॥ Sri Dananirvartanakundashtakam Malayalam Lyrics ॥
॥ ശ്രീദാനനിര്‍വര്‍തനകുണ്ഡാഷ്ടകം ॥
സ്വദയിതഗിരികച്ഛേ ഗവ്യദാനാര്‍ഥമുച്ചൈഃ
കപടകലഹകേലിം കുര്‍വതോര്‍നവ്യയൂനോഃ ।
നിജജനകൃതദര്‍പൈഃ ഫുല്ലതോരീക്ഷകേഽസ്മി-
ന്‍സരസി ഭവതു വാസോ ദാനനിര്‍വര്‍തനേ നഃ ॥ 1 ॥
നിഭൃതമജനി യസ്മാദ്ദാനനിര്‍വൃത്തിരസ്മി-
നത ഇദമഭിധാനം പ്രാപ യത്തത്സഭായാം ।
രസവിമുഖനിഗൂഢേ തത്ര തജ്ഞൈകവേദ്യേ
സരസി ഭവതു വാസോ ദാനനിര്‍വര്‍തനേ നഃ ॥ 2 ॥
അഭിനവമധുഗന്ധോന്‍മത്തരോലംബസങ്ഘ
ധ്വനിലലിതസരോജവ്രാതസൌരഭ്യശീതേ ।
നവമധുരഖഗാലീക്ഷ്വേലിസഞ്ചാരകാംരേ
സരസി ഭവതു വാസോ ദാനനിര്‍വര്‍തനേ നഃ ॥ 3 ॥
ഹിമകുസുമസുവാസസ്ഫാരപാനീയപൂരേ
രസപരിലസദാലീശാലിനോര്‍നവ്യയൂനോഃ ।
അതുലസലിലഖേലാലബ്ധസൌഭാഗ്യഫുല്ലേ
സരസി ഭവതു വാസോ ദാനനിര്‍വര്‍തനേ നഃ ॥ 4 ॥
ദരവികസിതപുഷ്പൈര്‍വാസിതാന്തര്‍ദിഗന്തഃ
ഖഗമധുപനിനാദൈര്‍മോദിതപ്രാണിജാതഃ ।
പരിതൌപരി യസ്യ ക്ഷ്മാരുഹാ ഭാന്തി തസ്മി-
ന്‍സരസി ഭവതു വാസോ ദാനനിര്‍വര്‍തനേ നഃ ॥ 5 ॥
നിജനിജനവകുഞ്ജേ ഗുഞ്ജിരോലംബപുഞ്ജേ
പ്രണയിനവസഖീഭിഃ സമ്പ്രവേശ്യ പ്രിയൌ തൌ ।
നിരുപമനവരങ്ഗസ്തന്യതേ യത്ര തസ്മി-
ന്‍സരസി ഭവതു വാസോ ദാനനിര്‍വര്‍തനേ നഃ ॥ 6 ॥
സ്ഫടികസമമതുച്ഛം യസ്യ പാനീയമച്ഛം
ഖഗനരപശുഗോഭിഃ സമ്പിബന്തീഭിരുച്ചൈഃ ।
നിജനിജഗുണവൃദ്ധിര്ലഭ്യതേ ദ്രാഗമുസ്മി-
ന്‍സരസി ഭവതു വാസോ ദാനനിര്‍വര്‍തനേ നഃ ॥ 7 ॥
സുരഭിമധുരശീതം യത്പയഃ പ്രത്യഹം താഃ
സഖിഗണപരിവീതോ വ്യാഹരന്‍പായയന്‍ഗാഃ ।
സ്വയമഥ പിബതി ശ്രീഗോപചന്ദ്രോഽപി തസ്മി-
ന്‍സരസി ഭവതു വാസോ ദാനനിര്‍വര്‍തനേ നഃ ॥ 8 ॥
പഠതി സുമതിരേതദ്ദാനനിര്‍വര്‍തനാഖ്യം
പ്രഥിതമഹിമകുണ്ഡസ്യാഷ്ടകം യോ യതാത്മാ ।
സ ച നിയതനിവാസം സുഷ്ഠു സംലഭ്യ കാലേ
കലയതി കില രാധാകൃഷ്ണയോര്‍ദാനലീലാം ॥ 9 ॥
ഇതി ശ്രീരഘുനാഥദാസഗോസ്വാമിവിരചിതസ്തവാവല്യാം
ശ്രീദാനനിര്‍വര്‍തനകുണ്ഡാഷ്ടകം സമ്പൂര്‍ണം ।
– Chant Stotra in Other Languages –
Sri Dananirvartanakundashtakam Lyrics in Sanskrit » English » Bengali » Gujarati » Kannada » Odia » Telugu » Tamil