॥ Shri Dandapani Pancharatnam Telugu Lyrics ॥
॥ శ్రీ దండపాణి పంచరత్నం ॥
చండపాపహరపాదసేవనం
గండశోభివరకుండలద్వయమ్ |
దండితాఖిలసురారిమండలం
దండపాణిమనిశం విభావయే || ౧ ||
కాలకాలతనుజం కృపాలయం
బాలచంద్రవిలసజ్జటాధరమ్ |
చేలధూతశిశువాసరేశ్వరం
దండపాణిమనిశం విభావయే || ౨ ||
తారకేశసదృశాననోజ్జ్వలం
తారకారిమఖిలార్థదం జవాత్ |
తారకం నిరవధేర్భవాంబుధే-
-ర్దండపాణిమనిశం విభావయే || ౩ ||
తాపహారినిజపాదసంస్తుతిం
కోపకామముఖవైరివారకమ్ |
ప్రాపకం నిజపదస్య సత్వరం
దండపాణిమనిశం విభావయే || ౪ ||
కామనీయకవినిర్జితాంగజం
రామలక్ష్మణకరాంబుజార్చితమ్ |
కోమలాంగమతిసుందరాకృతిం
దండపాణిమనిశం విభావయే || ౫ ||
ఇతి శృంగేరిజగద్గురు శ్రీసచ్చిదానందశివాభినవనృసింహభారతీ స్వామిభిః విరచితం శ్రీదండపాణి పంచరత్నమ్ |
– Chant Stotra in Other Languages –
Sri Subrahmanya / Kartikeya / Muruga Stotram » Sri Dandapani Pancharatnam in Lyrics in Sanskrit » English » Kannada » Tamil