Narayaniyam Trisastitamadasakam in Tamil:

॥ நாராயணீயம் த்ரிஷஷ்டிதமத³ஶகம் ॥

த்ரிஷஷ்டிதமத³ஶகம் (63) – கோ³வர்த⁴னோத்³தா⁴ரணம்

த³த்³ருஶிரே கில தத்க்ஷணமக்ஷத-
ஸ்தனிதஜ்ரும்பி⁴தகம்பிததி³க்தடா꞉ ।
ஸுஷமயா ப⁴வத³ங்க³துலாம் க³தா
வ்ரஜபதோ³பரி வாரித⁴ராஸ்த்வயா ॥ 63-1 ॥

விபுலகரகமிஶ்ரைஸ்தோயதா⁴ரானிபாதை-
ர்தி³ஶி தி³ஶி பஶுபானாம் மண்ட³லே த³ண்ட்³யமானே ।
குபிதஹரிக்ருதான்ன꞉ பாஹி பாஹீதி தேஷாம்
வசனமஜித ஶ்ருண்வன்மா பி³பீ⁴தேத்யபா⁴ணீ꞉ ॥ 63-2 ॥

குல இஹ க²லு கோ³த்ரோ தை³வதம் கோ³த்ரஶத்ரோ-
ர்விஹதிமிஹ ஸ ருந்த்⁴யாத்கோ நு꞉ வ꞉ ஸம்ஶாயோ(அ)ஸ்மின் ।
இதி ஸஹஸிதவாதீ³ தே³வ கோ³வர்த⁴னாத்³ரிம்
த்வரிதமுத³முமூலோ மூலதோ பா³லதோ³ர்ப்⁴யாம் ॥ 63-3 ॥

தத³னு கி³ரிவரஸ்ய ப்ரோத்³த்⁴ருதஸ்யாஸ்ய தாவத்
ஸிகதிலம்ருது³தே³ஶே தூ³ரதோ வாரிதாபே ।
பரிகரபரிமிஶ்ராந்தே⁴னுகோ³பானத⁴ஸ்தா-
து³பனித³த⁴த³த⁴த்தா² ஹஸ்தபத்³மேன ஶைலம் ॥ 63-4 ॥

ப⁴வதி வித்⁴ருதஶைலே பா³லிகாபி⁴ர்வயஸ்யை-
ரபி விஹிதவிலாஸம் கேலிலாபாதி³லோலே ।
ஸவித⁴மிலிததே⁴னூரேகஹஸ்தேன கண்டூ³-
யதி ஸதி பஶுபாலாஸ்தோஷமைஷந்த ஸர்வே ॥ 63-5 ॥

அதிமஹான் கி³ரிரேஷ து வாமகே
கரஸரோருஹி தே த⁴ரதே சிரம் – [**தம் த⁴ரதே**]
கிமித³மத்³பு⁴தமத்³ரிப³லம் ந்விதி
த்வத³வலோகிபி⁴ராகதி² கோ³பகை꞉ ॥ 63-6 ॥

அஹஹ தா⁴ர்ஷ்ட்யமமுஷ்ய வடோர்கி³ரிம்
வ்யதி²தபா³ஹுரஸாவவரோபயேத் ।
இதி ஹரிஸ்த்வயி ப³த்³த⁴விக³ர்ஹணோ
தி³வஸஸப்தகமுக்³ரமவர்ஷயத் ॥ 63-7 ॥

அசலதி த்வயி தே³வ பதா³த்பத³ம்
க³லிதஸர்வஜலே ச க⁴னோத்கரே ।
அபஹ்ருதே மருதா மருதாம் பதி-
ஸ்த்வத³பி⁴ஶங்கிததீ⁴꞉ ஸமுபாத்³ரவத் ॥ 63-8 ॥

ஶமமுபேயுஷி வர்ஷப⁴ரே ததா³
பஶுபதே⁴னுகுலே ச வினிர்க³தே ।
பு⁴வி விபோ⁴ ஸமுபாஹிதபூ⁴த⁴ர꞉
ப்ரமுதி³தை꞉ பஶுபை꞉ பரிரேபி⁴ஷே ॥ 63-9 ॥

த⁴ரணிமேவ புரா த்⁴ருதவானஸி
க்ஷிதித⁴ரோத்³த⁴ரணே தவ க꞉ ஶ்ரம꞉ ।
இதி நுதஸ்த்ரித³ஶை꞉ கமலாபதே
கு³ருபுராலய பாலய மாம் க³தா³த் ॥ 63-10 ॥

இதி த்ரிஷஷ்டிதமத³ஶகம் ஸமாப்தம் ।

– Chant Stotras in other Languages –

Narayaneeyam Trisastitamadasakam in English – Kannada – Telugu – Tamil