Sadashiva Pancharatnam In Telugu – Telugu Shlokas

॥ Sadashiva Pancharatnam Telugu Lyrics ॥

॥ సదాశివ పఞ్చరత్నమ్ ॥
శివాయ నమః ॥

సదాశివపఞ్చరత్నమ్ ।

యత్సన్దర్శనమాత్రాద్భక్తిర్జాతాప్యవిద్ధకర్ణస్య ।
తత్సన్దర్శనమధునా కృత్వా నూనం కృతార్థోఽస్మి ॥ ౧ ॥

యోఽనిశమాత్మన్యేవ హ్యాత్మానం సన్దధద్వీథ్యామ్ ।
భస్మచ్ఛన్నానల ఇవ జడాకృతిశ్చరతి తం నౌమి ॥ ౨ ॥

యస్య విలోకనమాత్రాచ్చేతసి సఞ్జాయతే శీఘ్రమ్ ।
వైరాగ్యమచలమఖిలేష్వపి విషయేషు ప్రణౌమి తం యమినమ్ ॥ ౩ ॥

పురతో భవతు కృపాబ్ధిః పురవైరినివిష్టమానసః సోఽయమ్ ।
పరమశివేన్ద్రకరామ్బుజసఞ్జాతో యః సదాశివేన్ద్రో మే ॥ ౪ ॥

ఉన్మత్తవత్సఞ్చరతీహ శిష్యస్తవేతి లోకస్య వచాంసి శ్రౄణ్వన్ ।
ఖిద్యత్రువాచాస్య గురుః పురాహో హ్యున్మత్తతా మే న హి తాదృశీతి ॥ ౫ ॥

పఞ్చకమేతద్భక్త్యా శ్లోకానాం విరచితం లోకే ।
యః పఠతి సోఽపి లభతే కరుణాం శీఘ్రం సదాశివేన్ద్రస్య ॥ ౬ ॥

ఇతి సదాశివపఞ్చరత్నమ్ సంపూర్ణమ్ ॥

– Chant Stotra in Other Languages –

Sadashiva Pancharatnam in EnglishMarathiGujarati । BengaliKannadaMalayalam – Telugu

See Also  108 Names Of Maa Durga 3 – Durga Devi Ashtottara Shatanamavali 3 In Telugu