Narayaniyam Pancasastitamadasakam in Kannada:

॥ ನಾರಾಯಣೀಯಂ ಪಞ್ಚಷಷ್ಟಿತಮದಶಕಮ್ ॥

ನಾರಾಯಣೀಯಂ ಪಞ್ಚಷಷ್ಟಿತಮದಶಕಮ್ (೬೫) – ಗೋಪಿಕಾನಾಂ ಭಗವತ್ಸಾಮೀಪ್ಯಪ್ರಾಪ್ತಿಃ ।

ಗೋಪೀಜನಾಯ ಕಥಿತಂ ನಿಯಮಾವಸಾನೇ
ಮಾರೋತ್ಸವಂ ತ್ವಮಥ ಸಾಧಯಿತುಂ ಪ್ರವೃತ್ತಃ ।
ಸಾನ್ದ್ರೇಣ ಚಾನ್ದ್ರಮಹಸಾ ಶಿಶಿರೀಕೃತಾಶೇ
ಪ್ರಾಪೂರಯೋ ಮುರಲಿಕಾಂ ಯಮುನಾವನಾನ್ತೇ ॥ ೬೫-೧ ॥

ಸಮ್ಮೂರ್ಛನಾಭಿರುದಿತಸ್ವರಮಣ್ಡಲಾಭಿಃ
ಸಮ್ಮೂರ್ಛಯನ್ತಮಖಿಲಂ ಭುವನಾನ್ತರಾಲಮ್ ।
ತ್ವದ್ವೇಣುನಾದಮುಪಕರ್ಣ್ಯ ವಿಭೋ ತರುಣ್ಯ-
ಸ್ತತ್ತಾದೃಶಂ ಕಮಪಿ ಚಿತ್ತವಿಮೋಹಮಾಪುಃ ॥ ೬೫-೨ ॥

ತಾ ಗೇಹಕೃತ್ಯನಿರತಾಸ್ತನಯಪ್ರಸಕ್ತಾಃ
ಕಾನ್ತೋಪಸೇವನಪರಾಶ್ಚ ಸರೋರುಹಾಕ್ಷ್ಯಃ ।
ಸರ್ವಂ ವಿಸೃಜ್ಯ ಮುರಲೀರವಮೋಹಿತಾಸ್ತೇ
ಕಾನ್ತಾರದೇಶಮಯಿ ಕಾನ್ತತನೋ ಸಮೇತಾಃ ॥ ೬೫-೩ ॥

ಕಾಶ್ಚಿನ್ನಿಜಾಙ್ಗಪರಿಭೂಷಣಮಾದಧಾನಾ
ವೇಣುಪ್ರಣಾದಮುಪಕರ್ಣ್ಯ ಕೃತಾರ್ಧಭೂಷಾಃ ।
ತ್ವಾಮಾಗತಾ ನನು ತಥೈವ ವಿಭೂಷಿತಾಭ್ಯ-
ಸ್ತಾ ಏವ ಸಂರುರುಚಿರೇ ತವ ಲೋಚನಾಯ ॥ ೬೫-೪ ॥

ಹಾರಂ ನಿತಂಬಭುವಿ ಕಾಚನ ಧಾರಯನ್ತೀ
ಕಾಞ್ಚೀಂ ಚ ಕಣ್ಠಭುವಿ ದೇವ ಸಮಾಗತಾ ತ್ವಾಮ್ ।
ಹಾರಿತ್ವಮಾತ್ಮಜಘನಸ್ಯ ಮುಕುನ್ದ ತುಭ್ಯಂ
ವ್ಯಕ್ತಂ ಬಭಾಷ ಇವ ಮುಗ್ಧಮುಖೀ ವಿಶೇಷಾತ್ ॥ ೬೫-೫ ॥

ಕಾಚಿತ್ಕುಚೇ ಪುನರಸಜ್ಜಿತಕಞ್ಚುಲೀಕಾ
ವ್ಯಾಮೋಹತಃ ಪರವಧೂಭಿರಲಕ್ಷ್ಯಮಾಣಾ ।
ತ್ವಾಮಾಯಯೌ ನಿರುಪಮಪ್ರಣಯಾತಿಭಾರ-
ರಾಜ್ಯಾಭಿಷೇಕವಿಧಯೇ ಕಲಶೀಧರೇವ ॥ ೬೫-೬ ॥

ಕಾಶ್ಚಿದ್ಗೃಹಾತ್ಕಿಲ ನಿರೇತುಮಪಾರಯನ್ತ್ಯ-
ಸ್ತ್ವಾಮೇವ ದೇವ ಹೃದಯೇ ಸುದೃಢಂ ವಿಭಾವ್ಯ ।
ದೇಹಂ ವಿಧೂಯ ಪರಚಿತ್ಸುಖರೂಪಮೇಕಂ
ತ್ವಾಮಾವಿಶನ್ಪರಮಿಮಾ ನನು ಧನ್ಯಧನ್ಯಾಃ ॥ ೬೫-೭ ॥

ಜಾರಾತ್ಮನಾ ನ ಪರಮಾತ್ಮತಯಾ ಸ್ಮರನ್ತ್ಯೋ
ನಾರ್ಯೋ ಗತಾಃ ಪರಮಹಂಸಗತಿಂ ಕ್ಷಣೇನ ।
ತಂ ತ್ವಾಂ ಪ್ರಕಾಶಪರಮಾತ್ಮತನುಂ ಕಥಞ್ಚಿ-
ಚ್ಚಿತ್ತೇ ವಹನ್ನಮೃತಮಶ್ರಮಮಶ್ನುವೀಯ ॥ ೬೫-೮ ॥

ಅಭ್ಯಾಗತಾಭಿರಭಿತೋ ವ್ರಜಸುನ್ದರೀಭಿ-
ರ್ಮುಗ್ಧಸ್ಮಿತಾರ್ದ್ರವದನಃ ಕರುಣಾವಲೋಕೀ ।
ನಿಸ್ಸೀಮಕಾನ್ತಿಜಲಧಿಸ್ತ್ವಮವೇಕ್ಷ್ಯಮಾಣೋ
ವಿಶ್ವೈಕಹೃದ್ಯ ಹರ ಮೇ ಪವನೇಶ ರೋಗಾನ್ ॥ ೬೫-೯ ॥

ಇತಿ ಪಞ್ಚಷಷ್ಟಿತಮದಶಕಂ ಸಮಾಪ್ತಮ್ ।

– Chant Stotras in other Languages –

Narayaneeyam Pancasastitamadasakam in English – Kannada – Telugu – Tamil