॥ Shanmukha Dhyana Sloka English Lyrics ॥
॥ ṣaṇmukha dhyāna ślōkā ॥
ṣaḍānanaṁ triṣaṇṇētraṁ vidrumābhaṁ dvipādakam ।
khaḍgābhayagadāśaktikhēṭaṁ dakṣiṇabāhubhiḥ ॥ 1 ॥
varapadmadhanuḥśūlavajrān vāmēna dhāriṇam ।
vajrapravālavaiḍūryapratyuptamakuṭānvitam ॥ 2 ॥
pītāmbaravibhūṣāḍhyaṁ divyagandhānulēpanam ।
ratnādyābharaṇairyuktaṁ prasannavadanānvitam ॥ 3 ॥
mayūrēśasamāsīnaṁ sarvābharaṇabhūṣitam ।
guhaṁ ṣōḍaśavētānaṁ ṣaṇmukhaṁ ca vibhāvayēt ॥ 4 ॥
– pūrvamukha dhyānam –
vacadbhuvaṁ śaśāṅkābhaṁ ēkavaktraṁ trilōcanam ।
caturbhujasamāyuktaṁ varābhayasamanvitam ॥
savyē cānyē daṇḍayutaṁ ūrūhastaṁ ca vāmakē ।
rudrākṣamālābharaṇaṁ bhasmapuṇḍrāṅkitaṁ kramāt ॥
puraścūḍāsamāyuktaṁ mauñjīkaupīnadhāriṇam ।
akṣamālāsamāyuktaṁ pādukādvayabhūṣitam ॥
kāṣāyavastrasamyuktaṁ vacadbhuvaṁ vibhāvayēt ॥
– dakṣiṇamukha dhyānam –
jagadbhūtaṁ bhr̥ṅgavarṇaṁ ēkavaktraṁ varābhayam ।
śaktiśūlasamāyuktaṁ karaṇḍamakuṭānvitam ।
mayurēśasamāsīnaṁ bhāvayē ca viśēṣataḥ ॥
– nairr̥timukha dhyānam –
viśvabhuvaṁ ca raktābhaṁ ēkavaktraṁ trilōcanam ।
varābhayakarōpētaṁ khaḍgakhēṭakasamyutam ।
mayūravāhanārūḍhaṁ bhāvayētsatataṁ mudā ॥
– paścimamukha dhyānam –
śuklavarṇaṁ brahmabhuvaṁ ēkavaktraṁ trilōcanam ।
varābhayasamāyuktaṁ ghaṇṭānādasamanvitam ।
mayūrēśasamāsīnaṁ bhāvayē ca viśēṣataḥ ॥
– uttaramukha dhyānam –
hēmavarṇaṁ cāgnibhuvaṁ trinētraṁ caikavaktrakam ।
varābhayasamāyuktaṁ gadādhvajasamanvitam ।
mayūravāhanārūḍhaṁ bhāvayēdvahnisambhavam ॥
– īśānamukha dhyānam –
br̥hadbhuvaṁ ca sphaṭikavarṇābhaṁ caikavaktrakam ।
varābhayasamāyuktaṁ trinētraṁ yajñasūtrakam ।
mayūrēśasamāsīnaṁ br̥hadbhuvaṁ vibhāvayēt ॥
ōṁ namō bhagavatē subrahmaṇyāya ।
– Chant Stotra in Other Languages –
Sri Subrahmanya / Kartikeya / Muruga Stotram » Shanmukha Dhyana Sloka in Lyrics in Sanskrit » Kannada » Telugu » Tamil