॥ Marakatha Sri Lakshmi Ganapathi Suprabhatam Telugu Lyrics ॥
॥ మరకత శ్రీ లక్ష్మీ గణపతి సుప్రభాతం ॥
(కృతజ్ఞతలు: డా॥ శ్రీ అయాచితం నటేశ్వరశర్మ గారికి, శ్రీ జి. నరహరి గారికి)
శ్రీమన్మనోజ్ఞ నిగమాగమవాక్యగీత
శ్రీపార్వతీపరమశంభువరాత్మజాత ।
శ్రీసత్యవాఙ్మరకతోల్లసదాత్మపూత
లక్ష్మీగణేశ భగవన్ తవ సుప్రభాతమ్ ॥ ౧ ॥
శ్రీవత్సదుగ్ధమయసాగరపూర్ణచంద్ర
వ్యాఖ్యేయభక్తసుమనోర్చితపాదపద్మ ।
శ్రీసత్యవాఙ్మరకతోల్లసదాత్మభూష
లక్ష్మీగణేశ భగవన్ తవ సుప్రభాతమ్ ॥ ౨ ॥
సృష్టిస్థితిప్రళయకారణకర్మశీల
అష్టోత్తరాక్షరమనూద్భవమంత్రలోల ।
శ్రీసత్యవాఙ్మరకతోల్లసదాత్మఖేల
లక్ష్మీగణేశ భగవన్ తవ సుప్రభాతమ్ ॥ ౩ ॥
కష్టప్రనష్ట పరిబాధిత భక్త రక్ష
ఇష్టార్థదాన నిరతోద్యమకార్యదక్ష ।
శ్రీసత్యవాఙ్మరకతోల్లసదాత్మపూత
లక్ష్మీగణేశ భగవన్ తవ సుప్రభాతమ్ ॥ ౪ ॥
శ్రీవ్యాసభారతవిలేఖనకార్యదీక్షా
దక్షాభిరక్షణ విచక్షణదీప్తిహస్త ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౫ ॥
ధ్యానాత్మభక్తజనతాహృదయాభిరామ
శ్రీనామపూరితసహస్రసునామధామ ।
శ్రీసత్యవాఙ్మరకతోల్లసదాత్మసీమ
లక్ష్మీగణేశ భగవన్ తవ సుప్రభాతమ్ ॥ ౬ ॥
వైధాతృవర్ధితచరాచరలోకపాల
ఆవాహనాత్మకసుకృత్యకలాపతోష ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౭ ॥
విశ్వంభరాతలసుఖాసనసన్నివిష్ట
విశ్వప్రశాంతిపరిరక్షణకర్మతుష్ట ।
శ్రీసత్యవాఙ్మరకతోల్లసదాత్మహృష్ట
లక్ష్మీగణేశ భగవన్ తవ సుప్రభాతమ్ ॥ ౮ ॥
గంగాదిపుణ్యమయవారితరంగసిక్త
స్వీయాంఘ్రిసారసయుగప్రవిలాసదేహ ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౯ ॥
హస్తద్వయాంబురుహలోలనవార్ఘ్యనీర
స్వచ్ఛప్రభాప్రవిలసన్ముఖచంద్రబింబ ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౦ ॥
బింబాధరస్పృగమలామృతపూరితాంబు
స్వీకార రాజిత వరాచమనీయశోభ ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౧ ॥
పంచామృతామలఫలోదక సంప్రపూర్ణ
స్నానోపచారపరితోషితమానసాబ్జ ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౨ ॥
దిగ్వస్త్రరాజపరిధానితదివ్యదేహ
దృగ్వాసితాఖిలఫలప్రవిభాసమాన ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౩ ॥
సౌగంధ్యజాల హరిచందనదిగ్ధదివ్య
ప్రోద్భాసితామలతనూవిభవైకరమ్య ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౪ ॥
స్వచ్ఛప్రభాసిత వరాక్షతరాజవర్షి
వ్యాకర్షణీయ రుచిరాంగవిలోకనీయ ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౫ ॥
నానాసుగంధ వరధూపిత ధూపరాజ
ద్విఖ్యాతమౌళిలసదార్షసుతత్త్వదేహ ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౬ ॥
గాఢాంధకారపరిమార్జనదివ్యతేజో
లాస్యత్ప్రదీపరుచిమద్వరతత్త్వభాస ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౭ ॥
సర్వర్తుసంఫలితకోటిఫలప్రవృష్టి
భ్రాజన్నివేదన వినోదన కర్మమోద ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౮ ॥
పూగీఫలాదిక సుగంధవిలాసహాస
ద్రవ్యాత్మతాంబులికసేవనకర్మతోష ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౧౯ ॥
శ్రేష్ఠప్రదక్షిణ సుకర్మకలాపమగ్న
సంసేవకావళి సురక్షణకార్యలీన ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౨౦ ॥
నీరాజితాఖిలసుగంధసువస్తుజాల
ప్రోద్భాసదీపవరకాంతివిలాసదీప్త ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౨౧ ॥
దూర్వాశమీమరువకార్జునజాజిబిల్వ
దత్తూరచూతతులసీవరపత్రసేవ్య ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౨౨ ॥
మాచీసుదాడిమవరార్కసగండకీయ
ప్రఖ్యాతవిష్ణుమయకాంతసుపత్రసేవ్య ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౨౩ ॥
శ్రీసింధువారసుమనోర్చితదేవదారు
సంవాసభాసకరవీరదళైకసేవ్య ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౨౪ ॥
అశ్వత్థదివ్యబదరీబృహతీసమంచత్
దివ్యాపమార్గిక వనస్పతి పత్రపూజ్య ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౨౫ ॥
ఓంకారపూర్ణభగవన్నుతిపాఠగమ్య
శ్రీకారభావితమనోహరదివ్యరూప ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౨౬ ॥
దైనందినోన్నయనచంద్రకళాత్మరూప
ప్రాంచత్సువర్ణమణిరత్నరుచిప్రభాస ।
శ్రీసత్యవాఙ్మరకతోల్లసదాత్మభూష
లక్ష్మీగణేశ భగవన్ తవ సుప్రభాతమ్ ॥ ౨౭ ॥
శ్రీమోతుకూరువరవంశజసత్యశాస్త్రి
స్వాంతాంబుజాతవరపూజనకర్మమోద ।
శ్రీసత్యవాఙ్మరకతోల్లసదాత్మభాస
లక్ష్మీగణేశ భగవన్ తవ సుప్రభాతమ్ ॥ ౨౮ ॥
శ్రీమన్నటేశ్వరకవీశ్వర సంప్రణీత
శ్రీసుప్రభాతకవితాభరణప్రబోధ ।
శ్రీసత్యవాఙ్మరకతోల్లసదాత్మహాస
లక్ష్మీగణేశ భగవన్ తవ సుప్రభాతమ్ ॥ ౨౯ ॥
ఇతి శ్రీ మరకత లక్ష్మీగణపతి సుప్రభాతమ్ సంపూర్ణమ్ ॥
– Chant Stotra in Other Languages –
Marakatha Sri Lakshmi Ganapathi Suprabhatam in Lyrics in Sanskrit » English » Kannada » Tamil
Marakatha Sri Lakshmi Ganapathi Stotram in Lyrics in Sanskrit » English » Kannada » Telugu » Tamil
Marakatha Sri Lakshmi Ganapathi Prapatti in Lyrics in Sanskrit » English » Kannada » Telugu » Tamil
Marakatha Sri Lakshmi Ganapathi Mangalasasanam in Lyrics in Sanskrit » English » Kannada » Telugu » Tamil