Narayaniyam Pancasastitamadasakam In Telugu – Narayaneyam Dasakam 65

Narayaniyam Pancasastitamadasakam in Telugu:

॥ నారాయణీయం పఞ్చషష్టితమదశకమ్ ॥

పఞ్చషష్టితమదశకమ్ (౬౫) – గోపికానాం భగవత్సామీప్యప్రాప్తిః ।

గోపీజనాయ కథితం నియమావసానే
మారోత్సవం త్వమథ సాధయితుం ప్రవృత్తః ।
సాన్ద్రేణ చాన్ద్రమహసా శిశిరీకృతాశే
ప్రాపూరయో మురలికాం యమునావనాన్తే ॥ ౬౫-౧ ॥

సమ్మూర్ఛనాభిరుదితస్వరమణ్డలాభిః
సమ్మూర్ఛయన్తమఖిలం భువనాన్తరాలమ్ ।
త్వద్వేణునాదముపకర్ణ్య విభో తరుణ్య-
స్తత్తాదృశం కమపి చిత్తవిమోహమాపుః ॥ ౬౫-౨ ॥

తా గేహకృత్యనిరతాస్తనయప్రసక్తాః
కాన్తోపసేవనపరాశ్చ సరోరుహాక్ష్యః ।
సర్వం విసృజ్య మురలీరవమోహితాస్తే
కాన్తారదేశమయి కాన్తతనో సమేతాః ॥ ౬౫-౩ ॥

కాశ్చిన్నిజాఙ్గపరిభూషణమాదధానా
వేణుప్రణాదముపకర్ణ్య కృతార్ధభూషాః ।
త్వామాగతా నను తథైవ విభూషితాభ్య-
స్తా ఏవ సంరురుచిరే తవ లోచనాయ ॥ ౬౫-౪ ॥

హారం నితంబభువి కాచన ధారయన్తీ
కాఞ్చీం చ కణ్ఠభువి దేవ సమాగతా త్వామ్ ।
హారిత్వమాత్మజఘనస్య ముకున్ద తుభ్యం
వ్యక్తం బభాష ఇవ ముగ్ధముఖీ విశేషాత్ ॥ ౬౫-౫ ॥

కాచిత్కుచే పునరసజ్జితకఞ్చులీకా
వ్యామోహతః పరవధూభిరలక్ష్యమాణా ।
త్వామాయయౌ నిరుపమప్రణయాతిభార-
రాజ్యాభిషేకవిధయే కలశీధరేవ ॥ ౬౫-౬ ॥

కాశ్చిద్గృహాత్కిల నిరేతుమపారయన్త్య-
స్త్వామేవ దేవ హృదయే సుదృఢం విభావ్య ।
దేహం విధూయ పరచిత్సుఖరూపమేకం
త్వామావిశన్పరమిమా నను ధన్యధన్యాః ॥ ౬౫-౭ ॥

జారాత్మనా న పరమాత్మతయా స్మరన్త్యో
నార్యో గతాః పరమహంసగతిం క్షణేన ।
తం త్వాం ప్రకాశపరమాత్మతనుం కథఞ్చి-
చ్చిత్తే వహన్నమృతమశ్రమమశ్నువీయ ॥ ౬౫-౮ ॥

అభ్యాగతాభిరభితో వ్రజసున్దరీభి-
ర్ముగ్ధస్మితార్ద్రవదనః కరుణావలోకీ ।
నిస్సీమకాన్తిజలధిస్త్వమవేక్ష్యమాణో
విశ్వైకహృద్య హర మే పవనేశ రోగాన్ ॥ ౬౫-౯ ॥

See Also  Dhanyashtakam In Telugu

ఇతి పఞ్చషష్టితమదశకం సమాప్తమ్ ।

– Chant Stotras in other Languages –

Narayaneeyam Pancasastitamadasakam in EnglishKannada – Telugu – Tamil