॥ Ganeshastavanam or Ganeshashtakam by Valmiki Gujarati Lyrics ॥
॥ વાલ્મીકિકૃતં શ્રીગણેશસ્તવનમ્ અથવા ગણેશાષ્ટકમ્ ॥
ચતુઃષષ્ટિકોટ્યાખ્યવિદ્યાપ્રદં ત્વાં સુરાચાર્યવિદ્યાપ્રદાનાપદાનમ્ ।
કઠાભીષ્ટવિદ્યાર્પકં દન્તયુગ્મં કવિં બુદ્ધિનાથં કવીનાં નમામિ ॥ ૧ ॥
સ્વનાથં પ્રધાનં મહાવિઘ્નનાથં નિજેચ્છાવિસૃષ્ટાણ્ડવૃન્દેશનાથમ્ ।
પ્રભુ દક્ષિણાસ્યસ્ય વિદ્યાપ્રદં ત્વાં કવિં બુદ્ધિનાથં કવીનાં નમામિ ॥ ૨ ॥
વિભો વ્યાસશિષ્યાદિવિદ્યાવિશિષ્ટપ્રિયાનેકવિદ્યાપ્રદાતારમાદ્યમ્ ।
મહાશાક્તદીક્ષાગુરું શ્રેષ્ઠદં ત્વાં કવિં બુદ્ધિનાથં કવીનાં નમામિ ॥ ૩ ॥
વિધાત્રે ત્રયીમુખ્યવેદાંશ્ચ યોગં મહાવિષ્ણવે ચાગમાઞ્ શઙ્કરાય ।
દિશન્તં ચ સૂર્યાય વિદ્યારહસ્યં કવિં બુદ્ધિનાથં કવીનાં નમામિ ॥ ૪ ॥
મહાબુદ્ધિપુત્રાય ચૈકં પુરાણં દિશન્તં ગજાસ્યસ્ય માહાત્મ્યયુક્તમ્ ।
નિજજ્ઞાનશક્ત્યા સમેતં પુરાણં કવિં બુદ્ધિનાથં કવીનાં નમામિ ॥ ૫ ॥
ત્રયીશીર્ષસારં રુચાનેકમારં રમાબુદ્ધિદારં પરં બ્રહ્મપારમ્ ।
સુરસ્તોમકાયં ગણૌઘાધિનાથં કવિં બુદ્ધિનાથં કવીનાં નમામિ ॥ ૬ ॥
ચિદાનન્દરૂપં મુનિધ્યેયરૂપં ગુણાતીતમીશં સુરેશં ગણેશમ્ ।
ધરાનન્દલોકાદિવાસપ્રિયં ત્વાં કવિં બુદ્ધિનાથં કવીનાં નમામિ ॥ ૭ ॥
અનેકપ્રતારં સુરક્તાબ્જહારં પરં નિર્ગુણં વિશ્વસદ્બ્રહ્મરૂપમ્ ।
મહાવાક્યસન્દોહતાત્પર્યમૂર્તિં કવિં બુદ્ધિનાથં કવીનાં નમામિ ॥ ૮ ॥
ઇદં યે તુ કવ્યષ્ટકં ભક્તિયુક્તાત્રિસન્ધ્યં પઠન્તે ગજાસ્યં સ્મરન્તઃ ।
કવિત્વં સુવાક્યાર્થમત્યદ્ભુતં તે લભન્તે પ્રસાદાદ્ ગણેશસ્ય મુક્તિમ્ ॥ ૯ ॥
ઇતિ વાલ્મીકિકૃતં ગણેશસ્તવનં સમાપ્તમ્ ।
– Chant Stotra in Other Languages –
Sri Ganapathi Slokam » Ganeshastavanam or Ganeshashtakam by Valmiki Lyrics in Sanskrit » English » Bengali » Kannada » Malayalam » Odia » Telugu » Tamil