॥ Sri Sita Kavacham Telugu Lyrics ॥
॥ శ్రీ సీతా కవచం ॥
। ధ్యానమ్ ।
సీతాం కమలపత్రాక్షీం విద్యుత్పుంజసమప్రభామ్ ।
ద్విభుజాం సుకుమారాంగీం పీతకౌసేయవాసినీమ్ ॥ ౧ ॥
సింహాసనే రామచంద్ర వామభాగస్థితాం వరామ్
నానాలంకార సంయుక్తాం కుండలద్వయ ధారిణీమ్ ॥ ౨ ॥
చూడాకంకణ కేయూర రశనా నూపురాన్వితామ్ ।
సీమంతే రవిచంద్రాభ్యాం నిటిలే తిలకేన చ ॥ ౩ ॥
మయూరా భరణేనాపి ఘ్రాణేతి శోభితాం శుభామ్ ।
హరిద్రాం కజ్జలం దివ్యం కుంకుమం కుసుమాని చ ॥ ౪ ॥
బిభ్రంతీం సురభిద్రవ్యం సగంధ స్నేహ ముత్తమమ్ ।
స్మితాననాం గౌరవర్ణాం మందారకుసుమం కరే ॥ ౫ ॥
బిభ్రంతీమపరేహస్తే మాతులుంగమనుత్తమమ్ ।
రమ్యవాసాం చ బింబోష్ఠీం చంద్రవాహన లోచనామ్ ॥ ౬ ॥
కలానాథ సమానాస్యాం కలకంఠ మనోరమామ్ ।
మాతులింగోత్భవాం దేవీం పద్మాక్షదుహితాం శుభామ్ ॥ ౭ ॥
మైథిలీం రామదయితాం దాసీభిః పరివీజితామ్ ।
ఏవం ధ్యాత్వా జనకజాం హేమకుంభ పయోధరామ్ ॥ ౮ ॥
సీతాయాః కవచం దివ్యం పఠనీయం సుభావహమ్ ॥ ౯ ॥
। కవచమ్ ।
శ్రీ సీతా పూర్వతః పాతు దక్షిణేఽవతు జానకీ ।
ప్రతీచ్యాం పాతు వైదేహీ పాతూదీచ్యాం చ మైథిలీ ॥ ౧ ॥
అధః పాతు మాతులుంగీ ఊర్ధ్వం పద్మాక్షజాఽవతు ।
మధ్యేఽవనిసుతా పాతు సర్వతః పాతు మాం రమా ॥ ౨ ॥
స్మితాననా శిరః పాతు పాతు ఫాలం నృపాత్మజా ।
పద్మాఽవతు భృవోర్మధ్యే మృగాక్షీ నయనేఽవతు ॥ ౩ ॥
కపోలే కర్ణమూలే చ పాతు శ్రీరామవల్లభా ।
నాసాగ్రం సాత్త్వికీ పాతు పాతు వక్త్రం తు రాజసీ ॥ ౪ ॥
తామసీ పాతు మద్వాణీం పాతు జిహ్వాం పతివ్రతా ।
దంతాన్ పాతు మహామాయా చిబుకం కనకప్రభా ॥ ౫ ॥
పాతు కంఠం సౌమ్యరూపా స్కంధౌ పాతు సురార్చితా ।
భుజౌ పాతు వరారోహా కరౌ కంకణమండితా ॥ ౬ ॥
నఖాన్ రక్తనఖా పాతు కుక్షౌ పాతు లఘూదరా ।
వక్షః పాతు రామపత్నీ పార్శ్వే రావణమోహినీ ॥ ౭ ॥
పృష్ఠదేశే వహ్నిగుప్తాఽవతు మాం సర్వదైవ హి ।
దివ్యప్రదా పాతు నాభిం కటిం రాక్షసమోహినీ ॥ ౮ ॥
గుహ్యం పాతు రత్నగుప్తా లింగం పాతు హరిప్రియా ।
ఊరూ రక్షతు రంభోరూః జానునీ ప్రియభాషిణీ ॥ ౯ ॥
జంఘే పాతు సదా సుభ్రూః గుల్ఫౌ చామరవీజితా ।
పాదౌ లవసుతా పాతు పాత్వంగాని కుశాంబికా ॥ ౧౦ ॥
పాదాంగుళీః సదా పాతు మమ నూపుర నిస్వనా ।
రోమాణ్యవతు మే నిత్యం పీతకౌశేయవాసినీ ॥ ౧౧ ॥
రాత్రౌ పాతు కాలరూపా దినే దానైకతత్పరా ।
సర్వకాలేషు మాం పాతు మూలకాసురఘాతినీ ॥ ౧౨ ॥
। ఫలశృతి ।
ఏవం సుతీక్ష్ణ సీతాయాః కవచం తే మయేరితమ్ ।
ఇదం ప్రాతః సముత్థాయ స్నాత్వా నిత్యం పఠేత్తుయః ॥ ౧౩ ॥
జానకీం పూజయిత్వా స సర్వాన్ కామానవాప్నుయాత్ ।
ధనార్థీ ప్రాప్నుయాద్ద్రవ్యం పుత్రార్థీ పుత్రమాప్నుయాత్ ॥ ౧౪ ॥
స్త్రీకామార్థీ శుభాం నారీం సుఖార్థీ సౌఖ్యమాప్నుయాత్ ।
అష్టవారం జపనీయం సీతాయాః కవచం సదా ॥ ౧౫ ॥
అష్టభూసుర సీతాయై నరై ప్రీత్యార్పయేత్ సదా ।
ఫలపుష్పాదికాదీని యాని యాని పృథక్ పృథక్ ॥ ౧౬ ॥
సీతాయాః కవచం చేదం పుణ్యం పాతకనాశనమ్ ।
యే పఠంతి నరా భక్త్యా తే ధన్యా మానవా భువి ॥ ౧౭ ॥
పఠంతి రామకవచం సీతాయాః కవచం వినా ।
తథా వినా లక్ష్మణస్య కవచేన వృథా స్మృతమ్ ॥ ౧౮ ॥
తస్మాత్ సదా నరైర్జాప్యం కవచానాం చతుష్టయమ్ ।
ఆదౌ తు వాయుపుత్రస్య లక్ష్మణస్య తతః పరమ్ ॥ ౧౯ ॥
తతః పటేచ్చ సీతాయాః శ్రీరామస్య తతః పరమ్ ।
ఏవం సదా జపనీయం కవచానాం చతుష్టయమ్ ॥ ౨౦ ॥
ఇతి శ్రీ శతకోటిరామాయణాంతర్గత శ్రీమదానందరామాయణే వాల్మికీయే మనోహరకాండే శ్రీ సీతాకవచం ।