॥ Marakatha Sri Lakshmi Ganapathi Stotram Sanskrit Lyrics ॥
॥ मरकत श्री लक्ष्मीगणपति स्तोत्रम् ॥
वरसिद्धिसुबुद्धिमनोनिलयं
निरतप्रतिभाफलदान घनं
परमेश्वर मान समोदकरं
प्रणमामि निरन्तरविघ्नहरम् ॥ १ ॥
अणिमां महिमां गरिमां लघिमां
घनताप्ति सुकामवरेशवशान्
निरतप्रदमक्षयमङ्गलदं
प्रणमामि निरन्तरविघ्नहरम् ॥ २ ॥
जननीजनकात्मविनोदकरं
जनताहृदयान्तरतापहरं
जगदभ्युदयाकरमीप्सितदं
प्रणमामि निरन्तरविघ्नहरम् ॥ ३ ॥
वरबाल्यसुखेलनभाग्यकरं
स्थिरयौवनसौख्यविलासकरं
घनवृद्धमनोहरशान्तिकरं
प्रणमामि निरन्तरविघ्नहरम् ॥ ४ ॥
निगमागमलौकिकशास्त्रनिधि
प्रददानचणं गुणगण्यमणिम्
शततीर्थविराजितमूर्तिधरम्
प्रणमामि निरन्तरविघ्नहरम् ॥ ५ ॥
अनुरागमयं नवरागयुतं
गुणराजितनामविशेषहितं
शुभलाभवरप्रदमक्षयदं
प्रणमामि निरन्तरविघ्नहरम् ॥ ६ ॥
पृथिवीश सुपूजितपादयुगं
रथयान विशेषयशोविभवं
सकलागम पूजितदिव्यगुणं
प्रणमामि निरन्तरविघ्नहरम् ॥ ७ ॥
गगनोद्भवगाङ्गसरित्प्रभव
प्रचुराम्बुजपूजितशीर्षतलं
मणिराजितहैमकिरीटयुतं
प्रणमामि निरन्तरविघ्नहरम् ॥ ८ ॥
द्विजराजदिवाकरनेत्रयुतं
कमनीयशुभावहकान्तिहितं
रमणीय विलासकथाविदितं
प्रणमामि निरन्तरविघ्नहरम् ॥ ९ ॥
हृदयान्तरदीपकशक्तिधरं
मधुरोदयदीप्तिकलारुचिरं
सुविशालनभोङ्गणदीप्तिकरं
प्रणमामि निरन्तरविघ्नहरम् ॥ १० ॥
कविराजविराजितकाव्यमयं
रविकान्ति विभासितलोकमयं
भुवनैक विलासितकीर्तिमयं
प्रणमामि निरन्तरविघ्नहरम् ॥ ११ ॥
श्री मरकत लक्ष्मीगणेश स्तोत्रं सम्पूर्णम् ॥
– Chant Stotra in Other Languages –
Sri Ganesha Stotram » Marakatha Sri Lakshmi Ganapathi Stotram in Lyrics in English » Kannada » Telugu » Tamil
Marakatha Sri Lakshmi Ganapathi Suprabhatam in Lyrics in Sanskrit » English » Kannada » Telugu » Tamil
Marakatha Sri Lakshmi Ganapathi Prapatti in Lyrics in Sanskrit » English » Kannada » Telugu » Tamil
Marakatha Sri Lakshmi Ganapathi Mangalasasanam in Lyrics in Sanskrit » English » Kannada » Telugu » Tamil