Shri Subrahmanya Gadyam In Kannada

॥ Shri Subrahmaya Gadyam Kannada Lyrics ॥

॥ ಶ್ರೀ ಸುಬ್ರಹ್ಮಣ್ಯ ಗದ್ಯಂ ॥
ಪುರಹರನಂದನ ।
ರಿಪುಕುಲಭಂಜನ ।
ದಿನಕರಕೋಟಿರೂಪ ।
ಪರಿಹೃತಲೋಕತಾಪ ।
ಶಿಖೀಂದ್ರವಾಹನ ।
ಮಹೇಂದ್ರಪಾಲನ ।
ವಿಧೃತಸಕಲಭುವನಮೂಲ ।
ವಿಧುತನಿಖಿಲದನುಜತೂಲ ।
ತಾಪಸಸಮಾರಾಧಿತ ।
ಪಾಪಜವಿಕಾರಾಜಿತ ॥

ತಾರುಣ್ಯವಿಜಿತಮಾರಾಕಾರ ।
ಕಾರುಣ್ಯಸಲಿಲಪೂರಾಧಾರ ।
ಮಯೂರವರವಾಹನ ।
ಮಹೇಂದ್ರಗಿರಿಕೇತನ ।
ಭಕ್ತಿಪರಗಮ್ಯ ।
ಶಕ್ತಿಕರರಮ್ಯ ।
ಪರಿಪಾಲಿತನಾಕ ।
ಪುರಶಾಸನಪಾಕ ।
ನಿಖಿಲಲೋಕನಾಯಕ ।
ಗಿರಿವಿದಾರಿಸಾಯಕ ॥

ಮಹಾದೇವಭಾಗಧೇಯ ।
ಮಹಾಪುಣ್ಯನಾಮಧೇಯ ।
ವಿನತಶೋಕವಾರಣ ।
ವಿವಿಧಲೋಕಕಾರಣ ।
ಸುರವೈರಿಕಾಲ ।
ಪುರವೈರಿಬಾಲ ।
ಭವಬಂಧವಿಮೋಚನ ।
ದಳದಂಬುವಿಲೋಚನ ।
ಕರುಣಾಮೃತರಸಸಾಗರ ।
ತರುಣಾಮೃತಕರಶೇಖರ ॥

ವಲ್ಲೀಮಾನಹಾರಿವೇಷ ।
ಮಲ್ಲೀಮಾಲಭಾರಿಕೇಶ ।
ಪರಿಪಾಲಿತವಿಬುಧಲೋಕ ।
ಪರಿಕಾಲಿತವಿನತಶೋಕ ।
ಮುಖವಿಜಿತಚಂದ್ರ ।
ನಿಖಿಲಗುಣಮಂದಿರ ।
ಭಾನುಕೋಟಿಸದೃಶರೂಪ ।
ಭಾನುಕೋಪಭಯದಚಾಪ ।
ಪಿತೃಮನೋಹಾರಿಮಂದಹಾಸ ।
ರಿಪುಶಿರೋದಾರಿಚಂದ್ರಹಾಸ ॥

ಶ್ರುತಿಕಲಿತಮಣಿಕುಂಡಲ ।
ರುಚಿವಿಜಿತರವಿಮಂಡಲ ।
ಭುಜವರವಿಜಿತಸಾಲ ।
ಭಜನಪರಮನುಜಪಾಲ ।
ನವವೀರಸಂಸೇವಿತ ।
ರಣಧೀರಸಂಭಾವಿತ ।
ಮನೋಹಾರಿಶೀಲ ।
ಮಹೇಂದ್ರಾರಿಕೀಲ ।
ಕುಸುಮವಿಶದಹಾಸ ।
ಕುಲಶಿಖರಿನಿವಾಸ ॥

ವಿಜಿತಕರಣಮುನಿಸೇವಿತ ।
ವಿಗತಮರಣಜನಿಭಾಷಿತ ।
ಸ್ಕಂದಪುರನಿವಾಸ ।
ನಂದನಕೃತವಿಲಾಸ ।
ಕಮಲಾಸನವಿನತ ।
ಚತುರಾಗಮವಿನುತ ।
ಕಲಿಮಲವಿಹೀನಕೃತಸೇವನ ।
ಸರಸಿಜನಿಕಾಶಶುಭಲೋಚನ ।
ಅಹಾರ್ಯವರಧೀರ ।
ಅನಾರ್ಯನರದೂರ ॥

ವಿದಳಿತರೋಗಜಾಲ ।
ವಿರಚಿತಭೋಗಮೂಲ ।
ಭೋಗೀಂದ್ರಭಾಸಿತ ।
ಯೋಗೀಂದ್ರಭಾವಿತ ।
ಪಾಕಶಾಸನಪರಿಪೂಜಿತ ।
ನಾಕವಾಸಿನಿಕರಸೇವಿತ ।
ವಿದ್ರುತವಿದ್ಯಾಧರ ।
ವಿದ್ರುಮಹೃದ್ಯಾಧರ ।
ದಲಿತದನುಜವೇತಂಡ ।
ವಿಬುಧವರದಕೋದಂಡ ॥

ಪರಿಪಾಲಿತಭೂಸುರ ।
ಮಣಿಭೂಷಣಭಾಸುರ ।
ಅತಿರಮ್ಯಸ್ವಭಾವ ।
ಶ್ರುತಿಗಮ್ಯಪ್ರಭಾವ ।
ಲೀಲಾವಿಶೇಷತೋಷಿತ ಶಂಕರ ।
ಹೇಲಾವಿಶೇಷಕಲಿತಸಂಗರ ।
ಸುಮಸಮರದನ ।
ಶಶಧರವದನ ।
ಸುಬ್ರಹ್ಮಣ್ಯ ವಿಜಯೀ ಭವ ।
ವಿಜಯೀ ಭವ ।

ಇತಿ ಶ್ರೀಸುಬ್ರಹ್ಮಣ್ಯಗದ್ಯಮ್ ॥

– Chant Stotra in Other Languages –

Sri Subrahmanya / Kartikeya / Muruga Stotram » Shri Subrahmanya Gadyam in Lyrics in Sanskrit » English » Telugu » Tamil