॥ Sri Garuda Ashtottara Shatanama Stotram Telugu Lyrics ॥
॥ శ్రీగరుడాష్టోత్తరశతనామస్తోత్రమ్ ॥
శ్రీదేవ్యువాచ –
దేవదేవ మహాదేవ సర్వజ్ఞ కరుణానిధే ।
శ్రోతుమిచ్ఛామి తార్క్ష్యస్య నామ్నామష్టోత్తరం శతమ్ ।
ఈశ్వర ఉవాచ –
శృణు దేవి ప్రవక్ష్యామి గరుడస్య మహాత్మనః ।
నామ్నామష్టోత్తరశతం పవిత్రం పాపనాశనమ్ ॥
అస్య శ్రీగరుడనామాష్టోత్తరశతమహామన్త్రస్య బ్రహ్మా ఋషిః
అనుష్టుప్ ఛన్దః గరుడో దేవతా । ప్రణవో బీజమ్ । విద్యా శక్తిః ।
వేదాదిః కీలకమ్ । పక్షిరాజప్రీత్యర్థే జపే వినియోగః ।
ధ్యానమ్ –
అమృతకలశహస్తం కాన్తిసమ్పూర్ణదేహం
సకలవిబుధవన్ద్యం వేదశాస్త్రైరచిన్త్యమ్ ।
కనకరుచిరపక్షోద్ధూయమానాణ్డగోలం
సకలవిషవినాశం చిన్తయేత్పక్షిరాజమ్ ॥
ఓం । వైనతేయః ఖగపతిః కాశ్యపోఽగ్నిర్మహాబలః ।
తప్తకాశ్చనవర్ణాభః సుపర్ణో హరివాహనః ॥ ౧ ॥
ఛన్దోమయో మహాతేజా మహోత్సాహో మహాబలః ।
బ్రహ్మణ్యో విష్ణుభక్తశ్చ కున్దేన్దుధవలాననః ॥ ౨ ॥
చక్రపాణిధరః శ్రీమాన్నాగారిర్నాగభూషణః ।
విజ్ఞానదో విశేషజ్ఞో విద్యానిధిరనామయః ॥ ౩ ॥
భూతిదో భువనత్రాతా భూశయో భక్తవత్సలః ।
సప్తచ్ఛన్దోమయః పక్షీ సురాసురసుపూజితః ॥ ౪ ॥
గజభుక్ కచ్ఛపాశీ చ దైత్యహన్తాఽరుణానుజః ।
అమృతాంశోఽమృతవపురానన్దనిధిరవ్యయః ॥ ౫ ॥
నిగమాత్మా నిరాహారో నిస్త్రైగుణ్యో నిరప్యయః ।
నిర్వికల్పః పరం జ్యోతిః పరాత్పరతరః పరః ॥ ౬ ॥
శుభాఙ్గః శుభదః శూరః సూక్ష్మరూపీ బృహత్తనుః ।
విషాశీ విదితాత్మా చ విదితో జయవర్ధనః ॥ ౭ ॥
దార్ఢ్యాఙ్గో జగదీశశ్చ జనార్దనమహాధ్వజః ।
సతాం సన్తాపవిచ్ఛేత్తా జరామరణవర్జితః ॥ ౮ ॥
కల్యాణదః కలాతీతః కలాధరసమప్రభః ।
సోమపః సురసఙ్ఘేశో యజ్ఞాఙ్గో యజ్ఞభూషణః ॥ ౯ ॥
మహాజవో జితామిత్రో మన్మథప్రియబాన్ధవః ।
శఙ్ఖభృచ్చక్రధారీ చ బాలో బహుపరాక్రమః ॥ ౧౦ ॥
సుధాకుమ్భధరో ధీమాన్దురాధర్షో దురారిహా ।
వజ్రాఙ్గో వరదో వన్ద్యో వాయువేగో వరప్రదః ॥ ౧౧ ॥
వినతానన్దనః శ్రీదో విజితారాతిసఙ్గులః ।
పతద్వీరష్ఠః సర్వేశః పాపహా పాపనాశనః ॥ ౧౨ ॥
అగ్నిజిజ్జయఘోషశ్చ జగదాహ్లాదకారకః ।
వజ్రనాసః సువక్త్రశ్చ మారిఘ్నో మదభఞ్జనః ॥ ౧౩ ॥
కాలజ్ఞః కమలేష్టశ్చ కలిదోషనివారణః ।
విద్యున్నిభో విశాలాఙ్గో వినతాదాస్యమోచనః ॥ ౧౪ ॥
స్తోమాత్మా చ త్రయీమూర్ధా భూమా గాయత్రలోచనః ।
సామగానరతః స్రగ్వీ స్వచ్ఛన్దగతిరగ్రణీః ॥ ౧౫ ॥
ఇతీదం పరమం గుహ్యం గరుడస్య మహాత్మనః
నామ్నామష్టోత్తరశతం పవిత్రం పాపనాశనమ్ ।
స్తూయమానం మహాదివ్యం విష్ణునా సముదీరితమ్ ॥ ౧౬ ॥
ఇతి బ్రహ్మాణ్డపురాణాన్తర్గతం గరుడాష్టోత్తరశతనామస్తోత్రం సమ్పూర్ణమ్ ।
– Chant Stotra in Other Languages –
Garuda Deva Slokam » Sri Garuda Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil