॥ Sri Durga Stotram Telugu Lyrics ॥
॥ శ్రీ దుర్గా స్తోత్రం ॥
వైశంపాయన ఉవాచ ।
విరాటనగరం రమ్యం గచ్ఛమానో యుధిష్ఠిరః ।
అస్తువన్మనసా దేవీం దుర్గాం త్రిభువనేశ్వరీమ్ ॥ ౧ ॥
యశోదాగర్భసంభూతాం నారాయణవరప్రియామ్ ।
నందగోపకులే జాతాం మంగళ్యాం కులవర్ధనీమ్ ॥ ౨ ॥
కంసవిద్రావణకరీమసురాణాం క్షయంకరీమ్ ।
శిలాతటవినిక్షిప్తామాకాశం ప్రతి గామినీమ్ ॥ ౩ ॥
వాసుదేవస్య భగినీం దివ్యమాల్యవిభూషితామ్ ।
దివ్యాంబరధరాం దేవిం ఖడ్గఖేటకధారిణీమ్ ॥ ౪ ॥
భారావతరణే పుణ్యే యే స్మరన్తి సదా శివామ్ ।
తాన్వై తారయసే పాపాత్పంకే గామివ దుర్బలామ్ ॥ ౫ ॥
స్తోతుం ప్రచక్రమే భూయో వివిధైః స్తోత్రసంభవైః ।
ఆమంత్ర్య దర్శనాకాంక్షీ రాజా దేవీం సహానుజః ॥ ౬ ॥
నమోఽస్తు వరదే కృష్ణే కుమారి బ్రహ్మచారిణి ।
బాలార్కసదృశాకారే పూర్ణచంద్రనిభాననే ॥ ౭ ॥
చతుర్భుజే చతుర్వక్త్రే పీనశ్రోణిపయోధరే ।
మయూరపిచ్ఛవలయే కేయూరాంగదధారిణి ॥ ౮ ॥
భాసి దేవి యథా పద్మా నారాయణపరిగ్రహః ।
స్వరూపం బ్రహ్మచర్యం చ విశదం తవ ఖేచరి ॥ ౯ ॥
కృష్ణచ్ఛవిసమా కృష్ణా సంకర్షణసమాననా ।
బిభ్రతీ విపులౌ బాహూ శక్రధ్వజసముచ్ఛ్రయౌ ॥ ౧౦ ॥
పాత్రీ చ పంకజీ ఘంటీ స్త్రీ విశుద్ధా చ యా భువి ।
పాశం ధనుర్మహాచక్రం వివిధాన్యాయుధాని చ ॥ ౧౧ ॥
కుండలాభ్యాం సుపూర్ణాభ్యాం కర్ణాభ్యాం చ విభూషితా ।
చంద్రవిస్పర్ధినా దేవి ముఖేన త్వం విరాజసే ॥ ౧౨ ॥
ముకుటేన విచిత్రేణ కేశబంధేన శోభినా ।
భుజంగాభోగవాసేన శ్రోణిసూత్రేణ రాజతా ॥ ౧౩ ॥
విభ్రాజసే చాబద్ధేన భోగేనేవేహ మందరః ।
ధ్వజేన శిఖిపిచ్ఛానాముచ్ఛ్రితేన విరాజసే ॥ ౧౪ ॥
కౌమారం వ్రతమాస్థాయ త్రిదివం పావితం త్వయా ।
తేన త్వం స్తూయసే దేవి త్రిదశైః పూజ్యసేఽపి చ ॥ ౧౫ ॥
త్రైలోక్యరక్షణార్థాయ మహిషాసురనాశిని ।
ప్రసన్నా మే సురశ్రేష్ఠే దయాం కురు శివా భవ ॥ ౧౬ ॥
జయా త్వం విజయా చైవ సంగ్రామే చ జయప్రదా ।
మమాపి విజయం దేహి వరదా త్వం చ సాంప్రతమ్ ॥ ౧౭ ॥
వింధ్యే చైవ నగశ్రేష్ఠే తవ స్థానం హి శాశ్వతమ్ ।
కాళి కాళి మహాకాళి శీధుమాంసపశుప్రియే ॥ ౧౮ ॥ [*ఖడ్గఖట్వాంగధారిణి*]
కృతానుయాత్రా భూతైస్త్వం వరదా కామచారిణీ ।
భారావతారే యే చ త్వాం సంస్మరిష్యంతి మానవాః ॥ ౧౯ ॥
ప్రణమంతి చ యే త్వాం హి ప్రభాతే తు నరా భువి ।
న తేషాం దుర్లభం కించిత్పుత్రతో ధనతోఽపి వా ॥ ౨౦ ॥
దుర్గాత్తారయసే దుర్గే తత్త్వం దుర్గా స్మృతా జనైః ।
కాంతారేష్వవసన్నానాం మగ్నానాం చ మహార్ణవే ।
దస్యుభిర్వా నిరుద్ధానాం త్వం గతిః పరమా నృణామ్ ॥ ౨౧ ॥
జలప్రతరణే చైవ కాంతారేష్వటవీషు చ ।
యే స్మరంతి మహాదేవి న చ సీదంతి తే నరాః ॥ ౨౨ ॥
త్వం కీర్తిః శ్రీర్ధృతిః సిద్ధిర్హ్రీర్విద్యా సంతతిర్మతిః ।
సంధ్యా రాత్రిః ప్రభా నిద్రా జ్యోత్స్నా కాంతిః క్షమా దయా ॥ ౨౩ ॥
నృణాం చ బంధనం మోహం పుత్రనాశం ధనక్షయమ్ ।
వ్యాధిం మృత్యుం భయం చైవ పూజితా నాశయిష్యసి ॥ ౨౪ ॥
సోఽహం రాజ్యాత్పరిభ్రష్టః శరణం త్వాం ప్రపన్నవాన్ ।
ప్రణతశ్చ యథా మూర్ధ్నా తవ దేవి సురేశ్వరి ॥ ౨౫ ॥
త్రాహి మాం పద్మపత్రాక్షి సత్యే సత్యా భవస్య నః ।
శరణం భవ మే దుర్గే శరణ్యే భక్తవత్సలే ॥ ౨౬ ॥
ఏవం స్తుతా హి సా దేవీ దర్శయామాస పాండవమ్ ।
ఉపగమ్య తు రాజానామిదం వచనమబ్రవీత్ ॥ ౨౭ ॥
దేవ్యువాచ ।
శృణు రాజన్మహాబాహో మదీయం వచనం ప్రభో ।
భవిష్యత్యచిరాదేవ సంగ్రామే విజయస్తవ ॥ ౨౮ ॥
మమ ప్రసాదాన్నిర్జిత్య హత్వా కౌరవవాహినీమ్ ।
రాజ్యం నిష్కంటకం కృత్వా భోక్ష్యసే మేదినీం పునః ॥ ౨౯ ॥
భాత్రృభిః సహితో రాజన్ప్రీతిం ప్రాప్స్యసి పుష్కలామ్ ।
మత్ప్రసాదాచ్చ తే సౌఖ్యమారోగ్యం చ భవిష్యతి ॥ ౩౦ ॥
యే చ సంకీర్తయిష్యంతి లోకే విగతకల్మషాః ।
తేషాం తుష్టా ప్రదాస్యామి రాజ్యమాయుర్వపుః సుతమ్ ॥ ౩౧ ॥
ప్రవాసే నగరే చాపి సంగ్రామే శత్రుసంకటే ।
అటవ్యాం దుర్గకాంతారే సాగరే గహనే గిరౌ ॥ ౩౨ ॥
యే స్మరిష్యంతి మాం రాజన్ యథాఽహం భవతా స్మృతా ।
న తేషాం దుర్లభం కించిదస్మిన్ లోకే భవిష్యతి ॥ ౩౩ ॥
ఇదం స్తోత్రవరం భక్త్యా శృణుయాద్వా పఠేత వా ।
తస్య సర్వాణి కార్యాణి సిద్ధిం యాస్యంతి పాండవాః ॥ ౩౪ ॥
మత్ప్రసాదాచ్చ వః సర్వాన్విరాటనగరే స్థితాన్ ।
న ప్రజ్ఞాస్యన్తి కురవో నరా వా తన్నివాసినః ॥ ౩౫ ॥
ఇత్యుక్త్వా వరదా దేవీ యుధిష్ఠిరమరిందమమ్ ।
రక్షాం కృత్వా చ పాండూనాం తత్రైవాన్తరధీయత ॥ ౩౬ ॥
ఇతి శ్రీమన్మహాభారతే విరాటపర్వణి దేవీ స్తోత్రమ్ ।
– Chant Stotra in Other Languages –
Sri Durga Stotram in Sanskrit – English । Kannada – Telugu – Tamil