వలా
వాగ్దేవీ విషమేక్షణా శశిముఖీ త్రైలోక్యమాతా శివా ॥ ౨ ॥
బ్రహ్మాణీ చ కపాలినీ సుయువతీ రౌద్రీ త్రిశూలాన్వితా
నానా దైత్యనిబర్హిణీ నృశరణా శఙ్ఖాసిఖేటాయుధా ।
భేరీశఙ్ఖక్ష్ మృదఙ్గక్ష్ ఘోషముదితా శూలిప్రియా చేశ్వరీ
మాణిక్యాఢ్యకిరీటకాన్తవదనా త్రైలోక్యమాతా శివా ॥ ౩ ॥
వన్దే దేవి భవార్తిభఞ్జనకరీ భక్తప్రియా మోహినీ
మాయామోహమదాన్ధకారశమనీ మత్ప్రాణసఞ్జీవనీ ।
యన్త్రం మన్త్రజపౌ తపో భగవతీ మాతా పితా భ్రాతృకా
విద్యా బుద్ధిధృతీ గతిశ్చ సకలత్రైలోక్యమాతా శివా ॥ ౪ ॥
శ్రీమాతస్త్రిపురే త్వమబ్జనిలయా స్వర్గాదిలోకాన్తరే
పాతాలే జలవాహినీ త్రిపథగా లోకత్రయే శఙ్కరీ ।
త్వం చారాధకభాగ్యసమ్పదవినీ శ్రీమూర్ధ్ని లిఙ్గాఙ్కితా
త్వాం వన్దే భవభీతిభఞ్జనకరీం త్రైలోక్యమాతః శివే ॥ ౫ ॥
శ్రీదుర్గే భగినీం త్రిలోకజననీం కల్పాన్తరే డాకినీం
వీణాపుస్తకధారిణీం గుణమణిం కస్తూరికాలేపనీమ్ ।
నానారత్నవిభూషణాం త్రినయనాం దివ్యామ్బరావేష్టితాం
వన్దే త్వాం భవభీతిభఞ్జనకరీం త్రైలోక్యమాతః శివే ॥ ౬ ॥
నైరృత్యాం దిశి పత్రతీర్థమమలం మూర్తిత్రయే వాసినీం
సామ్ముఖ్యా చ హరిద్రతీర్థమనఘం వాప్యాం చ తైలోదకమ్ ।
గఙ్గాదిత్రయసఙ్గమే సకుతుకం పీతోదకే పావనే
త్వాం వన్దే భవభీతిభఞ్జనకరీం త్రైలోక్యమాతః శివే ॥ ౭ ॥
ద్వారే తిష్ఠతి వక్రతుణ్డగణపః క్షేత్రస్య పాలస్తతః
శక్రేడ్యా చ సరస్వతీ వహతి సా భక్తిప్రియా వాహినీ ।
మధ్యే శ్రీతిలకాభిధం తవ వనం శాకమ్భరీ చిన్మయీ
త్వాం వన్దే భవభీతిభఞ్జనకరీం త్రైలోక్యమాతః శివే ॥ ౮ ॥
శాకమ్భర్యష్టకమిదం యః పఠేత్ప్రయతః పుమాన్ ।
స సర్వపాపవినిర్ముక్తః సాయుజ్యం పదమాప్నుయాత్ ॥ ౯ ॥
ఇతి శ్రీమచ్ఛఙ్కరాచార్యవిరచితం శాకమ్భర్యష్టకం సమ్పూర్ణమ్ ॥
– Chant Stotra in Other Languages –
Adi Shankaracharya slokam » Shakambhari Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil