॥ Ardhanarishvara Ashtakam Malayalam Lyrics ॥
॥ അര്‍ധനാരീശ്വരാഷ്ടകം ॥
അംഭോധരശ്യാമലകുന്തലായൈ
തടിത്പ്രഭാതാംരജടാധരായ ।
നിരീശ്വരായൈ നിഖിലേശ്വരായ
നമഃ ശിവായൈ ച നമഃ ശിവായ ॥ 1॥
പ്രദീപ്തരത്നോജ്വലകുണ്ഡലായൈ
സ്ഫുരന്‍മഹാപന്നഗഭൂഷണായ ।
ശിവപ്രിയായൈ ച ശിവപ്രിയായ
നമഃ ശിവായൈ ച നമഃ ശിവായ ॥ 2॥
മന്ദാരമാലാകലിതാലകായൈ
കപാലമാലാങ്കിതകന്ധരായൈ ।
ദിവ്യാംബരായൈ ച ദിഗംബരായ
നമഃ ശിവായൈ ച നമഃ ശിവായ ॥ 3॥
കസ്തൂരികാകുങ്കുമലേപനായൈ
ശ്മശാനഭസ്മാത്തവിലേപനായ ।
കൃതസ്മരായൈ വികൃതസ്മരായ
നമഃ ശിവായൈ ച നമഃ ശിവായ ॥ 4॥
പാദാരവിന്ദാര്‍പിതഹംസകായൈ
പാദാബ്ജരാജത്ഫണിനൂപുരായ ।
കലാമയായൈ വികലാമയായ
നമഃ ശിവായൈ ച നമഃ ശിവായ ॥ 5॥
പ്രപഞ്ചസൃഷ്ട്യുന്‍മുഖലാസ്യകായൈ
സമസ്തസംഹാരകതാണ്ഡവായ ।
സമേക്ഷണായൈ വിഷമേക്ഷണായ
നമഃ ശിവായൈ ച നമഃ ശിവായ ॥ 6॥
പ്രഫുല്ലനീലോത്പലലോചനായൈ
വികാസപങ്കേരുഹലോചനായ ।
ജഗജ്ജനന്യൈ ജഗദേകപിത്രേ
നമഃ ശിവായൈ ച നമഃ ശിവായ ॥ 7॥
അന്തര്‍ബഹിശ്ചോര്‍ധ്വമധശ്ച മധ്യേ
പുരശ്ച പശ്ചാച്ച വിദിക്ഷു ദിക്ഷു ।
സര്‍വം ഗതായൈ സകലം ഗതായ
നമഃ ശിവായൈ ച നമഃ ശിവായ ॥ 8॥
അര്‍ധനാരീശ്വരസ്തോത്രം ഉപമന്യുകൃതം ത്വിദം ।
യഃ പഠേച്ഛൃണുയാദ്വാപി ശിവലോകേ മഹീയതേ ॥ 9॥
॥ ഇതി ഉപമന്യുകൃതം അര്‍ധനാരീശ്വരാഷ്ടകം ॥
– Chant Stotra in Other Languages –
Lord Shiva Slokam » Ardhanarishvara Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil