॥ Hayagriva Ashtottara Shatanama Stotram Gujarati Lyrics ॥
॥ શ્રીહયગ્રીવાષ્ટોત્તરશતનામસ્તોત્રમ્ ॥
અથ વિનિયોગઃ –
ૐ અસ્ય શ્રીહયગ્રીવસ્તોત્રમન્ત્રસ્ય સઙ્કર્ષણ ઋષિઃ,
અનુષ્ટુપ્છન્દઃ, શ્રીહયગ્રીવો દેવતા ઋં બીજં
નમઃ શક્તિઃ વિદ્યાર્થે જપે વિનિયોગઃ ॥
અથ ધ્યાનમ્ –
વન્દે પૂરિતચન્દ્રમણ્ડલગતં શ્વેતારવિન્દાસનં
મન્દાકિન્યમૃતાબ્ધિકુન્દકુમુદક્ષીરેન્દુહાસં હરિમ્ ।
મુદ્રાપુસ્તકશઙ્ખચક્રવિલસચ્છ્રીમદ્ભુજામણ્ડિતમ્
નિત્યં નિર્મલભારતીપરિમલં વિશ્વેશમશ્વાનનમ્ ॥
અથ મન્ત્રઃ –
ૐ ઋગ્યજુઃસામરૂપાય વેદાહરણકર્મણે ।
પ્રણવોદ્ગીથવચસે મહાશ્વશિરસે નમઃ ॥
શ્રીહયગ્રીવાય નમઃ ।
અથ સ્તોત્રમ્ –
જ્ઞાનાનન્દમયં દેવં નિર્મલં સ્ફટિકાકૃતિમ્ ।
આધારં સર્વવિદ્યાનાં હયગ્રીવમુપાસ્મહે ॥ ૧ ॥
હયગ્રીવો મહાવિષ્ણુઃ કેશવો મધુસૂદનઃ ।
ગોવિન્દઃ પુણ્ડરીકાક્ષો વિષ્ણુર્વિશ્વમ્ભરો હરિઃ ॥ ૨ ॥
આદીશઃ સર્વવાગીશઃ સર્વાધારઃ સનાતનઃ ।
નિરાધારો નિરાકારો નિરીશો નિરુપદ્રવઃ ॥ ૩ ॥
નિરઞ્જનો નિષ્કલઙ્કો નિત્યતૃપ્તો નિરામયઃ ।
ચિદાનન્દમયઃ સાક્ષી શરણ્યઃ સર્વદાયકઃ ॥ ૪ ॥ શુભદાયકઃ
શ્રીમાન્ લોકત્રયાધીશઃ શિવઃ સારસ્વતપ્રદઃ ।
વેદોદ્ધર્ત્તાવેદનિધિર્વેદવેદ્યઃ પુરાતનઃ ॥ ૫ ॥
પૂર્ણઃ પૂરયિતા પુણ્યઃ પુણ્યકીર્તિઃ પરાત્પરઃ ।
પરમાત્મા પરઞ્જ્યોતિઃ પરેશઃ પારગઃ પરઃ ॥ ૬ ॥
સકલોપનિષદ્વેદ્યો નિષ્કલઃ સર્વશાસ્ત્રકૃત્ ।
અક્ષમાલાજ્ઞાનમુદ્રાયુક્તહસ્તો વરપ્રદઃ ॥ ૭ ॥
પુરાણપુરુષઃ શ્રેષ્ઠઃ શરણ્યઃ પરમેશ્વરઃ ।
શાન્તો દાન્તો જિતક્રોધો જિતામિત્રો જગન્મયઃ ॥ ૮ ॥
જરામૃત્યુહરો જીવો જયદો જાડ્યનાશનઃ । ગરુડાસનઃ
જપપ્રિયો જપસ્તુત્યો જપકૃત્પ્રિયકૃદ્વિભુઃ ॥ ૯ ॥
var જયશ્રિયોર્જિતસ્તુલ્યો જાપકપ્રિયકૃદ્વિભુઃ
વિમલો વિશ્વરૂપશ્ચ વિશ્વગોપ્તા વિધિસ્તુતઃ । વિરાટ્ સ્વરાટ્
વિધિવિષ્ણુશિવસ્તુત્યઃ શાન્તિદઃ ક્ષાન્તિકારકઃ ॥ ૧૦ ॥
શ્રેયઃપ્રદઃ શ્રુતિમયઃ શ્રેયસાં પતિરીશ્વરઃ ।
અચ્યુતોઽનન્તરૂપશ્ચ પ્રાણદઃ પૃથિવીપતિઃ ॥ ૧૧ ॥
અવ્યક્તો વ્યક્તરૂપશ્ચ સર્વસાક્ષી તમોહરઃ ।
અજ્ઞાનનાશકો જ્ઞાની પૂર્ણચન્દ્રસમપ્રભઃ ॥ ૧૨ ॥
જ્ઞાનદો વાક્પતિર્યોગી યોગીશઃ સર્વકામદઃ ।
યોગારૂઢો મહાપુણ્યઃ પુણ્યકીર્તિરમિત્રહા ॥ ૧૩ ॥
વિશ્વસાક્ષી ચિદાકારઃ પરમાનન્દકારકઃ ।
મહાયોગી મહામૌની મુનીશઃ શ્રેયસાં નિધિઃ ॥ ૧૪ ॥
હંસઃ પરમહંસશ્ચ વિશ્વગોપ્તા વિરટ્ સ્વરાટ્ ।
શુદ્ધસ્ફટિકસઙ્કાશઃ જટામણ્ડલસંયુતઃ ॥ ૧૫ ॥
આદિમધ્યાન્તરહિતઃ સર્વવાગીશ્વરેશ્વરઃ ।
પ્રણવોદ્ગીથરૂપશ્ચ વેદાહરણકર્મકૃત્ ॥ ૧૬ ॥
નામ્નામષ્ટોત્તરશતં હયગ્રીવસ્ય યઃ પઠેત્ ।
સ સર્વવેદવેદાઙ્ગશાસ્ત્રાણાં પારગઃ કવિઃ ॥ ૧૭ ॥
ઇદમષ્ટોત્તરશતં નિત્યં મૂઢોઽપિ યઃ પઠેત્ ।
વાચસ્પતિસમો બુદ્ધ્યા સર્વવિદ્યાવિશારદઃ ॥ ૧૮ ॥
મહદૈશ્વર્યમાપ્નોતિ કલત્રાણિ ચ પુત્રકાન્ ।
નશ્યન્તિ સકલાન્ રોગાન્ અન્તે હરિપુરં વ્રજેત્ ॥ ૧૯ ॥
॥ ઇતિ શ્રીબ્રહ્માણ્ડપુરાણે શ્રીહયગ્રીવાષ્ટોત્તરશતનામસ્તોત્રં સમ્પૂર્ણમ્ ॥
– Chant Stotra in Other Languages –
Sri Vishnu Slokam » Sri Hayagriva Ashtottara Shatanama Stotram Lyrics in Sanskrit » English » Bengali » Kannada » Malayalam » Odia » Telugu » Tamil