Sri Dharmasastha Ashtottara Shatanama Stotram in Odia

॥ Dharmasastha Ashtottara Shatanama Stotram Odia Lyrics ॥

॥ ଶ୍ରୀଧର୍ମଶାସ୍ତୁଃ ଅଷ୍ଟୋତ୍ତରଶତନାମସ୍ତୋତ୍ରମ୍ ॥

ଶ୍ରୀ ପୂର୍ଣାପୁଷ୍କଲାମ୍ବାସମେତ ଶ୍ରୀ ହରିହରପୁତ୍ରସ୍ଵାମିନେ ନମଃ ॥

ଧ୍ୟାନମ୍ ॥

କଲ୍ହାରୋଜ୍ଵଲ ନୀଲକୁନ୍ତଲଭରଂ କାଲାଂବୁଦ ଶ୍ୟାମଲଂ
କର୍ପୂରାକଲିତାଭିରାମ ଵପୁଷଂ କାନ୍ତେନ୍ଦୁବିମ୍ବାନନଂ ।
ଶ୍ରୀ ଦଣ୍ଡାଙ୍କୁଶ-ପାଶ-ଶୂଲ ଵିଲସତ୍ପାଣିଂ ମଦାନ୍ତ-
ଦ୍ଵିପାରୂଢଂ ଶତ୍ରୁଵିମର୍ଦନଂ ହୃଦି ମହା ଶାସ୍ତାରଂ ଆଦ୍ୟଂ ଭଜେ ॥

ମହାଶାସ୍ତା ମହାଦେଵୋ ମହାଦେଵସୁତୋଽଵ୍ୟୟଃ ।
ଲୋକକର୍ତା ଲୋକଭର୍ତା ଲୋକହର୍ତାପରାତ୍ପରଃ ॥ ୧ ॥

ତ୍ରିଲୋକରକ୍ଷକୋ ଧନ୍ଵୀ ତପସ୍ଵୀ ଭୂତସୈନିକଃ ।
ମନ୍ତ୍ରଵେଦୀ ମହାଵେଦୀ ମାରୁତୋ ଜଗଦୀଶ୍ଵରଃ ॥ ୨ ॥

ଲୋକାଧ୍ୟକ୍ଷୋଽଗ୍ରଣୀଃ ଶ୍ରୀମାନପ୍ରମେୟପରାକ୍ରମଃ ।
ସିମ୍ହାରୂଢୋ ଗଜାରୂଢୋ ହୟାରୂଢୋ ମହେଶ୍ଵରଃ ॥ ୩ ॥

ନାନାଶସ୍ତ୍ରଧରୋଽନର୍ଘୋ ନାନାଵିଦ୍ୟାଵିଶାରଦଃ ।
ନାନାରୂପଧରୋ ଵୀରୋ ନାନାପ୍ରାଣିନିଷେଵିତଃ ॥ ୪ ॥

ଭୂତେଶୋ ଭୂତିତୋ ଭୃତ୍ୟୋ ଭୁଜଙ୍ଗାଭରଣୋଜ୍ଵଲଃ ।
ଇକ୍ଷୁଧନ୍ଵୀ ପୁଷ୍ପବାଣୋ ମହାରୂପୋ ମହାପ୍ରଭୁଃ ॥ ୫ ॥

ମାୟାଦେଵୀସୁତୋ ମାନ୍ୟୋ ମହନୀୟୋ ମହାଗୁଣଃ ।
ମହାଶୈଵୋ ମହାରୁଦ୍ରୋ ଵୈଷ୍ଣଵୋ ଵିଷ୍ଣୁପୂଜକଃ ॥ ୬ ॥

ଵିଘ୍ନେଶୋ ଵୀରଭଦ୍ରେଶୋ ଭୈରଵୋ ଷଣ୍ମୁଖପ୍ରିୟଃ ।
ମେରୁଶୃଙ୍ଗସମାସୀନୋ ମୁନିସଂଘନିଷେଵିତଃ ॥ ୭ ॥

ଵେଦୋ ଭଦ୍ରୋ ଜଗନ୍ନାଥୋ ଗଣନାଥୋ ଗଣେଶ୍ଵରଃ ।
ମହାୟୋଗୀ ମହାମାୟୀ ମହାଜ୍ଞାନୀ ମହାସ୍ଥିରଃ ॥ ୮ ॥

ଵେଦଶାସ୍ତା ଭୂତଶାସ୍ତା ଭୀମହାସପରାକ୍ରମଃ ।
ନାଗହାରୋ ନାଗକେଶୋ ଵ୍ୟୋମକେଶଃ ସନାତନଃ ॥ ୯ ॥

ସଗୁଣୋ ନିର୍ଗୁଣୋ ନିତ୍ୟୋ ନିତ୍ୟତୃପ୍ତୋ ନିରାଶ୍ରୟଃ ।
ଲୋକାଶ୍ରୟୋ ଗଣାଧୀଶଶ୍ଚତୁଷଷ୍ଟିକଲାମୟଃ ॥ ୧୦ ॥

ଋଗ୍ୟଜୁଃସାମଥର୍ଵାତ୍ମା ମଲ୍ଲକାସୁରଭଞ୍ଜନଃ ।
ତ୍ରିମୂର୍ତି ଦୈତ୍ୟମଥନଃ ପ୍ରକୃତିଃ ପୁରୁଷୋତ୍ତମଃ ॥ ୧୧ ॥

କାଲଜ୍ଞାନୀ ମହାଜ୍ଞାନୀ କାମଦଃ କମଲେକ୍ଷଣଃ ।
କଲ୍ପଵୃକ୍ଷୋ ମହାଵୃକ୍ଷୋ ଵିଦ୍ୟାଵୃକ୍ଷୋ ଵିଭୂତିଦଃ ॥ ୧୨ ॥

ସଂସାରତାପଵିଚ୍ଛେତ୍ତା ପଶୁଲୋକଭୟଙ୍କରଃ ।
ରୋଗହନ୍ତା ପ୍ରାଣଦାତା ପରଗର୍ଵଵିଭଞ୍ଜନଃ ॥ ୧୩ ॥

ସର୍ଵଶାସ୍ତ୍ରାର୍ଥ ତତ୍ଵଜ୍ଞୋ ନୀତିମାନ୍ ପାପଭଞ୍ଜନଃ ।
ପୁଷ୍କଲାପୂର୍ଣାସଂୟୁକ୍ତଃ ପରମାତ୍ମା ସତାଂଗତିଃ ॥ ୧୪ ॥

ଅନନ୍ତାଦିତ୍ୟସଙ୍କାଶଃ ସୁବ୍ରହ୍ମଣ୍ୟାନୁଜୋ ବଲୀ ।
ଭକ୍ତାନୁକଂପୀ ଦେଵେଶୋ ଭଗଵାନ୍ ଭକ୍ତଵତ୍ସଲଃ ॥

ଇତି ଶ୍ରୀ ଧର୍ମଶାସ୍ତୁଃ ଅଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣଂ ॥

– Chant Stotra in Other Languages –

Ayyappa Swamy Slokam » Sri Dharmasastha Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil

Share this

Leave a Reply

Your email address will not be published. Required fields are marked *