॥ Sri Balakrishna Ashtakam Gujarati Lyrics ॥
॥ શ્રીબાલકૃષ્ણાષ્ટકમ્ ॥
યત્કૃપાદૃષ્ટિસદ્વૃષ્ટિસિક્તા ભક્તા નિરન્તરમ્ ।
ભવન્તિ સુખિનઃ સ્નિગ્ધાસ્તં શ્રીબાલહરિં ભજે ॥ ૧ ॥
પ્રતિપક્ષક્ષયાત્ક્ષોણ્યામઙ્ક્ષુ જાતં મહદ્યશઃ ।
યત્કૃપાલેશમાત્રેણ તં શ્રીબાલહરિં ભજે ॥ ૨ ॥
સ્વીયવિશ્લેષજક્લેશો નષ્ટઃ પુષ્ટઃ સુખોદિતઃ ।
યત્કૃપાલેશમાત્રેણ તં શ્રીબાલહરિં ભજે ॥ ૩ ॥
સુસ્થિરં સુદૃઢં પૂર્ણં પ્રિયં પ્રાપ્યેત સત્વરમ્ ।
યત્કૃપાલેશમાત્રેણ તં શ્રીબાલહરિં ભજે ॥ ૪ ॥
સુસમ્પદા સત્કલયા સદ્વિદ્યાવૃદ્ધિગામિની ।
યત્કૃપાલેશમાત્રેણ તં શ્રીબાલહરિં ભજે ॥ ૫ ॥
અનન્યાઽહૈતુકી પૂર્ણા સ ભક્તિઃ સુદૃઢા ભવેત્ ।
યત્કૃપાલેશમાત્રેણ તં શ્રીબાલહરિં ભજે ॥ ૬ ॥
ઇયત્તારહિતો નિત્ય આનન્દઃ પ્રાપ્યતેઽનિશમ્ ।
યત્કૃપાલેશમાત્રેણ તં શ્રીબાલહરિ ભજે ॥ ૭ ॥
શ્રીવલ્લભેશપાદાબ્જે રતિઃ સ્યાદ્વિમલા પરા ।
યત્કૃપાલેશમાત્રેણ તં શ્રીબાલહરિં ભજે ॥ ૮ ॥
અષ્ટકં શ્રીબાલહરેરિદં મઙ્ગલકૃત્પ્રિયમ્ ।
પઠેદ્વા શૃણુયાદ્ભક્ત્યા ફલં વિન્દેત્સ વાઞ્છિતમ્ ॥ ૯ ॥
ઇતિ શ્રીમદ્વલ્લભાચાર્યચરણૈકતાન-
શ્રીમદ્ગોકુલોત્સવાત્મજશ્રીજીવનેશજીવિરચિતં
શ્રીબાલકૃષ્ણાષ્ટકં સમાપ્તમ્ ।
– Chant Stotra in Other Languages –
Sri Krishna Slokam » Sri Balakrishna Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil