॥ Shiva Ashtottara Shatanama Stotram Odia Lyrics ॥
॥ ଶ୍ରୀଶିଵାଷ୍ଟୋତ୍ତରଶତନାମସ୍ତୋତ୍ରମ୍ ॥
ନାରାୟଣ ଉଵାଚ ।
ଅସ୍ତି ଗୁହ୍ୟତମଂ ଗୌରି ନାମ୍ନାମଷ୍ଟୋତ୍ତରଂ ଶତମ୍ ।
ଶମ୍ଭୋରହଂ ପ୍ରଵକ୍ଷ୍ୟାମି ପଠତାଂ ଶୀଘ୍ରକାମଦମ୍ ॥
ଓଂ ଅସ୍ୟ ଶ୍ରୀଶିଵାଷ୍ଟୋତ୍ତରଶତନାମସ୍ତୋତ୍ରମନ୍ତ୍ରସ୍ୟ ନାରାୟଣଋଷିଃ ।
ଅନୁଷ୍ଟୁପ୍ଛନ୍ଦଃ । ଶ୍ରୀସଦାଶିଵୋ ଦେଵତା । ଗୌରୀ ଉମା ଶକ୍ତିଃ ।
ଶ୍ରୀସାମ୍ବସଦାଶିଵପ୍ରୀତ୍ୟର୍ଥେ ଜପେ ଵିନିୟୋଗଃ ॥
ଅଥ ଧ୍ୟାନମ୍ –
ଶାନ୍ତାକାରଂ ଶିଖରିଶୟନଂ ନୀଲକଣ୍ଠଂ ସୁରେଶଂ
ଵିଶ୍ଵଧାରଂ ସ୍ଫଟିକସଦୃଶଂ ଶୁଭ୍ରଵର୍ଣଂ ଶୁଭାଙ୍ଗମ୍ ।
ଗୌରୀକାନ୍ତଂ ତ୍ରିତୟନୟନଂ ୟୋଗିଭିର୍ଧ୍ୟାନଗମ୍ୟଂ
ଵନ୍ଦେ ଶମ୍ଭୁଂ ଭଵଭୟହରଂ ସର୍ଵଲୋକୈକନାଥମ୍ ॥
ଶିଵୋ ମହେଶ୍ଵରଶ୍ଶମ୍ଭୁଃ ପିନାକୀ ଶଶିଶେଖରଃ ।
ଵାମଦେଵୋ ଵିରୂପାକ୍ଷଃ କପର୍ଦୀ ନୀଲଲୋହିତଃ ॥ ୧ ॥
ଶଙ୍କରଶ୍ଶୂଲପାଣିଶ୍ଚ ଖଟ୍ଵାଙ୍ଗୀ ଵିଷ୍ଣୁଵଲ୍ଲଭଃ ।
ଶିପିଵିଷ୍ଟୋଽମ୍ବିକାନାଥଃ ଶ୍ରୀକଣ୍ଠୋ ଭକ୍ତଵତ୍ସଲଃ ॥ ୨ ॥
ଭଵଶ୍ଶର୍ଵସ୍ତ୍ରିଲୋକେଶଶ୍ଶିତିକଣ୍ଠଶ୍ଶିଵାପ୍ରିୟଃ ।
ଉଗ୍ରଃ କପାଲୀ କାମାରିଃ ଅନ୍ଧକାସୁରସୂଦନଃ ॥ ୩ ॥
ଗଙ୍ଗାଧରୋ ଲଲାଟାକ୍ଷଃ କାଲକାଲଃ କୃପାନିଧିଃ ।
ଭୀମଃ ପରଶୁହସ୍ତଶ୍ଚ ମୃଗପାଣିର୍ଜଟାଧରଃ ॥ ୪ ॥
କୈଲାସଵାସୀ କଵଚୀ କଠୋରସ୍ତ୍ରିପୁରାନ୍ତକଃ ।
ଵୃଷାଙ୍କୋ ଵୃଷଭାରୂଢୋ ଭସ୍ମୋଦ୍ଧୂଲିତଵିଗ୍ରହଃ ॥ ୫ ॥
ସାମପ୍ରିୟସ୍ସ୍ଵରମୟସ୍ତ୍ରୟୀମୂର୍ତିରନୀଶ୍ଵରଃ ।
ସର୍ଵଜ୍ଞଃ ପରମାତ୍ମା ଚ ସୋମସୂର୍ୟାଗ୍ନିଲୋଚନଃ ॥ ୬ ॥
ହଵିର୍ୟଜ୍ଞମୟସ୍ସୋମଃ ପଞ୍ଚଵକ୍ତ୍ରସ୍ସଦାଶିଵଃ ।
ଵିଶ୍ଵେଶ୍ଵରୋ ଵୀରଭଦ୍ରୋ ଗଣନାଥଃ ପ୍ରଜାପତିଃ ॥ ୭ ॥
ହିରଣ୍ୟରେତା ଦୁର୍ଧର୍ଷଃ ଗିରୀଶୋ ଗିରିଶୋଽନଘଃ ।
ଭୁଜଙ୍ଗଭୂଷଣୋ ଭର୍ଗୋ ଗିରିଧନ୍ଵା ଗିରିପ୍ରିୟଃ ॥ ୮ ॥
କୃତ୍ତିଵାସା ପୁରାରାତିର୍ଭଗଵାନ୍ ପ୍ରମଥାଧିପଃ ।
ମୃତ୍ୟୁଞ୍ଜୟସ୍ସୂକ୍ଷ୍ମତନୁର୍ଜଗଦ୍ଵ୍ୟାପୀ ଜଗଦ୍ଗୁରୁଃ ॥ ୯ ॥
ଵ୍ୟୋମକେଶୋ ମହାସେନଜନକଶ୍ଚାରୁଵିକ୍ରମଃ ।
ରୁଦ୍ରୋ ଭୂତପତିଃ ସ୍ଥାଣୁରହିର୍ଭୁଧ୍ନ୍ୟୋ ଦିଗମ୍ବରଃ ॥ ୧୦ ॥
ଅଷ୍ଟମୂର୍ତିରନେକାତ୍ମା ସାତ୍ତ୍ଵିକଶ୍ଶୁଦ୍ଧଵିଗ୍ରହଃ ।
ଶାଶ୍ଵତଃ ଖଣ୍ଡପରଶୁରଜଃ ପାଶଵିମୋଚକଃ ॥ ୧୧ ॥
ମୃଡଃ ପଶୁପତିର୍ଦେଵୋ ମହାଦେଵୋଽଵ୍ୟୟୋ ହରିଃ ।
ଭଗନେତ୍ରଭିଦଵ୍ୟକ୍ତୋ ଦକ୍ଷାଧ୍ଵରହରୋ ହରଃ ॥ ୧୨ ॥
ପୂଷାଦନ୍ତଭିଦଵ୍ୟଗ୍ରୋ ସହସ୍ରାକ୍ଷସ୍ସହସ୍ରପାତ୍ ।
ଅପଵର୍ଗପ୍ରଦୋଽନନ୍ତସ୍ତାରକଃ ପରମେଶ୍ଵରଃ ॥ ୧୩ ॥
ଫଲଶ୍ରୁତିଃ ।
ଏତଦଷ୍ଟୋତ୍ତରଂ ନାମ୍ନାଂ ଶତମାମ୍ନାୟସଂମିତଂ ।
ଶଙ୍କରସ୍ୟ ପ୍ରିୟା ଗୌରୀ ଜପ୍ତ୍ଵା ଶମ୍ଭୁପ୍ରସାଦଦମ୍ ॥ ୧ ॥
ତ୍ରୈକାଲ୍ୟମନ୍ଵହଂ ଦେଵୀ ଵର୍ଷମେକଂ ପ୍ରୟତ୍ନତଃ ।
ଅଵାପ ସା ଶରୀରାର୍ଧଂ ପ୍ରସାଦାଚ୍ଛୂଲପାଣିନଃ ॥ ୨ ॥
ୟସ୍ତ୍ରିସନ୍ଧ୍ୟଂ ପଠେନ୍ନିତ୍ୟଂ ନାମ୍ନାମଷ୍ଟୋତ୍ତରଂ ଶତମ୍ ।
ଶତରୁଦ୍ରତ୍ରିରାଵୃତ୍ୟା ୟତ୍ଫଲଂ ଲଭତେ ନରଃ ॥ ୩ ॥
ତତ୍ଫଲଂ ପ୍ରାପ୍ନୁୟାନ୍ନିତ୍ୟମେକାଵୃତ୍ତ୍ୟା ନସଂଶୟଃ ।
ସକୃଦ୍ଵା ନାମଭିଃ ପୂଜ୍ୟ କୁଲକୋଟିଂ ସମୁଦ୍ଧରେତ୍ ॥ ୪ ॥
ବିଲ୍ଵପତ୍ରୈଃ ପ୍ରଶସ୍ତୈଶ୍ଚ ପୁଷ୍ପୈଶ୍ଚ ତୁଲସୀଦଲୈଃ ।
ତିଲାକ୍ଷତୈର୍ୟଜେଦ୍ୟସ୍ତୁ ଜୀଵନ୍ମୁକ୍ତୋ ନ ସଂଶୟଃ ॥ ୫ ॥
ଇତି ଶ୍ରୀଶିଵାଷ୍ଟୋତ୍ତରଶତନାମସ୍ତ୍ରୋତ୍ରଂ ସମାପ୍ତମ୍ ॥
– Chant Stotra in Other Languages –
Shiva Ashtottara Shatanama Stotram in Sanskrit – English – Bengali – Gujarati – – Marathi – Kannada – Malayalam – Odia – Telugu – Tamil