Narayaniyam Navatitamadasakam In Kannada – Narayaneyam Dasakam 90

Narayaniyam Navatitamadasakam in Kannada:

॥ ನಾರಾಯಣೀಯಂ ನವತಿತಮದಶಕಮ್ ॥

ನಾರಾಯಣೀಯಂ ನವತಿತಮದಶಕಮ್ (೯೦) – ವಿಷ್ಣುಮಹತ್ತತ್ತ್ವಸ್ಥಾಪನಮ್ ।

ವೃಕಭೃಗುಮುನಿಮೋಹಿನ್ಯಂಬರೀಷಾದಿವೃತ್ತೇ-
ಷ್ವಯಿ ತವ ಹಿ ಮಹತ್ತ್ವಂ ಸರ್ವಶರ್ವಾದಿಜೈತ್ರಮ್ ।
ಸ್ಥಿತಮಿಹ ಪರಮಾತ್ಮನ್ ನಿಷ್ಕಲಾರ್ವಾಗಭಿನ್ನಂ
ಕಿಮಪಿ ತದವಭಾತಂ ತದ್ಧಿ ರೂಪಂ ತವೈವ ॥ ೯೦-೧ ॥

ಮೂರ್ತಿತ್ರಯೇಶ್ವರಸದಾಶಿವಪಞ್ಚಕಂ ಯತ್
ಪ್ರಾಹುಃ ಪರಾತ್ಮವಪುರೇವ ಸದಾಶಿವೋಽಸ್ಮಿನ್ ।
ತತ್ರೇಶ್ವರಸ್ತು ಸ ವಿಕುಣ್ಠಪದಸ್ತ್ವಮೇವ
ತ್ರಿತ್ವಂ ಪುನರ್ಭಜಸಿ ಸತ್ಯಪದೇ ತ್ರಿಭಾಗೇ ॥ ೯೦-೨ ॥

ತತ್ರಾಪಿ ಸಾತ್ತ್ವಿಕತನುಂ ತವ ವಿಷ್ಣುಮಾಹು-
ರ್ಧಾತಾ ತು ಸತ್ತ್ವವಿರಲೋ ರಜಸೈವ ಪೂರ್ಣಃ ।
ಸತ್ವೋತ್ಕಟತ್ವಮಪಿ ಚಾಸ್ತಿ ತಮೋವಿಕಾರ-
ಚೇಷ್ಟಾದಿಕಂ ಚ ತವ ಶಙ್ಕರನಾಮ್ನಿ ಮೂರ್ತೌ ॥ ೯೦-೩ ॥

ತಂ ಚ ತ್ರಿಮೂರ್ತ್ಯತಿಗತಂ ಪುರಪೂರುಷಂ ತ್ವಾಂ
ಶರ್ವಾತ್ಮನಾಪಿ ಖಲು ಸರ್ವಮಯತ್ವಹೇತೋಃ ।
ಶಂಸನ್ತ್ಯುಪಾಸನವಿಧೌ ತದಪಿ ಸ್ವತಸ್ತು
ತ್ವದ್ರೂಪಮಿತ್ಯತಿದೃಢಂ ಬಹು ನಃ ಪ್ರಮಾಣಮ್ ॥ ೯೦-೪ ॥

ಶ್ರೀಶಙ್ಕರೋಽಪಿ ಭಗವಾನ್ಸಕಲೇಷು ತಾವ-
ತ್ತ್ವಾಮೇವ ಮಾನಯತಿ ಯೋ ನ ಹಿ ಪಕ್ಷಪಾತೀ ।
ತ್ವನ್ನಿಷ್ಠಮೇವ ಸ ಹಿ ನಾಮಸಹಸ್ರಕಾದಿ
ವ್ಯಾಖ್ಯದ್ಭವತ್ಸ್ತುತಿಪರಶ್ಚ ಗತಿಂ ಗತೋಽನ್ತೇ ॥ ೯೦-೫ ॥

ಮೂರ್ತಿತ್ರಯಾತಿಗಮುವಾಚ ಚ ಮನ್ತ್ರಶಾಸ್ತ್ರ-
ಸ್ಯಾದೌ ಕಲಾಯಸುಷಮಂ ಸಕಲೇಶ್ವರಂ ತ್ವಾಮ್ ।
ಧ್ಯಾನಂ ಚ ನಿಷ್ಕಲಮಸೌ ಪ್ರಣವೇ ಖಲೂಕ್ತ್ವಾ
ತ್ವಾಮೇವ ತತ್ರ ಸಕಲಂ ನಿಜಗಾದ ನಾನ್ಯಮ್ ॥ ೯೦-೬ ॥

ಸಮಸ್ತಸಾರೇ ಚ ಪುರಾಣಸಙ್ಗ್ರಹೇ
ವಿಸಂಶಯಂ ತ್ವನ್ಮಹಿಮೈವ ವರ್ಣ್ಯತೇ ।
ತ್ರಿಮೂರ್ತಿಯುಕ್ಸತ್ಯಪದತ್ರಿಭಾಗತಃ
ಪರಂ ಪದಂ ತೇ ಕಥಿತಂ ನ ಶೂಲಿನಃ ॥ ೯೦-೭ ॥

ಯದ್ಬ್ರಾಹ್ಮಕಲ್ಪಮಿಹ ಭಾಗವತದ್ವಿತೀಯ-
ಸ್ಕನ್ಧೋದಿತಂ ವಪುರನಾವೃತಮೀಶ ಧಾತ್ರೇ ।
ತಸ್ಯೈವ ನಾಮ ಹರಿಶರ್ವಮುಖಂ ಜಗಾದ
ಶ್ರೀಮಾಧವಃ ಶಿವಪರೋಽಪಿ ಪುರಾಣಸಾರೇ ॥ ೯೦-೮ ॥

See Also  1000 Names Of Sri Hariharaputra In Kannada

ಯೇ ಸ್ವಪ್ರಕೃತ್ಯನುಗುಣಾ ಗಿರಿಶಂ ಭಜನ್ತೇ
ತೇಷಾಂ ಫಲಂ ಹಿ ದೃಢಯೈವ ತದೀಯಭಕ್ತ್ಯಾ ।
ವ್ಯಾಸೋ ಹಿ ತೇನ ಕೃತವಾನಧಿಕಾರಿಹೇತೋಃ
ಸ್ಕಾನ್ದಾದಿಕೇಷು ತವ ಹಾನಿವಚೋಽರ್ಥವಾದೈಃ ॥ ೯೦-೯ ॥

ಭೂತಾರ್ಥಕೀರ್ತಿರನುವಾದವಿರುದ್ಧವಾದೌ
ತ್ರೇಧಾರ್ಥವಾದಗತಯಃ ಖಲು ರೋಚನಾರ್ಥಾಃ ।
ಸ್ಕಾನ್ದಾದಿಕೇಷು ಬಹವೋಽತ್ರ ವಿರುದ್ಧವಾದಾ-
ಸ್ತ್ವತ್ತಾಮಸತ್ವಪರಿಭೂತ್ಯುಪಶಿಕ್ಷಣಾದ್ಯಾಃ ॥ ೯೦-೧೦ ॥

ಯತ್ಕಿಞ್ಚಿದಪ್ಯವಿದುಷಾಪಿ ವಿಭೋ ಮಯೋಕ್ತಂ
ತನ್ಮನ್ತ್ರಶಾಸ್ತ್ರವಚನಾದ್ಯಭಿದೃಷ್ಟಮೇವ ।
ವ್ಯಾಸೋಕ್ತಿಸಾರಮಯಭಾಗವತೋಪಗೀತ
ಕ್ಲೇಶಾನ್ವಿಧೂಯ ಕುರು ಭಕ್ತಿಭರಂ ಪರಾತ್ಮನ್ ॥ ೯೦-೧೧ ॥

ಇತಿ ನವತಿತಮದಶಕಂ ಸಮಾಪ್ತಮ್ ।

– Chant Stotras in other Languages –

Narayaneeyam Navatitamadasakam in English – Kannada – TeluguTamil