Ganga Stotram In Telugu

॥ Ganga Stotram Telugu Lyrics ॥

॥ గంగా స్తోత్రం ॥
దేవి సురేశ్వరి భగవతి గంగే త్రిభువనతారిణి తరళతరంగే ।
శంకరమౌళివిహారిణి విమలే మమ మతిరాస్తాం తవ పదకమలే ॥ ౧ ॥

భాగీరథిసుఖదాయిని మాతస్తవ జలమహిమా నిగమే ఖ్యాతః ।
నాహం జానే తవ మహిమానం పాహి కృపామయి మామజ్ఞానమ్ ॥ ౨ ॥

హరిపదపాద్యతరంగిణి గంగే హిమవిధుముక్తాధవళతరంగే ।
దూరీకురు మమ దుష్కృతిభారం కురు కృపయా భవసాగరపారమ్ ॥ ౩ ॥

తవ జలమమలం యేన నిపీతం పరమపదం ఖలు తేన గృహీతమ్ ।
మాతర్గంగే త్వయి యో భక్తః కిల తం ద్రష్టుం న యమః శక్తః ॥ ౪ ॥

పతితోద్ధారిణి జాహ్నవి గంగే ఖండిత గిరివరమండిత భంగే ।
భీష్మజనని హే మునివరకన్యే పతితనివారిణి త్రిభువన ధన్యే ॥ ౫ ॥

కల్పలతామివ ఫలదాం లోకే ప్రణమతి యస్త్వాం న పతతి శోకే ।
పారావారవిహారిణి గంగే విముఖయువతి కృతతరలాపాంగే ॥ ౬ ॥

తవ చేన్మాతః స్రోతః స్నాతః పునరపి జఠరే సోపి న జాతః ।
నరకనివారిణి జాహ్నవి గంగే కలుషవినాశిని మహిమోత్తుంగే ॥ ౭ ॥

పునరసదంగే పుణ్యతరంగే జయ జయ జాహ్నవి కరుణాపాంగే ।
ఇంద్రముకుటమణిరాజితచరణే సుఖదే శుభదే భృత్యశరణ్యే ॥ ౮ ॥

రోగం శోకం తాపం పాపం హర మే భగవతి కుమతికలాపమ్ ।
త్రిభువనసారే వసుధాహారే త్వమసి గతిర్మమ ఖలు సంసారే ॥ ౯ ॥

See Also  Sri Danvantri Arogya Peedam Sagala Devatha Gayathri Manthram

అలకానందే పరమానందే కురు కరుణామయి కాతరవంద్యే ।
తవ తటనికటే యస్య నివాసః ఖలు వైకుంఠే తస్య నివాసః ॥ ౧౦ ॥

వరమిహ నీరే కమఠో మీనః కిం వా తీరే శరటః క్షీణః ।
అథవాశ్వపచో మలినో దీనస్తవ న హి దూరే నృపతికులీనః ॥ ౧౧ ॥

భో భువనేశ్వరి పుణ్యే ధన్యే దేవి ద్రవమయి మునివరకన్యే ।
గంగాస్తవమిమమమలం నిత్యం పఠతి నరో యః స జయతి సత్యమ్ ॥ ౧౨ ॥

యేషాం హృదయే గంగా భక్తిస్తేషాం భవతి సదా సుఖముక్తిః ।
మధురాకంతా పంఝటికాభిః పరమానందకలితలలితాభిః ॥ ౧౩ ॥

గంగాస్తోత్రమిదం భవసారం వాంఛితఫలదం విమలం సారమ్ ।
శంకరసేవక శంకర రచితం పఠతి సుఖీః తవ ఇతి చ సమాప్తః ॥ ౧౪ ॥

– Chant Stotra in Other Languages –

Ganga Stotram in EnglishSanskritKannada – Telugu – Tamil