Sri Gayatri Kavacham In Telugu

॥ Sri Gayatri Kavacham Telugu Lyrics ॥

॥ శ్రీ గాయత్రీ కవచం ॥
ఓం అస్య శ్రీగాయత్రీకవచస్య, బ్రహ్మా ఋషిః, గాయత్రీ ఛందః, గాయత్రీ దేవతా, భూః బీజమ్, భువః శక్తిః, స్వః కీలకం, గాయత్రీ ప్రీత్యర్థం జపే వినియోగః ।

ధ్యానం –
పంచవక్త్రాం దశభుజాం సూర్యకోటిసమప్రభామ్ ।
సావిత్రీం బ్రహ్మవరదాం చంద్రకోటిసుశీతలామ్ ॥ ౧ ॥

త్రినేత్రాం సితవక్త్రాం చ ముక్తాహారవిరాజితామ్ ।
వరాభయాంకుశకశాహేమపాత్రాక్షమాలికామ్ ॥ ౨ ॥

శంఖచక్రాబ్జయుగళం కరాభ్యాం దధతీం వరామ్ ।
సితపంకజసంస్థాం చ హంసారూఢాం సుఖస్మితామ్ ॥ ౩ ॥

ధ్యాత్వైవం మానసాంభోజే గాయత్రీకవచం జపేత్ ॥ ౪ ॥

ఓం బ్రహ్మోవాచ ।
విశ్వామిత్ర మహాప్రాజ్ఞ గాయత్రీకవచం శృణు ।
యస్య విజ్ఞానమాత్రేణ త్రైలోక్యం వశయేత్ క్షణాత్ ॥ ౫ ॥

సావిత్రీ మే శిరః పాతు శిఖాయాం అమృతేశ్వరీ ।
లలాటం బ్రహ్మదైవత్యా భ్రువౌ మే పాతు వైష్ణవీ ॥ ౬ ॥

కర్ణౌ మే పాతు రుద్రాణీ సూర్యా సావిత్రికాఽంబికా ।
గాయత్రీ వదనం పాతు శారదా దశనచ్ఛదౌ ॥ ౭ ॥

ద్విజాన్ యజ్ఞప్రియా పాతు రసనాయాం సరస్వతీ ।
సాంఖ్యాయనీ నాసికాం మే కపోలౌ చంద్రహాసినీ ॥ ౮ ॥

చిబుకం వేదగర్భా చ కంఠం పాత్వఘనాశినీ ।
స్తనౌ మే పాతు ఇంద్రాణీ హృదయం బ్రహ్మవాదినీ ॥ ౯ ॥

ఉదరం విశ్వభోక్త్రీ చ నాభౌ పాతు సురప్రియా ।
జఘనం నారసింహీ చ పృష్ఠం బ్రహ్మాండధారిణీ ॥ ౧౦ ॥

See Also  Shri Karthikeya Ashtakam In Telugu

పార్శ్వౌ మే పాతు పద్మాక్షీ గుహ్యం గోగోప్త్రికాఽవతు ।
ఊర్వోరోంకారరూపా చ జాన్వోః సంధ్యాత్మికాఽవతు ॥ ౧౧ ॥

జంఘయోః పాతు అక్షోభ్యా గుల్ఫయోర్బ్రహ్మశీర్షకా ।
సూర్యా పదద్వయం పాతు చంద్రా పాదాంగుళీషు చ ॥ ౧౨ ॥

సర్వాంగం వేదజననీ పాతు మే సర్వదాఽనఘా ।
ఇత్యేతత్కవచం బ్రహ్మన్ గాయత్ర్యాః సర్వపావనమ్ ॥ ౧౩ ॥

పుణ్యం పవిత్రం పాపఘ్నం సర్వరోగనివారణమ్ ।
త్రిసంధ్యం యః పఠేద్విద్వాన్ సర్వాన్ కామానవవాప్నుయాత్ ॥ ౧౪ ॥

సర్వశాస్త్రార్థతత్త్వజ్ఞః స భవేద్వేదవిత్తమః ।
సర్వయజ్ఞఫలం ప్రాప్య బ్రహ్మాంతే సమవాప్నుయాత్ ।
ప్రాప్నోతి జపమాత్రేణ పురుషార్థాంశ్చతుర్విధాన్ ॥ ౧౫ ॥

ఇతి శ్రీవిశ్వామిత్రసంహితోక్తం గాయత్రీకవచం ।

– Chant Stotra in Other Languages –

Sri Gayatri Kavacham in EnglishSanskritKannada – Telugu – Tamil