॥ 108 Names of Lord Chaitanya Kannada ॥
॥ಶ್ರೀಗೌರಾಂಗಾಷ್ಟೋತ್ತರಶತನಾಮಸ್ತೋತ್ರಮ್ ॥
ಆಮಸ್ಕೃತ್ಯ ಪ್ರವಕ್ಷ್ಯಾಮಿ ದೇವದೇವಂ ಜಗದ್ಗುರುಮ್ ।
ನಾಮ್ನಾಮಷ್ಟೋತ್ತರಶತಂ ಚೈತನ್ಯಸ್ಯ ಮಹಾತ್ಮನಾಃ ॥ 1 ॥
ವಿಶ್ವಮ್ಭರೋ ಜಿತಕ್ರೋಧೋ ಮಾಯಾಮಾನುಷವಿಗ್ರಹಃ ।
ಅಮಾಯೀ ಮಾಯಿನಾಂ ಶ್ರೇಷ್ಠೋ ವರದೇಶೋ ದ್ವಿಜೋತ್ತಮಃ ॥ 2 ॥
ಜಗನ್ನಾಥಪ್ರಿಯಸುತಃ ಪಿತೃಭಕ್ತೋ ಮಹಾಮನಾಃ ।
ಲಕ್ಷ್ಮೀಕಾನ್ತಃ ಶಚೀಪುತ್ರಃ ಪ್ರೇಮದೋ ಭಕ್ತವತ್ಸಲಃ ॥ 3 ॥
ದ್ವಿಜಪ್ರಿಯೋ ದ್ವಿಜವರೋ ವೈಷ್ಣವಪ್ರಾಣನಾಯಕಃ ।
ದ್ವಿಜಾತಿಪೂಜಕಃ ಶಾನ್ತಃ ಶ್ರೀವಾಸಪ್ರಿಯ ಈಶ್ವರಃ ॥ 4 ॥
ತಪ್ತಕಾಂಚನಗೌರಾಂಗಃ ಸಿಂಹಗ್ರೀವೋ ಮಹಾಭುಜಃ ।
ಪೀತವಾಸಾ ರಕ್ತಪಟ್ಟಃ ಷಡ್ಭುಜೋಽಥ ಚತುರ್ಭುಜಃ ॥ 5 ॥
ದ್ವಿಭುಜಶ್ಚ ಗದಾಪಾಣಿಃ ಚಕ್ರೀ ಪದ್ಮಧರೋಽಮಲಃ ।
ಪಾಂಚಜನ್ಯಧರಃ ಶಾರ್ಂಗೀ ವೇಣುಪಾಣಿಃ ಸುರೋತ್ತಮಃ ॥ 6 ॥
ಕಮಲಾಕ್ಷೇಶ್ವರಃ ಪ್ರೀತೋ ಗೋಪಲೀಲಾಧರೋ ಯುವಾ ।
ನೀಲರತ್ನಧರೋ ರುಪ್ಯಹಾರೀ ಕೌಸ್ತುಭಭೂಷಣಃ ॥ 7 ॥
ಶ್ರೀವತ್ಸಲಾಂಛನೋ ಭಾಸ್ವಾನ್ ಮಣಿಧೃಕ್ಕಂಜಲೋಚನಃ ।
ತಾಟಂಕನೀಲಶ್ರೀಃ ರುದ್ರ ಲೀಲಾಕಾರೀ ಗುರುಪ್ರಿಯಾಃ ॥ 8 ॥
ಸ್ವನಾಮಗುಣವಕ್ತಾ ಚ ನಾಮೋಪದೇಶದಾಯಕಃ ।
ಆಚಾಂಡಾಲಪ್ರಿಯಾಃ ಶುದ್ಧಃ ಸರ್ವಪ್ರಾಣಿಹಿತೇ ರತಃ ॥ 9 ॥
ವಿಶ್ವರೂಪಾನುಜಃ ಸನ್ಧ್ಯಾವತಾರಃ ಶೀತಲಾಶಯಃ ।
ನಿಃಸೀಮಕರುಣೋ ಗುಪ್ತ ಆತ್ಮಭಕ್ತಿಪ್ರವರ್ತಕಃ ॥ 10 ॥
ಮಹಾನನ್ದೋ ನಟೋ ನೃತ್ಯಗೀತನಾಮಪ್ರಿಯಃ ಕವಿಃ ।
ಆರ್ತಿಪ್ರಿಯಃ ಶುಚಿಃ ಶುದ್ಧೋ ಭಾವದೋ ಭಗವತ್ಪ್ರಿಯಾಃ ॥ 11 ॥
ಇನ್ದ್ರಾದಿಸರ್ವಲೋಕೇಶವನ್ದಿತಶ್ರೀಪದಾಮ್ಬುಜಃ ।
ನ್ಯಾಸಿಚೂಡಾಮಣಿಃ ಕೃಷ್ಣಃ ಸಂನ್ಯಾಸಆಶ್ರಮಪಾವನಃ ॥ 12 ॥
ಚೈತನ್ಯಃ ಕೃಷ್ಣಚೈತನ್ಯೋ ದಂಡಧೃಙ್ನ್ಯಸ್ತದಂಡಕಃ ।
ಅವಧೂತಪ್ರಿಯೋ ನಿತ್ಯಾನನ್ದಷಡ್ಭುಜದರ್ಶಕಃ ॥ 13 ॥
ಮುಕುನ್ದಸಿದ್ಧಿದೋ ದೀನೋ ವಾಸುದೇವಾಮೃತಪ್ರದಃ ।
ಗದಾಧರಪ್ರಾಣನಾಥ ಆರ್ತಿಹಾ ಶರಣಪ್ರದಃ ॥ 14 ॥
ಅಕಿಂಚನಪ್ರಿಯಃ ಪ್ರಾಣೋ ಗುಣಗ್ರಾಹೀ ಜಿತೇನ್ದ್ರಿಯಃ ।
ಅದೋಷದರ್ಶೀ ಸುಮುಖೋ ಮಧುರಃ ಪ್ರಿಯದರ್ಶನಃ ॥ 15 ॥
ಪ್ರತಾಪರುದ್ರಸನ್ತ್ರಾತಾ ರಾಮಾನನ್ದಪ್ರಿಯೋ ಗುರುಃ ।
ಅನನ್ತಗುಣಸಮ್ಪನ್ನಃ ಸರ್ವತೀರ್ಥೈಕಪಾವನಃ ॥ 16 ॥
ವೈಕುಂಠನಾಥೋ ಲೋಕೇಶೋ ಭಕ್ತಾಭಿಮತರೂಪಧೃಕ್ ।
ನಾರಾಯಣೋ ಮಹಾಯೋಗೀ ಜ್ಞಾನಭಕ್ತಿಪ್ರದಃ ಪ್ರಭುಃ ॥ 17 ॥
ಪೀಯೂಷವಚನಃ ಪೃಥ್ವೀ ಪಾವನಃ ಸತ್ಯವಾಕ್ಸಹಃ ।
ಓಡದೇಶಜನಾನನ್ದೀ ಸನ್ದೋಹಾಮೃತರೂಪಧೃಕ್ ॥ 18 ॥
ಯಃ ಪಠೇತ್ಪ್ರಾತರುತ್ಥಾಯ ಚೈತನ್ಯಸ್ಯ ಮಹಾತ್ಮನಃ ।
ಶ್ರದ್ಧಯಾ ಪರಯೋಪೇತಃ ಸ್ತೋತ್ರಂ ಸರ್ವಾಘನಾಶನಮ್ ।
ಪ್ರೇಮಭಕ್ತಿರ್ಹರೌ ತಸ್ಯ ಜಾಯತೇ ನಾತ್ರ ಸಂಶಯಃ ॥ 19 ॥
ಅಸಾಧ್ಯರೋಗಯುಕ್ತೋಽಪಿ ಮುಚ್ಯತೇ ರೋಗಸಂಕಟಾತ್ ।
ಸರ್ವಾಪರಾಧಯುಕ್ತೋಽಪಿ ಸೋಽಪರಾಧಾತ್ಪ್ರಮುಚ್ಯತೇ ॥ 20 ॥
ಫಾಲ್ಗುನೀಪೌರ್ಣಮಾಸ್ಯಾಂ ತು ಚೈತನ್ಯಜನ್ಮವಾಸರೇ ।
ಶ್ರದ್ಧಯಾ ಪರಯಾ ಭಕ್ತ್ಯಾ ಮಹಾಸ್ತೋತ್ರಂ ಜಪನ್ಪುರಃ ।
ಯದ್ಯತ್ ಪ್ರಕುರುತೇ ಕಾಮಂ ತತ್ತದೇವಾಚಿರಾಲ್ಲಭೇತ್ ॥ 21 ॥
ಅಪುತ್ರೋ ವೈಷ್ಣವಂ ಪುತ್ರಂ ಲಭತೇ ನಾತ್ರ ಸಂಶಯಃ ।
ಅನ್ತೇ ಚೈತನ್ಯದೇವಸ್ಯ ಸ್ಮೃತಿರ್ಭವತಿ ಶಾಶ್ವತೀ ॥ 22 ॥
ಇತಿ ಸಾರ್ವಭೌಮ ಭಟ್ಟಾಚಾರ್ಯವಿರಚಿತಂ
ಶ್ರೀಗೌರಾಂಗಾಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ।
– Chant Stotra in Other Languages –
Iskcon Slokam » Gauranga Ashtottara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil