॥ Gaurishvara Stutih Telugu Lyrics ॥
॥ గౌరీశ్వర స్తుతిః ॥
దివ్యం వారి కథం యతః సురధునీ మౌలౌ కథం పావకో
దివ్యం తద్ధి విలోచనం కథమహిర్దివ్యం స చాఙ్గే తవ ।
తస్మాద్దయూతవిధౌ త్వయాద్య ముషితో హారః పరిత్యజ్యతా-
మిత్థం శైలభువా విహస్య లపితః శమ్భుః శివాయాస్తు వః ॥ ౧ ॥
శ్రీకణ్ఠస్య సకృత్తికార్తభరణీ మూర్తిఃసదా రోహిణీ
జ్యేష్ఠా భాద్రపదా పునర్వసుయుతా చిత్రా విశాఖాన్వితా ।
దిశ్యాదక్షతహస్తమూలఘటితాషాఢా మఘాలఙ్కృతా
శ్రేయో వైశ్రవణాన్వితా భగవతో నక్షత్రపాలీవ వః ॥ ౨ ॥
ఏషా తే హర కా సుగాత్రి కతమా మూర్ధ్ని స్థితా కిం జటా
హంసః కిం భజతే జటాం నహి శశీ చన్ద్రో జలం సేవతే ।
ముగ్ధే భూతిరియం కుతోఽత్ర సలిలం భూతిస్తరఙ్గాయతే
ఏవం యో వినిగూహతే త్రిపథగాం పాయాత్స వః శఙ్కరః ॥ ౩ ॥
ఇతి గౌరీశ్వరస్తుతిః సమాప్తా ॥
– Chant Stotra in Other Languages –
Gaurishvara Stutih in Marathi – Gujarati । Bengali – Kannada – Malayalam – Telugu