॥ Shiva Ashtakam 4 Gujarati Lyrics ॥
॥ શિવાષ્ટકમ્ ૪ ॥
જય શઙ્કર શાન્ત શશાઙ્કરુચે રુચિતાર્થદ સર્વદ સર્વરુચે ।
શુચિદત્તગૃહીતમહોપહૃતે હૃતભક્તજનોદ્ધતતાપતતે ॥ ૧ ॥
તતસર્વહૃદમ્બરવરદનુતે નતવૃજિનમહાવનદાહકૃતે ।
કૃતવિવિધચરિત્રતનો સુતનો તનુ વિશિખવિશોષણધૈર્યનિધે ॥ ૨ ॥
નિધનાદિવિવર્જિતકૃતનતિકૃત્કૃતવિહિતમનોરથપન્નગભૃત્ ।
નગભર્તૃસુતાર્પિતવામવપુઃ સ્વવપુઃપરિપૂરિતસર્વજગત્ ॥ ૩ ॥
ત્રિજગન્મયરૂપ વિરૂપસુદૃગૃગુદઞ્ચનકિઞ્ચનકૃદ્ધુતભુક્ ।
ભવભૂતપતે પ્રમથૈકપતે પતિતેષ્વતિદત્તકરપ્રસૃતે ॥ ૪ ॥
પ્રસૃતાખિલભૂતલસંવરણપ્રણવધ્વનિસૌધસુધાંશુધર ।
ગિરિરાજકુમારિકયા પરયા પરિતઃ પરિતુષ્ટ નતોઽસ્મિ શિવ ॥ ૫ ॥
શિવ દેવ મહેશ ગિરીશ વિભો વિભવપ્રદ શર્વ શિવેશ મૃડ ।
મૃડયોડુપતીધ્રજગત્ત્રિતયં કૃતયન્ત્રણ ભક્તિવિઘાતકૃતામ્ ॥ ૬ ॥
ન કૃતાન્તત એષ બિભેમિ હર પ્રહરાશુ મમાઘમમોઘમતે ।
ન મતાન્તરમન્યમવૈમિ શિવં શિવપાદનતેઃ પ્રણતોઽસ્મિ તતઃ ॥ ૭ ॥
વિતતેઽત્ર જગત્યખિલાઘહરં પરિતોષણમેવ પરં ગુણવત્ ।
ગુણહીનમહીનમહાવલયં લયપાવકમીશ નતોઽસ્મિ તતઃ ॥ ૮ ॥
ઇતિ સ્તુત્વા મહાદેવં વિરરામાઙ્ગિરઃસુતઃ ।
વ્યતરચ્ચ મહાદેવઃ સ્તુત્યા તુષ્ટો વરાન્ બહૂન્ ॥ ૯ ॥
ઇતિ શિવાષ્ટકં સમાપ્તમ્ ॥
– Chant Stotra in Other Languages –
Sri Siva Slokam » Lord Shiva Ashtakam 4 Lyrics in Sanskrit » English » Bengali » Kannada » Malayalam » Odia » Telugu » Tamil